ಏಷ್ಯನ್ ಅಥ್ಲೆಟಿಕ್ಸ್ ಚಾಂಪಿಯನ್ಶಿಪ್ನಲ್ಲಿ ಮುಂದುವರೆದ ಪದಕ ಬೇಟೆ ಶುಕ್ರವಾರ 2 ಚಿನ್ನ, 1 ಬೆಳ್ಳಿ ಪದಕ ಜಯಿಸಿದ ಭಾರತ ಶಾಟ್ಪುಟ್ನಲ್ಲಿ ಏಷ್ಯನ್ ದಾಖಲೆ ಹೊಂದಿರುವ ಏಷ್ಯನ್ ಅಥ್ಲೆಟಿಕ್ಸ್ ಚಾಂಪಿಯನ್ಶಿಪ್ನಲ್ಲಿ ಭಾರತ ಪದಕ ಬೇಟೆ ಮುಂದುವರಿಸಿದ್ದು, ಶುಕ್ರವಾರ 2 ಚಿನ್ನ, 1 ಬೆಳ್ಳಿ ಪದಕ ಗಳಿಸಿ ಜಯಭೇರಿಬಾರಿಸಿದೆ. ಇದರೊಂದಿಗೆ ಭಾರತದ ಪದಕ ಗಳಿಕೆ 9ಕ್ಕೆ ಏರಿಕೆಯಾಗಿದೆ.
ಶಾಟ್ಪುಟ್ನಲ್ಲಿ ಏಷ್ಯನ್ ದಾಖಲೆ ಹೊಂದಿರುವ ತೇಜಿಂದರ್ಪಾಲ್ ತೂರ್ ಸಿಂಗ್ ಶುಕ್ರವಾರ 20.23 ದೂರಕ್ಕೆ ಎಸೆದು ಚಿನ್ನ ತಮ್ಮದಾಗಿಸಿಕೊಂಡರು. 2017ರಲ್ಲಿ ಬೆಳ್ಳಿ ಗೆದ್ದಿದ್ದ ತೂರ್. 2019ರಲ್ಲಿ ಚಿನ್ನ ಗೆದ್ದಿದ್ದರು.
ಇಷ್ಟೇ ಅಲ್ಲದೆ, ಮಹಿಳೆಯರ 3000 ಮೀ. ಸ್ಟೀಪಲ್ಚೇಸ್ನಲ್ಲಿ ಪಾರುಲ್ ಚೌಧರಿ ಕೂಡಾ ಬಂಗಾರಕ್ಕೆ ಮುತ್ತಿಟ್ಟರು. 28 ವರ್ಷದ ಪಾರುಲ್ 9 ನಿಮಿಷ 38.76 ಸೆಕೆಂಡ್ಗಳಲ್ಲಿ ಗುರಿ ತಲುಪಿ ಅಗ್ರಸ್ಥಾನ ಪಡೆದುಕೊಂಡರು. ಇನ್ನು, ಮಹಿಳೆಯರ ಲಾಂಗ್ಜಂಪ್ನಲ್ಲಿ 19 ವರ್ಷದ ಶೈಲಿ ಸಿಂಗ್ 6.76 ಮೀ. ದೂರಕ್ಕೆ ಜಿಗಿದು ಬೆಳ್ಳಿ ಪದಕ ಜಯಿಸಿದ್ದಾರೆ.
ಈ ಮೊದಲು ಹಿರಿಯರ ವಿಭಾಗದಲ್ಲಿ ಮೊದಲ ಅಂತಾರಾಷ್ಟ್ರೀಯ ಕೂಟದಲ್ಲಿ ಪದಕ ಗೆದ್ದ ಸಾಧನೆ ಮಾಡಿದರು. ಮೊದಲ ದಿನ 1 ಕಂಚು ಗೆದ್ದಿದ್ದ ಭಾರತ ಗುರುವಾರ 3 ಚಿನ್ನ, 2 ಕಂಚು ಜಯಿಸಿತ್ತು.
ಗ್ರೇಟರ್ ನೋಯ್ಡಾ: ಭಾರತದ ತಾರಾ ವೇಟ್ಲಿಫ್ಟರ್ ಶುಭಂ ಇಲ್ಲಿ ನಡೆಯುತ್ತಿರುವ ಕಾಮನ್ವೆಲ್ತ್ ಚಾಂಪಿಯನ್ಶಿಪ್ ವೇಟ್ಲಿಫ್ಟಿಂಗ್ನಲ್ಲಿ ಚಿನ್ನದ ಪದಕ ಗೆದ್ದಿದ್ದಾರೆ. ಗುರುವಾರ ಪುರುಷರ 61 ಕೆ.ಜಿ. ವಿಭಾಗದ ಸ್ಪರ್ಧೆಯಲ್ಲಿ ಶುಭಂ ಒಟ್ಟು 259 ಕೆ.ಜಿ. ಭಾರ ಎತ್ತಿ ಬಂಗಾರದ ಸಾಧನೆ ಮಾಡಿದರು. ಇದೇ ವೇಳೆ ಕಿರಿಯ ಮಹಿಳೆಯರ 59 ಕೆ.ಜಿ. ವಿಭಾಗದಲ್ಲಿ ಹರಿಕಾ ಬಿ. 172 ಕೆ.ಜಿ. ಭಾರ ಎತ್ತಿ ಚಿನ್ನವನ್ನು ತಮ್ಮ ಪಾಲಾಗಿಸಿಕೊಂಡರು. ಇನ್ನು, ಮಹಿಳೆಯರ 59 ಕೆ.ಜಿ. ವಿಭಾಗದಲ್ಲಿ ಪೋಪಿ ಹಜಾರಿಕಾ 189 ಕೆ.ಜಿ. ಭಾರ ಎತ್ತಿ ಬೆಳ್ಳಿ ಪದಕ ಗೆದ್ದಕೊಂಡಿದ್ದಾರೆ.