ದಾವಣಗೆರೆ: ಬಿಜೆಪಿ ಸಂಸದ ಜಿ ಎಂ ಸಿದ್ದೇಶ್ವರ ಅವರಿಗೆ ಯುವತಿಯೊಬ್ಬಳು ರಾತ್ರಿ ಕರೆ ಮಾಡಿ ತನ್ನ ಖಾಸಗೀ ಅಂಗಾಂಗಗಳನ್ನು ತೋರಿಸುವ ಮೂಲಕ ಬಲೆಗೆ ಬೀಳಿಸಿಕೊಳ್ಳಲು ಯತ್ನಿಸಿದ್ದಾಳೆ ಎಂದು ಬೆಂಗಳೂರು ಪೊಲೀಸರಿಗೆ ದೂರು ನೀಡಿದ್ದಾರೆ.
ಪೊಲೀಸರ ಪ್ರಕಾರ, 71 ವರ್ಷದ ಸಿದ್ದೇಶ್ವರ ಅವರು ಜುಲೈ 20 ರಂದು ಬೆಂಗಳೂರಿನಲ್ಲಿದ್ದಾಗ ವಾಟ್ಸಾಪ್ನಲ್ಲಿ ಸಂದೇಶ ಮತ್ತು ನಂತರ ವೀಡಿಯೊ ಕರೆಗಳನ್ನು ಸ್ವೀಕರಿಸಿದ್ದಾರೆ. ಚಿಕಿತ್ಸೆಗಾಗಿ ಬೆಂಗಳೂರಿನಲ್ಲಿದ್ದ ಕಾರಣ ಮರುದಿನ ನಗರದ ಕಮರ್ಷಿಯಲ್ ಸ್ಟ್ರೀಟ್ ಠಾಣೆಗೆ ದೂರು ನೀಡಿದ್ದರು. ಪೊಲೀಸ್ ಅಧಿಕಾರಿಯ ಪ್ರಕಾರ, ಕರೆಗಳನ್ನು ರಾಜಸ್ಥಾನದಿಂದ ಮಾಡಲಾಗಿದೆ. ಕರೆ ಬಂದ ನಂತರ ದಾವಣಗೆರೆ ಸಂಸದ ಸಿದ್ದೇಶ್ವರ ಅವರು ಕರೆ ಸಂಪರ್ಕ ಕಡಿತಗೊಳಿಸಿದರು. ಆದರೆ ಆ ಯುವತಿ ಹಲವಾರು ಬಾರಿ ಕರೆಗಳನ್ನು ಮಾಡಿದ್ದಾಳೆ. ಅವರ ಸಂವಹನಗಳನ್ನು ರೆಕಾರ್ಡ್ ಮಾಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಜುಲೈ 21 ರಂದು ಸಲ್ಲಿಸಿದ ದೂರಿನಲ್ಲಿ, ಯುವತಿಯು ಸಿದ್ದೇಶ್ವರ ಅವರಿಗೆ “ನೀವು ಹೇಗಿದ್ದೀರಿ?” ಎಂಬ ವಾಟ್ಸಾಪ್ ಸಂದೇಶವನ್ನು ಜುಲೈ 20 ರಂದು ರಾತ್ರಿ 10.16 ರ ಸುಮಾರಿಗೆ ಅಪರಿಚಿತ ಸಂಖ್ಯೆಯಿಂದ ಕಳಿಸಿದ್ದಾಳೆ. ಅವರು ಸಂದೇಶಕ್ಕೆ ಪ್ರತಿಕ್ರಿಯಿಸದಿದ್ದಾಗ, ಅವರು ನಿಮಿಷಗಳ ನಂತರ ರಾತ್ರಿ 10.22 ಕ್ಕೆ ವಾಟ್ಸಾಪ್ನಲ್ಲಿ ವೀಡಿಯೊ ಕರೆಯನ್ನು ಮಾಡಿದ್ದಾಳೆ. ಈ ಸಮಯದಲ್ಲಿ ಮಹಿಳೆ ಅವರೊಂದಿಗೆ ಹಿಂದಿಯಲ್ಲಿ ಮಾತನಾಡಿದ್ದಳು. ಸಿದ್ದೇಶ್ವರ ಅವರು ಆಕೆಯ ಗುರುತು ಮತ್ತು ಕರೆಯ ಉದ್ದೇಶದ ಬಗ್ಗೆ ಕೇಳಿದಾಗ, ಅವಳು ಅಶ್ಲೀಲ ಚಾಟ್ ಮಾಡಲು ಮುಂದಾಗಿದ್ದಾಳೆ. ಕೂಡಲೇ, ಸಿದ್ದೇಶ್ವರ ಅವರು ಕರೆಯನ್ನು ಕಡಿತಗೊಳಿಸಿದರು. ಆದರೆ ಮಹಿಳೆ ಪಟ್ಟುಹಿಡಿದು ಮತ್ತೆ ರಾತ್ರಿ 10.24 ರ ಸುಮಾರಿಗೆ ಮತ್ತೊಂದು ವಾಟ್ಸಾಪ್ ಆಡಿಯೊ ಕರೆ ಮಾಡಿದ್ದಾಳೆ. ಆದರೆ ಸಂಸದರು ಕರೆ ಸ್ವೀಕರಿಸಿಲ್ಲ, ಮೂರು ನಿಮಿಷಗಳ ನಂತರ, ಮಹಿಳೆ ಮತ್ತೊಂದು ವೀಡಿಯೊ ಕರೆ ಮಾಡಿ ಅಶ್ಲೀಲವಾಗಿ ಚಾಟ್ ಮಾಡಿದ್ದಾಳೆ.
