ಕೆಲವರಿಗೆ ರಾತ್ರಿ ಮಲಗಿರುವಾಗ ಕೆಲವೊಮ್ಮೆ ಕಾಲಿನ ಮಾಂಸ ಖಂಡದಲ್ಲಿ ನೋವು ಕಾಣಿಸಿಕೊಳ್ಳುತ್ತದೆ. ಅಂದರೆ ಒಮ್ಮೆಲೇ ಮಸಲ್ಸ್ ಹಿಡಿದಂತಾಗುತ್ತದೆ.
ಆಗ ನಾವು ಒಮ್ಮೆಲೇ ಆತಂಕಕ್ಕೆ ಒಳಗಾಗುತ್ತೇವೆ ಅದು ಹೇಗೆ ಬಂತು ಎನ್ನುವುದರ ಚಿಂತೆಯನ್ನು ಮಾಡುತ್ತಿರುತ್ತೇವೆ.
ರಾತ್ರಿ ಮಲಗುವಾಗ ಅನೇಕ ಬಾರಿ ರಕ್ತನಾಳವು ಮುಚ್ಚಿಹೋಗುತ್ತದೆ. ಇದರಿಂದ ಹೆಚ್ಚು ನೋವು ಕಾಣಿಸಿಕೊಳ್ಳುತ್ತದೆ. ಆದರೆ ವಾಸ್ತವದಲ್ಲಿ ಉಬ್ಬಿರುವ ರಕ್ತನಾಳಗಳು ಕೇವಲ ನರಗಳ ಸಮಸ್ಯೆಯಲ್ಲ, ಅವು ಸ್ನಾಯು ಸೆಳೆತವೂ ಆಗಿರುತ್ತದೆ. ಸ್ನಾಯುವಿನ ಸಂಕೋಚನದ ಸಂದರ್ಭದಲ್ಲಿ ತೀವೃ ನೋವು ಕಾಣಿಸಿಕೊಳ್ಳುವ ಸಾಧ್ಯತೆ ಇರುತ್ತದೆ, ಆದರೆ ಸ್ವಲ್ಪ ಸಮಯದ ನಂತರ ಆ ಮಾಂಸಖಂಡಗಳು ಸಡಿಲವಾಗುತ್ತದೆ, ನೋವು ಕಡಿಮೆಯಾಗುತ್ತದೆ. ಮತ್ತೆ ಯಥಾಸ್ಥಿತಿಗೆ ಮರುಳಲುಬಹುದು.
ಡಿಸ್ಕ್ ಸಮಸ್ಯೆ, ನರ ಸಂಕೋಚನವು ಸಾಮಾನ್ಯವಾದ ನಿರ್ಜಲೀಕರಣ, ವಿಟಮಿನ್ ಬಿ 12 ಕೊರತೆ, ವಿಟಮಿನ್ ಡಿ ಕೊರತೆ, ಕಬ್ಬಿಣ-ಮೆಗ್ನೀಸಿಯಮ್ ಕೊರತೆಯಿಂದಾಗಿ ಈ ಸಮಸ್ಯೆಗಳು ಕಾಣಿಸಿಕೊಳ್ಳುವ ಸಂಭವ ಇರುತ್ತದೆ.
ದೇಹದಲ್ಲಿ ನೀರಿನ ಕೊರತೆಯಿಂದ ನಿರ್ಜಲೀಕರಣ ಉಂಟಾಗುತ್ತದೆ. ದಿನಕ್ಕೆ 2 ರಿಂದ 3 ಲೀಟರ್ ನೀರು ಕುಡಿಯಲೇಬೇಕಾಗಿರುತ್ತದೆ. ನೀವು ಇದನ್ನು ಮಾಡದಿದ್ದರೆ ರಾತ್ರಿಯಲ್ಲಿ ಮಾಂಸಖಂಡಗಳ ಸೆಳೆತವನ್ನು ಅನುಭವಿಸುವ ಅಪಾಯ ಬರುತ್ತದೆ.
ವಿಟಮಿನ್ ಬಿ 12 ಕೊರತೆಯು ಸ್ನಾಯು ಕ್ಷೀಣತೆಗೆ ಕಾರಣವಾಗಬಹುದು. ಬಲವರ್ಧಿತ ಆಹಾರ, ಹಾಲು ಮತ್ತು ಅದರ ಉತ್ಪನ್ನಗಳು, ಲಿವರ್, ಮೊಟ್ಟೆ ಇತ್ಯಾದಿಗಳನ್ನು ತಿನ್ನುವ ಮೂಲಕ ನೀವು ವಿಟಮಿನ್ ಬಿ 12 ಕೊರತೆಯನ್ನು ನಿವಾರಿಸಬಹುದು. ಡ್ರೈ ಫ್ರೂಟ್ಸ್ಗಳು, ಹಸಿರು ಸೊಪ್ಪು ತರಕಾರಿಗಳು, ದ್ವಿದಳ ಧಾನ್ಯಗಳು, ಬೇಳೆಕಾಳುಗಳನ್ನು ದಿನನಿತ್ಯದ ಆಹಾರಗಳಲ್ಲಿ ಉಪಯೋಗಿಸುವುದರಿಂದ ಕಬ್ಬಿಣದ ಕೊರತೆಯನ್ನು ನೀಗಿಸಬಹುದಾಗಿದೆ.
ದೇಹದಲ್ಲಿ ಕಡಿಮೆ ಮೆಗ್ನೀಸಿಯಮ್ ಇದ್ದರೆ, ಕುಂಬಳಕಾಯಿ ಬೀಜಗಳು, ಬಾದಾಮಿ, ಪಾಲಕ್, ಗೋಡಂಬಿ, ಕಡಲೆಕಾಯಿ ಇತ್ಯಾದಿಗಳನ್ನು ಮರೆಯದೆ ತಿನ್ನುವುದು ಸೂಕ್ತ.
ಇನ್ನೂ ನರಗಳಿಗೆ ಮತ್ತು ಸ್ನಾಯುಗಳಿಗೆ ವಿಟಮಿನ್ ಡಿ ಬಹಳ ಮುಖ್ಯ. ನೀವು ಸಾಕಷ್ಟು ಪ್ರಮಾಣದಲ್ಲಿ ಸೂರ್ಯನ ಬೆಳಕನ್ನು ಪಡೆಯುತ್ತಿರಬೇಕು. ವಿಟಮಿನ್ ಡಿ ಸಮೃದ್ಧವಾಗಿರುವ ಆಹಾರಗಳು ನಿಮಗೆ ಬೇಕಾದರೆ ಡೈರಿ ಉತ್ಪನ್ನಗಳು, ಮೀನು, ಅಣಬೆಗಳು ಸೇವನೆಯನ್ನು ಮಾಡುತ್ತಿರಬೇಕು. ಈ ರೀತಿ ಆಹಾರ ಪದಾರ್ಥಗಳಿಂದಲೇ ನಾವು ಈ ಮಾಂಸ ಖಂಡಗಳ ನೋವನ್ನು ಪರಿಹರಿಸಿಕೊಳ್ಳಬಹುದಾಗಿದೆ