ಭಾರತದಲ್ಲೀಗ ವಿದೇಶಿ ವ್ಯಾಸಂಗದ ಹವಾ. ಪದವಿ-ಪೂರ್ವ, ಪದವಿ ಶಿಕ್ಷಣ ಮುಗಿಸಿ ವಿದೇಶಲ್ಲಿ ಓದು ಮುಂದುವರೆಸಬೇಕು ಎಂಬ ಕನಸು ಇತ್ತೀಚಿನ ಯುವ ತಲೆಮಾರಿನದ್ದು. ಸಾಮಾಜಿಕ ಮಾಧ್ಯಮಗಳಲ್ಲಿ ಕಾಣ ಸಿಗುವ ವರ್ಣರಂಜಿತ ಭಾವ ಚಿತ್ರಗಳ ಪ್ರಭಾವ ಒಂದು ಕಡೆಯಾದರೆ, ಉದ್ಯೋಗವಕಾಶದ ಗುರಿ ಮತ್ತೊಂದೆಡೆ.
ಸುಮನಾ ಪದವಿ ವಿದ್ಯಾಭ್ಯಾಸವನ್ನು ಮುಗಿಸುವಾಗಲೇ ವೈದ್ಯೆಯಾಗುವ ಕನಸ ಹೊತ್ತವಳು. ಇನ್ನೇನು ಪದವಿ ಮುಗಿಯಿತು, ವೈದ್ಯಕೀಯ ವಿದ್ಯಾಭ್ಯಾಸಕ್ಕೆ ಸ್ಪರ್ಧಾತ್ಮಕ ಪರೀಕ್ಷೆಯನ್ನೂ ಬರೆದಾಯಿತು. ಆದರೆ ಕೊನೆಗೆ ಲಭಿಸಿದ ಫಲಿತಾಂಶ ನಿರಾಸದಾಯಕ.
ಕೈಯ್ಯಲ್ಲಿ ಕೋಟಿಗಟ್ಟಲೆ ಹಣವಿದ್ದರೆ ಈಗ ಲಭಿಸಿದ ಅಂಕಕ್ಕಿಂತ ಕಮ್ಮಿ ಅಂಕ ಲಭಿಸಿದ್ದರೂ ವೈದ್ಯಕೀಯ ವಿದ್ಯಾರ್ಜನೆ ಮಾಡಬಹುದಿತ್ತು. ಇವೆಲ್ಲಕ್ಕಿಂತ ಉತ್ತರವೆಂಬತೆ ಲಭಿಸಿದ ಅವಕಾಶವೇ, ವಿದೇಶದಲ್ಲಿ ವೈದ್ಯಕೀಯ ವಿದ್ಯಾಭ್ಯಾಸ.
ಇತ್ತೀಚೆಗೆಗಷ್ಟೇ ದೊರೆತ ಕೇಂದ್ರ ಸರಕಾರದ ಮಾಹಿತಿಯಂತೆ 2022ರಲ್ಲಿ 7.5 ಲಕ್ಷ ಭಾರತೀಯರು ವಿದೇಶಿ ವಿಶ್ವವಿದ್ಯಾನಿಲಯಗಳಿಗೆ ತೆರಳಿದ್ದಾರೆ. ಭಾರತದಲ್ಲಿ ನಿರಾಕರಿಸಲ್ಪಟ್ಟ ಸೀಟು, ಹೊರ ದೇಶಗಳಲ್ಲಿ ಸಿಗುವಂತಹ ಅವಕಾಶಗಳು,
ಶೈಕ್ಷಣಿಕ ಮಾನ್ಯತೆ ಅತೀ ಮುಖ್ಯವಾಗಿ ಸರಕಾರದ ವತಿಯಿಂದ ಆರ್ಥಿಕ ನೆರವು ಮತ್ತು ವಿದ್ಯಾರ್ಥಿಗಳಿಗಾಗಿ ಕಲಿಕೆಯೊಂದಿಗೆ ದೊರೆಯುವ ಉದೋಗಾವಕಾಶ ಇವೆಲ್ಲಾ ಭಾರತೀಯ ವಿದ್ಯಾರ್ಥಿಗಳನ್ನು ವಿದೇಶಗಳತ್ತ ಮತ್ತಷ್ಟು ಆಕರ್ಷಸುತ್ತಿವೆ.
ಭಾರತದ ಪ್ರಧಾನಿ ನರೇಂದ್ರ ಮೋದಿಯವರ ಇತ್ತೇಚಿನ ಫ್ರಾನ್ಸ್ ಭೇಟಿಯಲ್ಲಿ ನಡೆದ ಮಾತುಕತೆಯ ಪ್ರಕಾರ, ಫ್ರಾನ್ಸ್ ದೇಶದಲ್ಲಿ ಕಲಿಯುತ್ತಿರುವ ಭಾರತದ ವಿದ್ಯಾರ್ತಿಗಳಿಗೆ ಶಿಕ್ಷಣ ಪೂರ್ಣಗೊಳಿಸಿ ಮತ್ತೈ ದು ವರ್ಷಗಳ ಕಾಲ ಅಲ್ಲೇ ನೆಲೆಸಿ ಉದ್ಯೋಗವನ್ನು ತೊಡಗುವ ಅವಕಾಶ ತೆರೆಯಲಿದೆ. ಇನ್ನು ಕೇಂದ್ರ ಸರಕಾರದ ವರದಿಯ ಪ್ರಕಾರ ಬರುವ ವರ್ಷ 14 ಲಕ್ಷ ವಿದ್ಯಾರ್ಥಿಗಳು ಶಿಕ್ಷಣಕ್ಕಾಗಿ ಭಾರತ ತೊರೆಯುತ್ತಾರೆ ಎಂದು ಅಂದಾಜಿಸಲಾಗಿದೆ. ತೊರೆದ ಅವಕಾಶಗಳು ಭಾರತದ ಮಾನವ ಸಂಪನ್ಮೂಲದ ಅಸ್ತ್ರವನ್ನು ಕುಗ್ಗಿಸದಿರಲಿ ಎಂಬುದೇ ಹಾರೈಕೆ.