ಬೆಳಗಾವಿ: ಗಡಿ ಜಿಲ್ಲೆ ಬೆಳಗಾವಿ ಸದಾ ರಾಜಕೀಯ ಪ್ರಕ್ಷುಬ್ಧತೆ ಮತ್ತು ಗಡಿ ಸಮಸ್ಯೆ ಮತ್ತು ಭಾಷಾ ವಿವಾದ ದಿಂದಲೇ ರಾಜ್ಯಾದ್ಯಂತ ಹೆಸರುವಾಸಿ ಹೊಂದಿರುವದನ್ನು ಕಾಣುತ್ತೆವೆ. ಅದರ ಮಧ್ಯದಲ್ಲೇ ಇಲ್ಲಿನ ನಗರದ ಕೇಂದ್ರ ಭಾಗದಲ್ಲಿರುವ ವಡಗಾವಿಯ ವಿಷ್ಣುಗಲ್ಲಿಯ ನಿಜಾಮೀಯಾ ಚೌಕ್ನಲ್ಲಿ ‘ಮೊಹರಂ’ ಆಚರಿಸುವ ಪರಂಪರೆಗೆ ಇಂದಿಗೆ ಮೂರು ಶತಮಾನಗಳ ಇತಿಹಾಸವಿದೆ. ಇಲ್ಲಿ ಸರ್ವಧರ್ಮೀಯರು ಮತ್ತುಸರ್ವಭಾಷಿಕರು ಒಗ್ಗಟ್ಟಿನಿಂದ ಹಬ್ಬದಾಚರಣೆ ಮಾಡುತ್ತ ಬಂದಿದ್ದಾರೆ.
ಇಲ್ಲಿ ಕಿಚ್ಚು ಹಾಯುವುದು ವಿಶೇಷ
ಬೆಳಗಾವಿಯ ಪ್ರಮುಖ ಸ್ಥಳವಾದ ಬಜಾರ್ ಗಲ್ಲಿಯಿಂದ ಪಂಜಾಗಳ ಮೆರವಣಿಗೆ ಮೂಲಕ ಆಗಮಿಸಿ ಪಂಜಾ ಪ್ರತಿಷ್ಠಾಪನೆ ಮಾಡುತ್ತಾರೆ. ಮತ್ತು ಮೊಹರಂ ಕಡೇ ದಿನವಾದ ಜುಲೈ 29 ರಂದು 10-12 ಓಣಿಗಳಲ್ಲಿ ಮೆರವಣಿಗೆ ವಾದ್ಯಗಳ ಸಮೇತ ಮೆರವಣಿಗೆ ಮಾಡಿ , ಹಬ್ಬದ ಆಚರಣೆ ಪೂರ್ಣಗೊಳಿಸುತ್ತಾರೆ. ಮುನ್ನ ದಿನ ಕಿಚ್ಚ ಹಾಯುತ್ತೆವೆ ಅಂದು ಸಾವಿರಾರು ಭಕ್ತರಿಗೆ ಮಹಾಪ್ರಸಾದ ವ್ಯವಸ್ಥೆ ಮಾಡುತ್ತೇವೆ’ ಎಂದು ಸ್ಥಳೀಯರು ತಿಳಿಸಿದ್ದಾರೆ,
ಆರಂಭದಲ್ಲಿ ನಮ್ಮ ಪೂರ್ವಜರು ಅಲ್ಲಿ ಪಂಜಾಗಳನ್ನು ಪ್ರತಿಷ್ಠಾಪಿಸಿ ಧಾರ್ಮಿಕ ವಿಧಿ ವಿಧಾನ ಕೈಗೊಂಡರು. ಅಂದಿನಿಂದಲೂ ಈ ಪರಂಪರೆ ಮುಂದುವರಿಸಿಕೊಂಡು ಬಂದಿದೆ .ದರ್ಗಾ ಸಮೀಪದಲ್ಲೇ ಪಂಜಾ ಆಚರಿಸುತ್ತಿದ್ದೇವೆ’ ಪ್ರತಿಷ್ಠಾಪಿಸಿ ಮೊಹರಂ ಆಚರಿಸುತ್ತೇವೆ ಎಂದು ಮುಜಾಫರ್ಅಲಿ ಮುಜಾವರ’ತಿಳಿಸಿದ್ಧಾರೆ.
ಇಲ್ಲಿ ನಡೆಯುವ ಮೊಹರಂ ಮೆರವಣಿಗೆ ಕಣ್ಣುಂಬಿಕೊಳ್ಳಲು ಬೆಳಗಾವಿ ಮಾತ್ರವಲ್ಲದೆ ಹೊರ ರಾಜ್ಯಗಳಿಂದಲೂ ಭಕ್ತರು ಆಗಮಿಸುತ್ತಾರೆ. ತಮ್ಮ ಇಷ್ಟಾರ್ಥಗಳನ್ನು ಈಡೇರಿದ ಕಾರಣಕ್ಕೆ ಹಲವಾರು ಕಾಣಿಕೆಗಳನ್ನು ಅರ್ಪಿಸಿ ಭಕ್ತಿ ಮೆರೆಯುತ್ತಾರೆ. ಈ ವರ್ಷ ವರುಣನ ಅಬ್ಬರದ ಮಧ್ಯೆಯೂ ಶ್ರದ್ಧೆಯಿಂದ ಧಾರ್ಮಿಕ ಆಚರಣೆಗಳನ್ನು ನೆರವೇರಿಸುತ್ತಿದ್ದೇವೆ ಆಕರ್ಷಕವಾಗಿ ಮಂಟಪವನ್ನು ಸಿದ್ಧ ಪಡಿಸಲಾಗಿದ್ದು, ವಿದ್ಯತ್ ದೀಪಗಳಿಂದ ಅಲಂಕಾರ ಮಾಡಲಾಗಿದೆ ಎಂದು ತಿಳಿಸಿದ್ದಾರೆ.
20 ವರ್ಷಗಳಿಂದ ಮೊಹರಂ ಆಚರಿಸುತ್ತಿದ್ದೇವೆ. ಪಂಜಾಗಳಿಗೆ ಪೂಜೆ ಮಾಡಲಾರಂಭಿಸಿದ ನಂತರ ಇಷ್ಟಾರ್ಥಗಳು ಈಡೇರಿವೆ. ಆದ್ದರಿಂದ ಇದೇ ಪರಿಸರದಲ್ಲಿ ಮತ್ತೊಂದು ಮನೆ ಕಟ್ಟಿಸುತ್ತಿದ್ದೇವೆ ಎಂದು ಭಕ್ತರಾದ ಗಣಪತಿ ತವಡೆ ತಮ್ಮ ಅನುಭವವನ್ನು ತಿಳಿಸಿದ್ದಾರೆ.
ನಮ್ಮ ಬಡಾವಣೆ ಸಾಮರಸ್ಯಕ್ಕೆ ಹೆಸರಾಗಿದೆ.ಇಲ್ಲಿ ಹಿಂದೂ ಮುಸ್ಲಿಂ ಎಲ್ಲರೂ ಕೂಡಿಕೊಂಡು ಮೊಹರಂ ಆಚರಿಸುತ್ತ ಬಂದಿದ್ದೇವೆ. ಮುಂದೆಯೂ ಇದನ್ನು ಮುಂದುವೆರೆಸುತ್ತೇವೆ ಎಂದು ಮೊಹರಂ ಆಚರಣೆಯ ಮುಖಂಡರಾದ ಮುಜಾಫರ್ ಅಲಿ ಮುಜಾವರ ಅವರು ತಿಳಿಸಿದ್ದಾರೆ.