ತಮ್ಮ ಮಕ್ಕಳ ಉತ್ತಮ ಭವಿಷ್ಯಕ್ಕಾಗಿ ಹೆತ್ತವರು ಕಣಸು ಕಾಣುತ್ತಿರುತ್ತಾರೆ. ಅದಕ್ಕಾಗಿ ಸದಾ ಪರಿಶ್ರಮಿಸುತ್ತಿರುತ್ತಾರೆ. ಸದಾ ಮಕ್ಕಳ ಒಳಿತಿಗಾಗಿ ಅವರ ಬೇಕು ಬೇಡಗಳ ಬಗ್ಗೆ ಸಂಪೂರ್ಣ ಕಾಳಜಿ ವಹಿಸುತ್ತಾರೆ.
ವಿದ್ಯಾಭ್ಯಾಸದ ವಿಷಯಕ್ಕೆ ಬಂದಾಗ ಮಕ್ಕಳಿಗೆ ಉತ್ತಮ ಶಿಕ್ಷಣ ನೀಡುವ ಸಲುವಾಗಿ ಸದಾ ಒಳ್ಳೆಯ ಶಾಲೆಯೊಂದರ ಆಯ್ಕೆ ಮಾಡುತ್ತಾರೆ. ಆದರೆ ಆ ಶಾಲೆ ಸರ್ಕಾರಿ ಶಾಲೆ ಆಗಿರುವುದಿಲ್ಲ ಖಾಸಗಿ ಆಂಗ್ಲ ಮಾಧ್ಯಮದ ಶಾಲೆಯಾಗಿರುತ್ತದೆ.
ಹೆತ್ತವರ ಮನದಲ್ಲಿ ಉತ್ತಮ ಶಿಕ್ಷಣ ಎಂದರೆ ಇಂಗ್ಲೀಷ್ ಮೀಡಿಯಂ ಎಂಬ ಕಲ್ಪನೆ ಬೆಳೆದು ಬಿಟ್ಟಿದೆ. ಸ್ವತಃ ಯಾವುದೋ ಸರ್ಕಾರಿ ಶಾಲೆಯಲ್ಲಿ ಓದಿದ್ದರು ಸಹ ತಮ್ಮ ಮಕ್ಕಳಿಗೆ ಮಾತ್ರ ಉತ್ತಮ ಖಾಸಗಿ ಶಾಲೆಯೇ ಬೇಕು.
ಇತ್ತಿಚೀನ ದಿನಗಳಲ್ಲಿ ದ.ಕ ಮತ್ತು ಉಡುಪಿ ಜಿಲ್ಲೆಗಳಲ್ಲಿ ಕೆಲವೊಂದು ಸರ್ಕಾರಿ ಶಾಲೆಗಳಲ್ಲಿ ಒಂದನೇ ತರಗತಿಗೆ ದಾಖಲಾತಿ ಆಗದಿರುವ ಬಗ್ಗೆ ವರದಿಯಾಗಿವೆ. ಪ್ರತಿವರ್ಷವು ರಾಜ್ಯದ್ಯಾಂತ ಶಾಲಾ ದಾಖಲಾತಿ ಕುಂಠಿತವಾಗಿರುವ ಕುರಿತು ವರದಿಯಾಗುತ್ತಲೇ ಬಂದಿದೆ. ಆದ್ದರಿಂದ ಈ ಬಾರೀ ದಾಖಲಾತಿ ಆಗದಿರುವುದು ಊಹೆಯಂತೆ ನಡೆದಿದೆ.
ಇಷ್ಟುಕ್ಕೂ ದಾಖಾಲಾತಿ ಆಗದಿರುವುದಕ್ಕೆ ಬರೇ ಇಂಗ್ಲೀಷ್ ವ್ಯಾಮೋಹ ಕಾರಣವಾಗಿರಲು ಸಾಧ್ಯವಿಲ್ಲ. ಸುಸಜ್ಜಿತವಾದ ಕಟ್ಟಡ, ಸ್ಮಾರ್ಟ್ ಬೋರ್ಡ್, ಸ್ಮಾರ್ಟ್ ಕ್ಲಾಸ್, ಪ್ರಾಜೆಕ್ಟ್ಗಳನ್ನು ನೀಡುತ್ತಾರೆ. ಮಕ್ಕಳಲ್ಲಿ ಕ್ರೀಯಾ ಶೀಲತೆಯನ್ನು ಹೆಚ್ಚಿಸಲು ಮಕ್ಕಳ ಆತಂರಿಕ ಬೆಳವಣಿಗೆ ಮತ್ತು ಕೌಶಲ್ಯತೆಯನ್ನು ಹೆಚ್ಚಿಸಲು ವಿವಿಧ ಚಟುವಟಿಕೆಗಳನ್ನು ಮಕ್ಕಳಿಂದ ಮಾಡಿಸುತ್ತಾರೆ. ಮಕ್ಕಳಿಗೆ ಬಸ್ಸು ಸೌಲಭ್ಯ ಹೀಗೆ ಇವೆಲ್ಲವು ಖಾಸಗಿ ಶಾಲೆಯ ಆಕರ್ಷಣೆ.
