ಯುಜಿ ಕೋರ್ಸ್ಗಳಿಗೆ 15% AIQ (All India Quota) ಸೀಟುಗಳು, ಪಿಜಿ ಕೋರ್ಸ್ಗಳಿಗೆ 50% AIQ ಸೀಟುಗಳು ಮತ್ತು ಸೂಪರ್-ಸ್ಪೆಷಾಲಿಟಿ ಕೋರ್ಸ್ಗಳಲ್ಲಿ (DM/MH) 100% ಸೀಟುಗಳಿಗೆ ಆನ್ಲೈನ್ ಕೌನ್ಸೆಲಿಂಗ್ ನಡೆಸುವ ಜವಾಬ್ದಾರಿಯನ್ನು ಆರೋಗ್ಯ ಸೇವೆಗಳ ಮಹಾನಿರ್ದೇಶನಾಲಯ, ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯಕ್ಕೆ ವಹಿಸಲಾಗಿದೆ.
MCC, DGHS ನ ಅಧಿಕೃತ ವೆಬ್ಸೈಟ್ನ ನಿರ್ವಹಣೆ, ಕೌನ್ಸೆಲಿಂಗ್ ನ ಕಾರ್ಯವಿಧಾನ ಮತ್ತು ವೇಳಾಪಟ್ಟಿಯನ್ನು ಅಂತಿಮಗೊಳಿಸುವಿಕೆ, ರಾಜ್ಯ/UT ಕೋಟಾ ಸೀಟುಗಳ ವಿರುದ್ಧ ಕೌನ್ಸೆಲಿಂಗ್ಗಾಗಿ ಸಂಬಂಧಿತ ಏಜೆನ್ಸಿಗಳೊಂದಿಗೆ ಸಮನ್ವಯತೆ ಸಾಧಿಸುವುದು ವೈದ್ಯಕೀಯ ಸಲಹಾ ಸಮಿತಿಯ ಜವಾಬ್ದಾರಿಯಾಗಿದೆ.
ಇದರ ಅನ್ವಯ ವೈದ್ಯಕೀಯ ಕೌನ್ಸಿಲಿಂಗ್ ಸಮಿತಿ (MCC) ನೀಟ್ ಯುಜಿ 2023ರ ಕೌನ್ಸಿಲಿಂಗ್ ಗೆ ನೋಂದಣಿ ಪ್ರಕ್ರಿಯೆಯನ್ನು ಇಂದಿನಿಂದ ಪ್ರಾರಂಭಿಸಲಾಗಿದೆ. ನೀಟ್ ಯುಜಿ ಪರೀಕ್ಷೆಯಲ್ಲಿ ಅರ್ಹತೆಗಳಿಸಿದ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಲು 25 ಜುಲೈ 2023 ಕೊನೆಯ ದಿನವಾಗಿರುತ್ತದೆ. ಆಯ್ಕೆ ಭರ್ತಿ ಮತ್ತು ಲಾಕಿಂಗ್ ಸೌಲಭ್ಯವನ್ನು ಜುಲೈ 22 ರಿಂದ ಜುಲೈ 26 ರವರೆಗೆ ನಡೆಸಲಾಗುವುದು. ಸೀಟು ಹಂಚಿಕೆಯ ಪ್ರಕ್ರಿಯೆಯನ್ನು ಜುಲೈ 27 ಹಾಗೂ ಜುಲೈ 28 ರಂದು ನಡೆಸಿ ಜುಲೈ 29ರಂದು ಫಲಿತಾಂಶ ಪ್ರಕಟಿಸಲಾಗುವುದು.
ಅರ್ಹತೆ ಪಡೆದ ಎಲ್ಲಾ ಅಭ್ಯರ್ಥಿಗಳು ಎಂ.ಬಿ.ಬಿ.ಎಸ್. ಮತ್ತು ಬಿ.ಡಿ.ಎಸ್. ಕೋರ್ಸ್ ಗಳಿಗೆ ಎಂಸಿಸಿ ಯ ಅಧಿಕೃತ ವೆಬ್ಸೈಟ್ mcc.nic.in ನಲ್ಲಿ ಅರ್ಜಿ ಸಲ್ಲಿಸಬಹುದು ಹಾಗೂ ಹೆಚ್ಚಿನ ಮಾಹಿತಿಯನ್ನು ಪಡೆಯಬಹುದು