ನಂತರ ಸಂಸದರು ಫೋನ್ ಅನ್ನು ಪತ್ನಿಗೆ ನೀಡಿದರು ಮತ್ತು ಅವರ ಪತ್ನಿ ಮುಖ ನೋಡಿದ ಕೂಡಲೇ ಕರೆ ಸಂಪರ್ಕ ಕಡಿತಕ್ಕೆ ಕಾರಣವಾಯಿತು ಎಂದು ಸಿದ್ದೇಶ್ವರ ಹೇಳಿದರು. ನಂತರ ಅವರು ರಾತ್ರಿ 10.47 ಕ್ಕೆ ಸಿದ್ದೇಶ್ವರ ಅವರ ಮುಖದೊಂದಿಗೆ ಆಕೆಯ ಬೆತ್ತಲೆ ದೇಹದ ವೀಡಿಯೋ ಎಡಿಟ್ ಮಾಡಿ ಕರೆಗಳ ವೀಡಿಯೊ ರೆಕಾರ್ಡಿಂಗ್ಗಳನ್ನು ವಾಟ್ಸ್ ಅಪ್ ಮೂಲಕ ಕಳಿಸಿದ್ದಾಳೆ. ನಂತರ ಆರೋಪಿಗಳು ಸಾಮಾಜಿಕ ಮಾಧ್ಯಮದಲ್ಲಿ ರೆಕಾರ್ಡಿಂಗ್ಗಳನ್ನು ಅಪ್ಲೋಡ್ ಮಾಡುವುದಾಗಿ ಎಚ್ಚರಿಸಿ ಹಣ ನೀಡುವಂತೆ ಬೆದರಿಸಿದ್ದಾರೆ.
ನಂತರ ಸಿದ್ದೇಶ್ವರ ಅವರು ದಾವಣಗೆರೆಯ ಪೊಲೀಸ್ ವರಿಷ್ಠಾಧಿಕಾರಿ ಅರುಣ್ ಕೆ. ಅವರನ್ನು ಸಂಪರ್ಕಿಸಿ ತಮಗೆ ಬಂದಿದ್ದ ಧ್ವನಿಮುದ್ರಿಕೆಗಳು, ತುಣುಕುಗಳು, ಪಠ್ಯ ಸಂದೇಶಗಳನ್ನು ರವಾನಿಸಿದರು.
ಕಳೆದ ವರ್ಷದ ಅಕ್ಟೋಬರ್ ತಿಂಗಳಿನಲ್ಲಿ ಚಿತ್ರದುರ್ಗದ ಬಿಜೆಪಿ ಶಾಸಕ ಜಿ. ಹೆಚ್. ತಿಪ್ಪಾ ರೆಡ್ಡಿ ಅವರಿಗೂ ಇದೇ ರೀತಿ ಕರೆ ಮಾಡಿದವರು ಮಹಿಳೆಯ ಖಾಸಗಿ ಭಾಗಗಳನ್ನು ಪ್ರದರ್ಶಿಸಿದರು. ಕರೆಯನ್ನು ರೆಕಾರ್ಡ್ ಮಾಡಿದ್ದಲ್ಲದೆ ಹಣಕ್ಕಾಗಿ ಬೇಡಿಕೆಯಿರುವ ವೀಡಿಯೊವನ್ನು ಶಾಸಕರ ಸಂಖ್ಯೆಗೆ ಕಳುಹಿಸಿದ್ದರು. ನಂತರ ತಿಪ್ಪಾರೆಡ್ಡಿ ಪೊಲೀಸರಿಗೆ ದೂರು ನೀಡಿ ಮೊಕದ್ದಮೆ ದಾಖಲಿಸಿದ್ದರೂ ಯಾರನ್ನೂ ಬಂಧಿಸಿರಲಿಲ್ಲ. ಈ ಕರೆಗಳು ಹೊರರಾಜ್ಯದ ದುಷ್ಕರ್ಮಿಗಳಿಂದ ಬರುತ್ತಿವೆ ಎಂದು ಪೋಲೀಸರು ಹೇಳಿದ್ದಾರೆ.