ಅಡಿಗೆ ಮನೆಯಲ್ಲಿ ತೆಂಗಿನಕಾಯಿಯನ್ನು ಉಪಯೋಗಿಸುವಾಗ ಅದರ ನೀರನ್ನು ನಾವು ಹಾಗೆ ಚೆಲ್ಲಿ ಬಿಡುತ್ತೇವೆ. ಆದರೆ ಅದರಿಂದ ಆರೋಗ್ಯಕ್ಕೆ ತುಂಬಾ ಪ್ರಯೋಜನಗಳಿವೆ. ಈ ನೀರು ನೈಸರ್ಗಿಕ ಪಾನೀಯ ಅಂದರೆ ತಪ್ಪಾಗಲಾರದು.
ಇದರ ಹೈಡ್ರೇಟಿಂಗ್ ಗುಣಲಕ್ಷಣಗಳು ದೇಹಕ್ಕೆ ಉತ್ತಮವಾದುದಾಗಿದೆ. ದೇಹಕ್ಕೆ ಶಕ್ತಿ ಒದಗಿಸಲು ಹಲವು ರೀತಿಯ ಪಾನೀಯಗಳ ಸೇವನೆ ಮಾಡುತ್ತೇವೆ ಅದರಲ್ಲಿ ಇದೂ ಕೂಡ ಒಂದಾಗಿದೆ. ದೇಹದ ಉತ್ತಮ ಪೋಷಣೆಗಾಗಿ ತೆಂಗಿನ ನೀರು ಸೇವನೆ ಮಾಡಿ. ತೆಂಗಿನ ನೀರು ದೇಹಕ್ಕೆ ಉಲ್ಲಾಸ ಮತ್ತು ಶಕ್ತಿ ನೀಡುತ್ತದೆ.
ತೆಂಗಿನ ನೀರು ನೈಸರ್ಗಿಕ ಪಾನೀಯವಾಗಿದ್ದರಿಂದ ಇದು ಕುಡಿಯಲು ಟೇಸ್ಟಿ ಆಗಿರುತ್ತದೆ. ಅಲ್ಲದೆ, ಇದು ಹೆಚ್ಚಿನ ಪೌಷ್ಟಿಕಾಂಶದಿಂದ ಕೂಡಿದೆ. ತೆಂಗಿನ ನೀರು ವಿದ್ಯುದ್ವಿಚ್ಛೇದ್ಯಗಳ ಉತ್ತಮ ಮೂಲ. ಇದು ದೇಹ ಮತ್ತು ತ್ವಚೆಗೆ ಉತ್ತಮ ಪೋಷಣೆ ನೀಡುತ್ತದೆ
ತೆಂಗಿನ ನೀರು ತಾಜಾ ಪಾನೀಯವಾಗಿದ್ದ ಇದರ ಹೈಡ್ರೇಟಿಂಗ್ ಗುಣಲಕ್ಷಣಗಳು ದೇಹಕ್ಕೆ ಉತ್ತಮವಾಗಿವೆ. ಸಂಭಾವ್ಯ ಆರೋಗ್ಯ ಪ್ರಯೋಜನ ನೀಡುತ್ತದೆ. ತೆಂಗಿನ ನೀರು ಕಡಿಮೆ ಕ್ಯಾಲೋರಿ ಮತ್ತು ಕೊಬ್ಬನ್ನು ಹೊಂದಿದೆ. ಇದು ತೂಕ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದು ದೇಹಕ್ಕೆ ಅಗತ್ಯವಾದ ಜೀವಸತ್ವ, ಖನಿಜ ಮತ್ತು ಎಲೆಕ್ಟ್ರೋಲೈಟ್ಗಳಲ್ಲಿ ಸಮೃದ್ಧವಾಗಿದೆ ಎನ್ನಲಾಗುತ್ತದೆ.
ತೆಂಗಿನ ನೀರು ಪೊಟ್ಯಾಸಿಯಮ್, ಮೆಗ್ನೀಸಿಯಮ್, ಕ್ಯಾಲ್ಸಿಯಂ, ಸೋಡಿಯಂ ಮತ್ತು ವಿಟಮಿನ್ ಸಿ ಮುಂತಾದ ಪ್ರಮುಖ ಪೋಷಕಾಂಶವನ್ನು ಇದು ಹೊಂದಿದೆ. ತೆಂಗಿನ ನೀರು ನೈಸರ್ಗಿಕ ಐಸೊಟೋನಿಕ್ ಪಾನೀಯ. ಇದು ಮಾನವ ರಕ್ತದಂತೆಯೇ ಅದೇ ಎಲೆಕ್ಟ್ರೋಲೈಟ್ ಸಂಯೋಜನೆ ಹೊಂದಿದೆ.
ತೆಂಗಿನ ನೀರನ್ನು ಅನೇಕ ವಿಧಗಳಲ್ಲಿ ನೀವು ಸೇವಿಸಬಹುದು. ಸ್ಮೂಥಿ ಜೊತೆ ತೆಂಗಿನ ನೀರು ಸೇವನೆ ಮಾಡಿದರೆ, ಇದು ತಾಜಾ ಸುವಾಸನೆ ನೀಡುತ್ತದೆ. ತೆಂಗಿನ ನೀರನ್ನು ಹಣ್ಣು, ಎಲೆಗಳ ತರಕಾರಿ ಮತ್ತು ಕೆಲ ಪದಾರ್ಥಗಳೊಂದಿಗೆ ಮಿಶ್ರಣ ಮಾಡಿ ಸೇವಿಸಬಹುದು. ಆಲ್ಕೊಹಾಲ್ಯುಕ್ತವಲ್ಲದ ಮಾಕ್ಟೇಲ್ಗಳಲ್ಲಿ ತೆಂಗಿನ ನೀರನ್ನು ಬಳಸಲಾಗುತ್ತದೆ.
ತಾಜಾ ಹಣ್ಣಿನ ರಸ, ಗಿಡಮೂಲಿಕೆ ಮತ್ತು ನಿಂಬೆ ಅಥವಾ ಇತರ ಸಿಟ್ರಸ್ ಹಣ್ಣುಗಳ ರಸದ ಜೊತೆ ಸೇವಿಸಿದರು ಉತ್ತಮವಾಗಿರುತ್ತದೆ. ಸಲಾಡ್ ಡ್ರೆಸ್ಸಿಂಗ್ ಗೆ ತೆಂಗಿನ ನೀರನ್ನು ಸೇರಿಸಬಹುದಾಗಿದೆ. ಐಸ್ ಕ್ಯೂಬ್ ಟ್ರೇಗಳಲ್ಲಿ ತೆಂಗಿನ ನೀರನ್ನು ಫ್ರೀಜ್ ಮಾಡಿ ಅದನ್ನು ಪಾನೀಯದ ಜೊತೆ ಸೇವಿಸಿದರೆ ಟೇಸ್ಟಿ ಆಗಿರುತ್ತದೆ.