ಮೊಟ್ಟೆಯನ್ನು ಸೇವಿಸುವವರು ಒಮ್ಮೆಲೇ ಒಂದಿಷ್ಟು ಮೊಟ್ಟೆಯನ್ನು ತಂದು ಶೇಖರಣೆ ಮಾಡಿಟ್ಟುಕೊಳ್ಳುತ್ತಾರೆ. ಅದರಲ್ಲಿ ಕೆಲವು ಮಂದಿ ಒಂದೇ ಬಾರಿ ಸಾಕಷ್ಟು ಮೊಟ್ಟೆ ಖರೀದಿಸಿ ಫ್ರಿಜ್ನಲ್ಲಿಡುತ್ತಾರೆ. ಏಕೆಂದರೆ ಫ್ರಿಜ್ನಲ್ಲಿ ಮೊಟ್ಟೆ ಇಟ್ಟರೆ ತಾಜಾವಾಗಿರುತ್ತದೆ ಎಂದು ಭಾವಿಸಲಾಗಿದೆ. ಆದರೆ ಮೊಟ್ಟೆಗಳನ್ನು ಶೈತ್ಯೀಕರಣಗೊಳಿಸುವುದು ಒಳ್ಳೆಯದ್ದೋ? ಕೆಟ್ಟದ್ದೋ ಎಂಬ ಬಗ್ಗೆ ಎಷ್ಟು ಮಂದಿಗೆ ತಿಳಿದಿಲ್ಲ.
ಸುಲಭವಾಗಿ ಸಿಗುವ, ಆರೋಗ್ಯಯುತ ಆಹಾರ ಎಂದರೆ ಅದು ಮೊಟ್ಟೆ. ಹೇರಳವಾದ ಪ್ರೋಟೀನ್, ಮಿನರಲ್ಸ್ ಮತ್ತು ಜೀವಸತ್ವಗಳನ್ನು ಹೊಂದಿರುವ ಮೊಟ್ಟೆ ತೂಕ ಇಳಿಸಿಕೊಳ್ಳುವವರಿಂದ ಹಿಡಿದು, ಫಿಟ್ ಆಗಿ, ಆರೋಗ್ಯವಾಗಿರುವವರಿಗೂ ಸಹಾಯ ಮಾಡುತ್ತದೆ. ಹಾಗಾಗಿ ಮೊಟ್ಟೆ ತಿನ್ನಲು ಎಲ್ಲರೂ ಇಷ್ಟಪಡುತ್ತಾರೆ.
ಫ್ರಿಜ್ನಲ್ಲಿ ಮೊಟ್ಟೆ ಇಟ್ಟರೆ ತಾಜಾವಾಗಿರುತ್ತದೆ ಎಂದು ಹೇಳಲಾಗುತ್ತದೆ. ಆದರೆ ಮೊಟ್ಟೆಗಳನ್ನು ಶೈತ್ಯೀಕರಣಗೊಳಿಸುವುದು ಒಳ್ಳೆಯದ್ದೋ? ಕೆಟ್ಟದ್ದೋ ಮೊಟ್ಟೆಗಳು ನೈಸರ್ಗಿಕವಾಗಿ ಸ್ವಲ್ಪ ತೇವಾಂಶವನ್ನು ಹೊಂದಿರುತ್ತವೆ. ಈ ತೇವಾಂಶ ಕುದಿಯುವ ಸಮಯದಲ್ಲಿ ಸ್ಫಟಿಕೀಕರಣಗೊಳ್ಳುತ್ತದೆ. ಮೊಟ್ಟೆಯ ಆಂತರಿಕ ರಚನೆಯು ಅದರ ಗುಣಮಟ್ಟ ಮತ್ತು ವಿನ್ಯಾಸದ ಮೇಲೆ ಪರಿಣಾಮ ಬೀರುತ್ತದೆ .ಸುಮಾರು 4 ಡಿಗ್ರಿ ಸೆಲ್ಸಿಯಸ್ ತಾಪಮಾನದಲ್ಲಿ ರೆಫ್ರಿಜರೇಟರ್ನಲ್ಲಿ ಸಂಗ್ರಹಿಸಿದಾಗ ಮೊಟ್ಟೆಗಳು 3 ರಿಂದ 5 ವಾರಗಳವರೆಗೆ ತಾಜಾವಾಗಿರುತ್ತವೆ.
ಮಾಲ್ಗಳಲ್ಲಿನ ಮೊಟ್ಟೆಗಳನ್ನು ಶೈತ್ಯೀಕರಣಗೊಳಿಸಲಾಗಿರುತ್ತದೆ. ಆದರೆ ಅವುಗಳ ಮೇಲೆ ಪ್ಯಾಕೇಜಿಂಗ್ ದಿನಾಂಕ ಮತ್ತು ಮುಕ್ತಾಯ ದಿನಾಂಕವನ್ನು ಮುದ್ರಿಸಲಾಗಿರುತ್ತದೆ. ಈ ಸೂಚನೆಗಳ ಮೂಲಕ ಮೊಟ್ಟೆಯನ್ನು ನೀವು ತಿನ್ನಬಹುದು. ರೆಫ್ರಿಜರೇಟರ್ನಲ್ಲಿ ಸಾಮಾನ್ಯ ತಾಪಮಾನದಲ್ಲಿ ಮೊಟ್ಟೆಗಳನ್ನು ಇಡುವುದು ಉತ್ತಮ. ಏಕೆಂದರೆ ಅದು ಮೊಟ್ಟೆ ಹಾಳಾಗುವ ಅಪಾಯವನ್ನು ಕಡಿಮೆ ಮಾಡುತ್ತವೆ. ಮೊಟ್ಟೆಗಳನ್ನು ತೇವಾಂಶ-ಮುಕ್ತ ವಾತಾವರಣದಲ್ಲಿ ಇರಿಸಿ. ಏಕೆಂದರೆ ತೇವಾಂಶವು ಮೊಟ್ಟೆಗಳನ್ನು ಹಾಳು ಮಾಡುತ್ತದೆ. ಹಾಗಾಗಿ ಮೊಟ್ಟೆಗಳನ್ನು ತಾಜಾವಾಗಿ ಇಡಬಹುದಾಗಿದೆ.
ಮೊಟ್ಟೆಯಲ್ಲಿ ಪ್ರೋಟೀನ್, ವಿಟಮಿನ್ ಡಿ, ವಿಟಮಿನ್ ಬಿ12 ಮತ್ತು ಕಬ್ಬಿಣಾಂಶವಿದೆ. ಪ್ರತಿದಿನ ಮೊಟ್ಟೆಯನ್ನು ತಿನ್ನುವುದರಿಂದ ನಮಗೆ ಸಾಕಷ್ಟು ಪೋಷಕಾಂಶಗಳು ಸಿಗುತ್ತವೆ. ಆದ್ದರಿಂದ ಮೊಟ್ಟೆ ತಿನ್ನುವ ಅಭ್ಯಾಸವನ್ನು ರೂಡಿಸಿಕೊಳ್ಳುವುದು ಉತ್ತಮ.