ಇತ್ತಿಚೆಗಷ್ಟೆ ಸುದ್ದಿ ನಿರೂಪಕಿಯೇ ಸಾಕಷ್ಟು ಸುದ್ದಿಯಾದಳು. ಒಡಿಶಾ ಮೂಲದ ಖಾಸಗಿ ಸುದ್ದಿ ವಾಹಿನಿ ಒಡಿಶಾ ಟಿವಿ ಕೃತಕ ಬುದ್ಧಿಮತ್ತೆಯಿಂದ ಸೃಷ್ಟಿಸಲಾದ ಕೃತಕ ಸುದ್ದಿ ವಾಚಕಿಯನ್ನು ಪರಿಚಯಿಸಿತ್ತು.ಈಕೆ ದೇಶದ ಮೋಟ್ಟ ಮೊದಲ ಎಐ ನಿರೂಪಕಿ ‘ಲೀಸಾ’ ಚರ್ಚೆಗೆ ಕಾರಣಳಾದಳು.
ಇಂದು ಬಹುತೇಕ ಉದ್ಯೋಗ ಕ್ಷೇತ್ರದಲ್ಲಿ ಕೃತಕ ಬುದ್ದಿಮತ್ತೆಯನ್ನು ಬಳಸಿಕೊಂಡು ಉತ್ಪಾದಕತೆಯನ್ನು ಹೆಚ್ಚಿಸುವ ಹಾಗೂ ವೆಚ್ಚ ಕಡಿತ ಮಾಡುವ ಪ್ರಯತ್ನ ನಡೆಯುತ್ತಿದೆ. ಇದರಿಂದ ಪತ್ರಿಕೋದ್ಯಮವೂ ಹೊರತಲ್ಲ. ಇದಕ್ಕೆ ಪ್ರಮಾಣವೇ ‘ಲೀಸಾ’.
ಈ ಪರಿಕಲ್ಪನೆ ಮುಂದಿನ ದಿನಗಳಲ್ಲಿ ಮತ್ತಷ್ಟು ವ್ಯಾಪಿಸುವ ಸಾಧ್ಯತೆ ಇದೆ. ಆದರೆ ಇದು ಸಾವಿರಾರು ಮಂದಿ ಉದ್ಯೋಗಿಗಳ ಉದ್ಯೋಗ ಕಿತ್ತುಕೊಳ್ಳುವ ಸಾಧ್ಯತೆನೂ ಇದೆ. ಈಗಾಗಲೇ ಬೆಂಗಳೂರು ಮೂಲದ ಸ್ಟಾರ್ಟ್ಅಪ್ ಡುಕಾನ್ ಸಂಸ್ಥೆ ಶೇ. 90 ರಷ್ಟು ಗ್ರಾಹಕ ಬೆಂಬಲ ವಿಭಾಗದ ತಂಡವನ್ನು ಕೆಲಸದಿಂದ ತೆಗೆದುಹಾಕಿದೆ. ಅವರ ಜಾಗಕ್ಕೆ ಕೃತಕ ಬುದ್ಧಿಮತ್ತೆ (ಎಐ) ತಂತ್ರಜ್ಞಾನ ಅಳವಡಿಸಿಕೊಂಡಿರುವ ವಿಚಾರವನ್ನು ಸಂಸ್ಥಾಪಕ ಸುಮಿತ್ ಶಾ ಟ್ವೀಟ್ ಮಾಡಿದ್ದಾರೆ.
ಇವರ ಪ್ರಕಾರ ಎಐ ತಂತ್ರಜ್ಞಾನದ ಅಳವಡಿಕೆಯ ನಂತರ ಗ್ರಾಹಕ ಬೆಂಬಲಕ್ಕೆ ಸಂಬಂಧಿಸಿದ ವೆಚ್ಚವು ಶೇ 85 ರಷ್ಟು ಕಡಿಮೆಯಾಗಿದೆ. ಅಲ್ಲದೇ ರೆಸಲ್ಯೂಷನ್ ಸಮಯ ಎರಡು ಗಂಟೆಗಳಿಂದ ಮೂರು ನಿಮಿಷಗಳಿಗೆ ಕಡಿಮೆಯಾಗಿದೆ.
