ಚೆನ್ನೈ: ಉದಯೋನ್ಮುಖ ತಾರೆ ಎಂದು ಶ್ಲಾಘಿಸಲ್ಪಟ್ಟ ಕೊಪ್ಪರಂ ಶ್ರೇಯಸ್ ಹರೀಶ್ ಅವರು ಕೇವಲ 13 ವರ್ಷ ವಯಸ್ಸಿನಲ್ಲಿಯೇ ಮದ್ರಾಸ್ ಇಂಟರ್ನ್ಯಾಷನಲ್ ಸರ್ಕ್ಯೂಟ್ನಲ್ಲಿ ನಡೆದ ಎಫ್ಎಂಎಸ್ಸಿಐ-ಭಾರತೀಯ ರಾಷ್ಟ್ರೀಯ ಮೋಟಾರ್ಸೈಕಲ್ ರೇಸಿಂಗ್ ಚಾಂಪಿಯನ್ಶಿಪ್ನ ಮೂರನೇ ಸುತ್ತಿನ ವೇಳೆ ಅಪಘಾತದಲ್ಲಿ ಶನಿವಾರ ನಿಧನರಾದಾಗಿದ್ದು ಅವರ ಸಾವಿಗೆ ಸಾವಿರಾರು ಅಭಿಮಾನಿಗಳು ಕಂಬನಿ ಮಿಡಿದಿದ್ದಾರೆ.
“ಅವರು ಭಾರತೀಯ ಮೋಟಾರ್ಸ್ಪೋರ್ಟ್ನ ಬೆಳೆಯುತ್ತಿರುವ ಮುಖವಾಗಿದ್ದರು. ಅವರು ಜಾಗತಿಕ ವೇದಿಕೆಯಲ್ಲಿರಲು ಎಲ್ಲಾ ಸಾಮರ್ಥ್ಯವನ್ನು ಹೊಂದಿದ್ದರು. ನಾವು ಅವರನ್ನು ಮಿಸ್ ಮಾಡಿಕೊಳ್ಳುತ್ತೇವೆ ಎಂದು ಸ್ವತಃ ರೇಸ್ ಆಯೋಜಕ ಹಾಗೂ ಮಾಜಿ ರೇಸರ್ ಅರವಿಂದ್ ಸಿಂಗ್ ಹೇಳಿದ್ದಾರೆ. ರಾಷ್ಟ್ರೀಯ ಗಮನ ಸೆಳೆದ ಭಾರತದ ಕಿರಿಯ ರೈಡರ್ಗಳಲ್ಲಿ ಒಬ್ಬರಾದ ಶ್ರೇಯಸ್ ರೇಸ್ ನಲ್ಲಿ ತಿರುವು ತೆಗೆದುಕೊಳ್ಳುತಿದ್ದಾಗ ತನ್ನ ಬೈಕ್ನ ನಿಯಂತ್ರಣವನ್ನು ಕಳೆದುಕೊಂಡರು. ಬೈಕ್ ಸ್ಕಿಡ್ ಆಗಿದ್ದು, ಹೆಲ್ಮೆಟ್ ಕಳಚಿ ಬಿದ್ದಿದೆ. ತಕ್ಷಣವೇ ಹಿಂಬದಿಯಿಂದ ಸವಾರನೊಬ್ಬ ಅವರ ಮೇಲೆ ಬೈಕ್ ಓಡಿಸಿದ್ದರಿಂದ ತಲೆಗೆ ಪೆಟ್ಟು ಬಿದ್ದು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.
ಬೆಂಗಳೂರಿನಲ್ಲಿ ಹುಟ್ಟಿ ಬೆಳೆದ ಶ್ರೇಯಸ್ ಬೆಂಗಳೂರಿನ ಕೆನ್ಸ್ರಿ ಶಾಲೆಯ ವಿದ್ಯಾರ್ಥಿಯಾಗಿದ್ದು, ಕಳೆದ ತಿಂಗಳಷ್ಟೆ ತಮ್ಮ 13 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡರು. ಸಿಂಗ್ ಪ್ರಕಾರ, ಭಾರತದಲ್ಲಿ 16 ವರ್ಷಕ್ಕಿಂತ ಕಡಿಮೆ ವಯಸ್ಸಿನ 100ಕ್ಕೂ ಹೆಚ್ಚು ಯುವ ಸವಾರರಿದ್ದಾರೆ, ಆದರೆ ಶ್ರೇಯಸ್ “ಅದ್ಭುತ”. “ಅವರು ರೇಸಿಂಗ್ನಲ್ಲಿ ತುಂಬಾ ಪಳಗಿದ್ದರು ಮತ್ತು ಅವರು ರೇಸ್ಗಾಗೇ ಜನಿಸಿದವರು ಎಂದು ನಾವು ಯಾವಾಗಲೂ ನಂಬಿದ್ದೇವೆ. ಅವರು ಭಾರತ ಮತ್ತು ವಿದೇಶಗಳಲ್ಲಿ ಹಲವಾರು ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ. ಅವರ ತಂದೆ ಹರೀಶ್ ಅವರ ರೇಸಿಂಗ್ ಗೆ ಉತ್ತಮ ಬೆಂಬಲ ನೀಡಿದರು,” ಎಂದು ಹೇಳಿದರು.