ನಿಜವಾಗಲೂ ಈ ಆಕರ್ಷಣೆಯೇ ಹೆತ್ತವರು ಮಕ್ಕಳನ್ನು ಸರ್ಕಾರಿ ಶಾಲೆಯಿಂದ ದೂರ ಮಾಡಲು ಕಾರಣ ಮೇಲ್ನೋಟಕ್ಕೆ ಅನಿಸುತ್ತದೆ. ಆದರೆ ಮುಂದೆ ಒಂದು ದಿನ ಕಾಲೇಜು ಆಯ್ಕೆ ಸಂದರ್ಭ ಬಂದಾAಗ ಮಾತ್ರ 150 ವರ್ಷದ ಹಳೆಯ ಸರ್ಕಾರಿ ಕಾಲೇಜು ಸೇರಿಕೊಳ್ಳುತ್ತಾರೆ.
ಇನ್ನು ಖಾಸಗಿ ಶಾಲೆಯ ಫೀಸ್ ಮಾತ್ರ 40 ಸಾವಿರದಿಂದಲೇ ಆರಂಭ. ನಿಧಾನಕ್ಕೆ ಮಕ್ಕಳ ಹೆತ್ತವರು ಪ್ರತಿವರ್ಷ ತಮ್ಮಗೆ ಅರಿವಿಲ್ಲದಂತೆ ಲೂಟಿಯಾಗುತ್ತಿರುತ್ತಾರೆ. ಇಲ್ಲಿ ಗಮನಿಸಬೇಕಾಗಿರುವ ಅಂಶ ಸರ್ಕಾರ ಇಂಗ್ಲೀಷ್ ಮೀಡಿಯಂ ಶಾಲೆಗಳನ್ನು ತೆರೆಯುವ ಪ್ರಸ್ತಾಪ ಮಾಡಿದಾಗೆಲ್ಲ ಕೆಲವರ ಹೋರಾಟ ಶುರುವಾಗುತ್ತದೆ. ಪರೋಕ್ಷವಾಗಿ ಇಂಗ್ಲೀಷ್ ಮೀಡಿಯಂ ಶಾಲೆಯನ್ನು ಪ್ರೋತ್ಸಾಹಿಸುವಂತೆ ಭಾಸವಾಗುತ್ತದೆ.
ಸರ್ಕಾರವು ಈ ನಿಟ್ಟಿನಲ್ಲಿ ಕಾರ್ಯಪ್ರವೃತವಾಗಬೇಕು. ಇದೀಗಾ ಬರೇ ಎರಡು ಜಿಲ್ಲೆಯಲ್ಲಿ ಕೆಲವೊಂದು ಸರ್ಕಾರಿ ಶಾಲೆಗಳಲ್ಲಿ ಒಂದನೇ ತರಗತಿಗಳಿಗೆ ದಾಖಲಾತಿ ಶೂನ್ಯ ಬಗ್ಗೆ ವರದಿಯಾಗಿವೆ. ರಾಜ್ಯದ ವಿವಿಧ ಜಿಲ್ಲೆಯ ಪರಿಸ್ಥಿತಿ ಇನ್ನಷ್ಟೇ ಗೊತ್ತಾಗಬೇಕಾಗಿದೆ.
ಇತ್ತೀಚಿನ ದಿನಗಳಲ್ಲಿ ಸರ್ಕಾರಿ ಕಾಲೇಜುಗಳಿಗೆ ಸಾಕಷ್ಟು ಅನುದಾನ ಸಿಕ್ಕಿ ಉತ್ತಮ ರೀತಿಯಲ್ಲಿ ಅಭಿವೃದ್ಧಿಯನ್ನು ಹೊಂದಿದೆ. ಸರ್ಕಾರವು ಸರ್ಕಾರಿ ಕಾಲೇಜುಗಳಿಗೆ ನೀಡಿರು ಅವಶ್ಯಕ ಸೌಕರ್ಯಗಳನ್ನು ಸರ್ಕಾರಿ ಶಾಲೆಗಳಿಗೂ ನೀಡಿ, ಉತ್ತಮ ಗುಣಮಟ್ಟದ ಶಿಕ್ಷಣಕ್ಕೆ ಆದ್ಯೆ ನೀಡಿದಲ್ಲಿ ಸರ್ಕಾರಿ ಶಾಲೆಗಳಲ್ಲಿ ದಾಖಲಾತಿ ಸುಧಾರಿಸಬಹುದು. ಜೋತೆಗೆ ಹೆತ್ತವರು ದಿವಾಳಿಯಾಗುವುದನ್ನು ಕೂಡ ತಪ್ಪಿಸಬಹದು.