ಒಟ್ಟಿನಲ್ಲಿ ಸಾಕಷ್ಟು ಮಂದಿ ಕೆಲಸವನ್ನು ಕಳೆದುಕೊಂಡಿದ್ದಾರೆ ಮತ್ತು ಮುಂದಿನ ದಿನಗಳಲ್ಲಿ ಕೆಲಸ ಕಳೆದುಕೊಳ್ಳುವ ಸಂಭವವು ಹೆಚ್ಚಾಗಿದೆ. ಇದಕ್ಕೆ ಡುಕಾನ್ ಸ್ಟಾರ್ಟ್ಅಪ್ ಮುನ್ನುಡಿ ಬರೆದಾಯಿತ್ತು.
ಇಷ್ಟು ಮಾತ್ರವಲ್ಲದೆ ಬೆಂಗಳೂರು ಮೂಲದ ವಿಪ್ರೋ ಸಂಸ್ಥೆ ಕೃತಕ ಬುದ್ಧಿಮತ್ತೆ ಕ್ಷೇತ್ರದಲ್ಲಿ ಭಾರಿ ಬಂಡವಾಳ ಹೂಡಲು ನಿರ್ಧರಿಸಿದೆ. ಐಟಿ ಸೇವೆಗಳನ್ನು ಒದಗಿಸುವ ವಿಪ್ರೋ ಲಿಮಿಟೆಡ್ ಮುಂದಿನ ಮೂರು ವರ್ಷಗಳಲ್ಲಿ ಕೃತಕ ಬುದ್ಧಿಮತ್ತೆ ಕ್ಷೇತ್ರಸಲದಲ್ಲಿ 1 ಬಿಲಿಯನ್ ಅಮೆರಿಕನ್ ಡಾಲರ್ ಬಂಡವಾಳ ಹೂಡಿಕೆ ಮಾಡಲು ನಿರ್ಧರಿಸಿದೆ.
ಎಐ ನಿರೂಪಕಿ ಲೀಸಾ ಆಗಮನದಿಂದ ಮಾದ್ಯಮ ಕ್ಷೇತ್ರದಲ್ಲೂ ಕಳವಳ ವ್ಯಕ್ತವಾಗಿದೆ.ಇದು ಸುದ್ದಿಗಾರರ ಕೆಲಸವನ್ನು ಸುದ್ದಿ ವಾಚಕರ ಕೆಲಸವನ್ನು ಕಿತ್ತುಕೊಳ್ಳುವಂತಹ ಪರಿಸ್ಥಿಯನ್ನು ಸೃಷ್ಟಿಸಬಹುದು.
ಎಐ ಎಲ್ಲ ಕ್ಷೇತ್ರಕ್ಕೆ ಎಲ್ಲಾ ಕ್ಷೇತ್ರಕ್ಕೆ ಕಾಲಿಟ್ಟರೆ ಅಧಿಕ ಪ್ರಮಾಣದಲ್ಲಿ ನಿರುದ್ಯೋಗದ ಸಮಸ್ಯೆಯನ್ನು ಎದುರಿಸಬೇಕಾಗುತ್ತದೆ. ತಂತ್ರಜ್ಞಾನವು ಜನರನ್ನು ಮತ್ತು ಕ್ಷೇತ್ರಗಳನ್ನು ಬೇಗನೇ ಅವರಿಸಿಕೊಳ್ಳುತ್ತದೆ. ಇದರ ಹೊಸ ವರ್ಷ ಆವೃತ್ತಿಗಳು ಹೇಗಿರಬಹುದು. ಅದೆಷ್ಟು ಮಂದಿಯ ಕೆಲಸಕ್ಕೆ ಕುತ್ತು ತರಹಬಹುದು.