ಚಿಕ್ಕ ವಯಸ್ಸಿನಲ್ಲಿಯೇ, ಶ್ರೇಯಸ್ ತನ್ನ ತಂದೆ ಹರೀಶ್ ಮಾರ್ಗದರ್ಶನದಲ್ಲಿ ಬೈಕ್ ಓಡಿಸಲು ಪ್ರಾರಂಭಿಸಿದರು. ಪ್ರತಿ ಭಾನುವಾರ ಹರೀಶ್, ಶ್ರೇಯಸ್ಗೆ ಬೈಕ್ ರೈಡಿಂಗ್ ಕಲಿಸಲು ಕಬ್ಬನ್ ಪಾರ್ಕ್ಗೆ ಕರೆದುಕೊಂಡು ಹೋಗುತ್ತಿದ್ದರು. ಶ್ರೇಯಸ್ ಮೋಟೋಜಿಪಿ ಚಾಂಪಿಯನ್ ಆಗುವ ಕನಸನ್ನು ಕಂಡಾಗ ಹರೀಶ್ – ಫಾರ್ಮಾಸ್ಯುಟಿಕಲ್ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದರು. ಅವರು ತಮ್ಮ ಕೆಲಸಕ್ಕೆ ರಾಜೀನಾಮೆ ನೀಡಿ ಕ್ರೀಡೆಯಲ್ಲಿ ತನ್ನ ಮಗನ ಭವಿಷ್ಯ ರೂಪಿಸಲು ತನ್ನ ಸಮಯವನ್ನು ವಿನಿಯೋಗಿಸಿದರು.
“ಅವರ ತಂದೆ ಅವನನ್ನು ಎಲ್ಲೆಲ್ಲಿ ರೇಸಿಂಗ್ ಸ್ಪರ್ಧೆಗಳು ಇದ್ದವೋ ಅಲ್ಲಿಗೆ ಕರೆದೊಯ್ದರು ಮತ್ತು ಅವರಿಗೆ ಉತ್ತಮ ಮಾನ್ಯತೆ ನೀಡಿದರು. 2021ರಲ್ಲಿ ಶೃಂಗೇರಿ ಬಳಿ ನಾನು ಆಯೋಜಿಸಿದ್ದ ಓಟದಲ್ಲಿ ಭಾಗವಹಿಸಿದ್ದರು. ನಾನು ಅವರೊಂದಿಗೆ ಎರಡು ದಿನ ಕಳೆದಿದ್ದೇನೆ ಮತ್ತು ಹೆಚ್ಚಿನ ಸಮಯ ಅವರು ರೇಸಿಂಗ್ ಬಗ್ಗೆ ಮಾತ್ರ ಮಾತನಾಡುತ್ತಿದ್ದರು,” ಎಂದು ಅರವಿಂದ್ ಹೇಳಿದರು. ಮಾಜಿ ರೇಸರ್ ಆನಂದ್ ಹರಿಹರನ್ ಮಾತನಾಡಿ , ಶ್ರೇಯಸ್ ತುಂಬಾ ಚಿಕ್ಕವ ಮತ್ತು ಹೆಚ್ಚು ಪ್ರತಿಭಾವಂತ ಎಂದು ಹೇಳಿದರು.
“ಅವರು ಉಜ್ವಲ ಭವಿಷ್ಯವನ್ನು ಹೊಂದಿದ್ದರು, ಆದರೆ ತುಂಬಾ ಬೇಗ ಹೋದರು. ಇದು ದುರದೃಷ್ಟಕರ ಘಟನೆ ಮತ್ತು ನಾವು ಅವರನ್ನು ಕಳೆದುಕೊಂಡಿದ್ದೇವೆ,” ಎಂದು ಅವರು ಹೇಳಿದರು.
