ಎಲ್ಲರಿಗೂ ಅವರವರ ಧರ್ಮವು ಅವರಿಗೆ ದೊಡ್ಡದ್ದು. ಆಯಾ ಧರ್ಮದ ಜನರಿಗೆ ಅವರ ಧರ್ಮದ ಮೇಲಿನ ಗೌರವು ಪ್ರಾಣಕ್ಕಿಂತಲೂ ಹೆಚ್ಚು. ಧರ್ಮ ಮೇಲಿನ ನಂಬಿಕೆ ವಿಶ್ವಾಸ ಕೆಲವೊಂದು ಸಲ ನಮ್ಮ ಯೋಚನಾ ಶಕ್ತಿಯನ್ನೇ ಅವರಿಸುತ್ತದೆ. ಯಾವುದು ಸರಿ ತಪ್ಪು ಗೊತ್ತಾಗಾದೆ ಹೋಗುತ್ತದೆ.
ಧಾರ್ಮಿಕ ನಂಬಿಕೆಗಳು ವೈಯಕ್ತಿಕವಾದದ್ದು ಆದ್ದರಿಂದ ಟೀಕಿಸುವುದು ಕೂಡ ತಪ್ಪಾಗುತ್ತದೆ. ಆದರೆ ಅದೇ ನಂಬಿಕೆಗಳು ವಿಶ್ವಾಸಗಳು ಜೀವಕ್ಕೆ ಕುತ್ತು ತರುವಂತಿದ್ದರೆ ಅದನ್ನು ಹೇಗೆ ತಡೆಯುವುದ ಎಂಬುದು ಯಕ್ಷಪ್ರಶ್ನೆಯಾಗುತ್ತದೆ.
ಆಫ್ರಿಕಾ ದೇಶದ ಕೀನ್ಯಾದಲ್ಲಿ ಘನ ಘೋರ ಘಟನೆಯೊಂದು ನಡೆಯುತ್ತಿದೆ. ಕ್ರೈಸ್ತ ಧರ್ಮೀಯರು ತಮ್ಮ ಪ್ರಭು ಯೇಸು ಕ್ರಿಸ್ತನನ್ನು ಭೇಟಿ ಮಾಡುವ ಆಶಯದೊಂದಿಗೆ ಉಪಾವಾಸ ಮಾಡಿ ಪ್ರಾಣ ಬಿಡುತ್ತಿದ್ದಾರೆ.
ಚರ್ಚ್ನ ಮುಖ್ಯಸ್ಥರ ಮಾತು ಕೇಳಿ ಕ್ರೈಸ್ತ ಧರ್ಮೀಯರು ಉಪವಾಸ ಮಾಡಿ ಜೀವ ಬಿಟ್ಟ ಘಟನೆ ಇದೀಗ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಭಾರೀ ಸುದ್ದಿಯಾಗುತ್ತಿದೆ.
ಡೂಮ್ಸ್ ಡೇ ಎಂಬ ಉಪವಾಸ ವ್ರತಾಚರಣೆಯಲ್ಲಿ ಭಾಗವಹಿಸಿದ್ದವರ ಪೈಕಿ ಸುಮಾರು 400ಕ್ಕೂ ಅಧಿಕ ಮಂದಿ ಮೃತಪಟ್ಟಿರುವ ಘಟನೆ ಕೀನ್ಯಾದಲ್ಲಿ ನಡೆದಿದೆ. ಯೇಸುವನ್ನು ಸಂಧಿಸಲು ಜೀವ ಇರುವವರೆಗೆ ವ್ರತಾಚರಣೆ ಮಾಡುವುದೇ ಡೂಮ್ಸ್ ಡೇ ಆಚರಣೆ.
ಆಹಾರ, ನೀರು ಸೇವಿಸಿದೆ ಇಂತಹ ಮೂಢನಂಬಿಕೆಯ ಆಚರಣೆ ಮಾಡಿದ್ದ ನೂರಾರು ಜನರು ಸಾವಿಗೆ ಶರಣಾಗಿದ್ದಾರೆ. ಪ್ರಕರಣಕ್ಕೆ ಸಂಬಂಧಿಸಿದ್ದ ಯೇಸುವಿನ ಭಕ್ತರನ್ನು ಡೂಮ್ಸ್ಡೇ ಆರಾಧಾನೆಗೆ ಪ್ರೇರಿಪಿಸಿದ್ದ ಧಾರ್ಮಿಕ ನಾಯಕರ ಪೌಲ್ ಮ್ಯಾಂಕೆಝಿ ಅವರನ್ನು ಬಂಧಿಸಲಾಗಿದೆ.
ಕಾರ್ಯಾಚರಣೆ ಕೈಗೊಂಡಿದ್ದ ಸ್ಥಳೀಯ ಅಧಿಕಾರಿಗಳು ಮೃತಪಟ್ಟಿದ್ದ 12 ಶವಗಳನ್ನುಪತ್ತೆ ಹಚ್ಚಿದ್ದು, ತುಂಬಾ ಅಸ್ವಸ್ಥಗೊಂಡಿದ್ದ ಹಲವರನ್ನು ರಕ್ಷಿಸಲಾಗಿದೆ. ಒಟ್ಟು ಸಾವಿನ ಸಂಖ್ಯೆ 403 ದಾಟಿದೆ ಎಂದು ಅಧಿಕಾರಿಗಳು ಧೃಡಪಡಿಸಿದ್ದಾರೆ.