ಆನ್ಲೈನ್ ಪರ್ಸನಲ್ ಲೋನ್ ಅಪ್ಲಿಕೇಶನ್ ಹಾವಳಿ ಜೋರಾಗಿದ್ದು ಜನರನ್ನು ತನ್ನ ತಕ್ಕೆಗೆ ಬೀಳುಸುತ್ತಾಲೇ ಇದೆ. ಜನ ತಮ್ಮ ಅನಿವಾರ್ಯತೆಗಾಗಿ ಲೋನ್ ಗಳ ಮೋರೆ ಗೋಗುವುದು ಸಹಜ. ಅದರಲ್ಲೂ ಇತ್ತೀಚಿನ ದಿನಗಳಲ್ಲಿ ಇದರ ವಹಿವಾಟು ಹೆಚ್ಚಾಗಿದ್ದು ಬೊಂಗಳೂರಿನ ವಿದ್ಯಾರ್ಥಿಯೊಬ್ಬ ಇದರ ಸುಳಿಯಲ್ಲಿ ಸಿಲುಕಿ ಇದಕ್ಕೆ ಬಲಿಪಶು ಆಗಿದ್ದಾನೆ.
ಈಗ ರಾಜ್ಯದಲ್ಲಿ ಲೋನ್ ಆಪ್ ಒಂದು ಬಲಿ ಪಡೆದಿದೆ. ಆನ್ ಲೈನ್ ಲೋನ್ ಕಂತು ಕಟ್ಟಿಲ್ಲ ಎಂದು ಚೀನಾ ಮೂಲದ ಆಪ್ ಕಂಪನಿ ಟಾರ್ಚರ್ ನೀಡಿದ್ದು, ಬೆಂಗಳೂರಿನ ಇಂಜಿನಿಯರಿAಗ್ ವಿದ್ಯಾರ್ಥಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಸ್ನೇಹಿತನಿಗಾಗಿ ಲೋನ್ ಪಡೆದಿದ್ದ ತೇಜಸ್ ಒಂದು ವರ್ಷದಿಂದ ಸ್ನೇಹಿತ ಇಎಂಐ ಕಟ್ಟದಿರುವ ಸಂದರ್ಭದಲ್ಲಿ ಲೋನ್ ನೀಡಿದ್ದವರು ಕಿರುಕುಳ ನೀಡಿದ್ದು ಡೆತ್ ನೊಟ್ ಬರೆದಿಟ್ಟು ಆತ್ಮಹತ್ಯೆಗೆ ಶರಣಾಗಿದ್ದಾನೆ.
ಸಾಲ ಪಡೆಯಲು ಕನಿಷ್ಠ ಕಾಗದರಹಿತ ಡಾಕ್ಯುಮೆಂಟೇಶನ್ ಮತ್ತು ಶೂನ್ಯ ಕ್ರೆಡಿಟ್ ಇತಿಹಾಸವನ್ನು ಹೊಂದಿದ್ದರೆ ಸಾಕು ಈ ಆಪ್ಗಳು ಲೋನ್ ನೀಡುತ್ತವೆ. ಇದು ಕೈಗೆಟುಕುವ ಇಎಂಐಗಳಲ್ಲಿ ಹೊಂದಿಕೊಳ್ಳುವ ಮರುಪಾವತಿ ಅವಧಿಯೊಂದಿಗೆ ಕಡಿಮೆ ಬಡ್ಡಿದರಗಳನ್ನು ಲೋನ್ ನೀಡುತ್ತದೆ. ಅಗತ್ಯವಿರುವ ದಾಖಲೆಗಳು ಗುರುತಿನ ಪುರಾವೆ, ಆದಾಯ ಮತ್ತು ವಿಳಾಸ ಆಧಾರದ ಮೇಲೆ ಲೋನ್ ನೀಡುತ್ತಾರೆ.
ಹಣಕಾಸಿನ ಸಮಸ್ಯೆಗಳಿಗೆ ತ್ವರಿತ ಪರಿಹಾರದಂತೆ ತೋರಿದರೂ, ಅವು ಹಣಕಾಸಿನ ಹಗರಣಗಳು ಮತ್ತು ಗುರುತಿನ ಕಳ್ಳತನದ ಹೆಬ್ಬಾಗಿಲಾಗಿರಬಹುದು. ತ್ವರಿತ ಸಾಲ ಅಪ್ಲಿಕೇಶನ್ ಮೂಲಕ ತ್ವರಿತ ಸಾಲವನ್ನು ತೆಗೆದುಕೊಳ್ಳುವ ಮೊದಲು, ಅಪ್ಲಿಕೇಶನ್ ಸತ್ಯಾಸತ್ಯತೆಯನ್ನು ಪರಿಶೀಲಿಸುವುದು ಸೂಕ್ತ. ಈ ಆನ್ಲೈನ್ ಲೋನ್ ಅಪ್ಲಿಕೇಶನ್ಗ ಳು ಎಷ್ಟರ ಮಟ್ಟಿಗೆ ಸುರಕ್ಷಿತ ಅನ್ನುವುದು ಅಸ್ಪಷ್ಟತೆಯಿಂದ ಕೂಡಿದೆ.
ಇತ್ತೀಚಿನ ದಿನಗಳಲ್ಲಿ ನೀತಿ ಮತ್ತು ನಿಬಂಧನೆಗಳನ್ನು ಪಾಲಿಸದ ಕಾರಣ ಗೂಗಲ್ ಇಂಡಿಯಾ ಪ್ಲೇ ಸ್ಟೋರ್ನಿಂದ ೩,೫೦೦ ಕ್ಕೂ ಹೆಚ್ಚು ಪರ್ಸನಲ್ ಲೋನ್ ಅಪ್ಲಿಕೇಶನಗಳನ್ನು ತೆಗೆದುಹಾಕಿದೆ. ಅಪ್ಲಿಕೇಶನ್ ಸಂಪರ್ಕಗಳು ಮತ್ತು ಫೋಟೋಗಳು ಸೇರಿದಂತೆ ಬಳಕೆದಾರರ ಡೇಟಾವನ್ನು ಅಕ್ರಮವಾಗಿ ಬಳಸುತ್ತಿದ್ದವು. ಅಲ್ಲದೆ ಇತರ ವಿಷಯಗಳಿಗೆ ಸಂಬಂದಿಸಿದ ಯಾವುದೇ ಮಾರ್ಗಸೂಚಿಗಳನ್ನು ಅನುಸರಿಸುತ್ತಿರಲಿಲ್ಲ.