11 ನೇ ವಯಸ್ಸಿನಲ್ಲಿ, ಶ್ರೇಯಸ್ ಫೆಡರೇಶನ್ ಆಫ್ ಮೋಟಾರ್ ಸ್ಪೋರ್ಟ್ಸ್ ಕ್ಲಬ್ ಆಫ್ ಇಂಡಿಯಾದಿಂದ (FMSCI) ರೇಸ್ಗಳಲ್ಲಿ ಭಾಗವಹಿಸಲು ಪರವಾನಗಿ ಪಡೆದರು. ಅವರ ಎತ್ತರಕ್ಕೆ ಮರುವಿನ್ಯಾಸಗೊಳಿಸಲಾದ ಬೈಕುಗಳನ್ನು ಸಹ ಅವರಿಗೆ ಒದಗಿಸಲಾಯಿತು ಮತ್ತು ಈವೆಂಟ್ಗಳಲ್ಲಿ ರೇಸ್ ಮಾಡಲು ಅವಕಾಶವನ್ನು ನೀಡಲಾಯಿತು. ಆದರೆ ಸಾರ್ವಜನಿಕ ರಸ್ತೆಗಳಲ್ಲಿ ಓಡಿಸಲು ಅನುಮತಿ ನೀಡಿಲ್ಲ . ತರಬೇತಿಯ ಸಮಯದಲ್ಲಿ ವಯಸ್ಕನು ಅವನೊಂದಿಗೆ ಬರಬೇಕು ಎಂದು ನಿಯಮಗಳು ಕಡ್ಡಾಯಗೊಳಿಸಲಾಗಿತ್ತು.
ಸ್ಟೀವರ್ಡ್ ಮತ್ತು ಎಫ್ಎಂಎಸ್ಸಿಐ ಹಿರಿಯ ಪರಿವೀಕ್ಷಕ ಎಂ. ಸ್ಟೀವರ್ಡ್ ಮಾತನಾಡಿ “ಒಬ್ಬ ತಂದೆ ತಮ್ಮ ಮಗನನ್ನು ಕಳೆದುಕೊಂಡರು ಮತ್ತು ನಾವು ಶ್ರೇಷ್ಠ ರೇಸರ್ನನ್ನು ಕಳೆದುಕೊಂಡಿದ್ದೇವೆ. ಅವರು MotoGP 250 CC ಗುಂಪು B ನಲ್ಲಿ ಭಾಗವಹಿಸಲು ತಯಾರಿ ನಡೆಸುತ್ತಿದ್ದರು. ಇದು ದುರದೃಷ್ಟಕರ ಘಟನೆ ಮತ್ತು ರೇಸಿಂಗ್ ಭ್ರಾತೃತ್ವಕ್ಕೆ ಭಾರಿ ನಷ್ಟವಾಗಿದೆ. ಅವರು ಕ್ಲೋಸ್ಡ್ ಸರ್ಕ್ಯೂಟ್ನಲ್ಲಿ ಸವಾರಿ ಮಾಡಲು ಪರವಾನಗಿ ಹೊಂದಿದ್ದರು ಮತ್ತು ಉತ್ತಮ ರೇಸರ್ ಆಗಿದ್ದರು,” ಎಂದರು.
ಶ್ರೇಯಸ್ ಎಫ್ಎಂಎಸ್ಸಿಐ-ಇಂಡಿಯನ್ ನ್ಯಾಷನಲ್ ಮೋಟಾರ್ಸೈಕಲ್ ರೇಸಿಂಗ್ ಚಾಂಪಿಯನ್ಶಿಪ್ 2022ರಲ್ಲಿ ಮೊದಲ ಭಾರತೀಯ ಮಿನಿಜಿಪಿ ಚಾಂಪಿಯನ್ ಮತ್ತು ರೂಕಿ ಕ್ಲಾಸ್ನಲ್ಲಿ ರನ್ನರ್ ಅಪ್ ಆಗಿದ್ದಾರೆ. ಅವರು ಈ ವರ್ಷ ಮಿನಿ ವೆಲಾಸಿಟಿ ಸ್ಪ್ಯಾನಿಷ್ ಕಪ್ನಲ್ಲಿ ಭಾಗವಹಿಸಿದರು, ಅಲ್ಲಿ ಅವರು ಬೈಕ್-ರೇಸಿಂಗ್ ಭ್ರಾತೃತ್ವದ ಮೆಚ್ಚುಗೆ ಗಳಿಸಿದ್ದರು. ಈ ಸಾವು ರೇಸಿಂಗ್ ಜಗತ್ತಿಗೆ ತುಂಬಲಾಗದ ನಷ್ಟ ವಾಗಿದೆ.