ಭಾರತದ ಈಶಾನ್ಯ ರಾಜ್ಯ ಈಗ ರಣರಂಗವಾಗಿದೆ.ಮಣಿಪುರದಲ್ಲಿ 3 ಮೇ2023 ರಂದು ಇಂಫಾಲ್ ಕಣಿವೆಯಲ್ಲಿ ವಾಸಿಸುವ ಬಹುಸಂಖ್ಯಾತ ಮೈತೇಯಿ ಜನರು ಮತ್ತು ಕುಕಿ ಮತ್ತು ಜೋ ಜನರು ಸೇರಿದಂತೆ ಸುತ್ತಮುತ್ತಲಿನ ಬೆಟ್ಟಗಳ ಬುಡಕಟ್ಟು ಸಮುದಾಯದ ನಡುವೆ ಜನಾಂಗೀಯ ಘರ್ಷಣೆ ಭುಗಿಲೆದ್ದಿದೆ.
ರಾಜ್ಯದಲ್ಲಿ ಶೇ ೫೩ ರಷ್ಟಿರುವ ಮೈತೇಯಿ ಸಮುದಾಯವನ್ನು ಪರಿಶಿಷ್ಟ ಪಂಗಡದ ಪಟ್ಟಿಗೆ ಸೇರಿಸಬೇಕು ಎಂಬ ಬೆಡಿಕೆಗೆ, ಶೇ೪೦ ರಷ್ಟಿರುವ ಬುಡಕಟ್ಟು ಸಮುದಾಯಗಳಿಂದ ತೀವ್ರ ಆಕ್ಷೇಪ ವ್ಯಕ್ತಪಡಿಸಿತ್ತು.
ಈ ಹಿನ್ನಲೆಯಲ್ಲಿ ವಿದ್ಯಾರ್ಥಿ ಸಂಘಟನೆಯ ನೇತ್ರತ್ವದಲ್ಲಿ ನಾಗಾ ಮತ್ತು ಕುಕಿ ಬುಡಕಟ್ಟು ಸಮುದಾಯದವರು ಪ್ರತಿಭಟನೆ ಮತ್ತು ಜಾಥಾ ನಡೆಸುವ ಸಂದರ್ಭದಲ್ಲಿ ಚುರ್ಚಾಂದ್ ಪುರ ಜಿಲ್ಲೆಯ ತೊರ್ಬಂಗ್ ಪ್ರದೇಶದಲ್ಲಿ ಶಸ್ತ್ರಸಜ್ಜಿತ ಗುಂಪು ಮೈತೇಯಿ ಸಮುದಾಯದ ಕೆಲವರ ಮೇಲೆ ಹಲ್ಲೆ ನಡೆಸಿತ್ತು. ಮುಂದೆ ಎಂಟು ಜಿಲ್ಲೆಗಳಲ್ಲಿ ಪ್ರತೀಕರಾವಾಗಿ ಹಲ್ಲೆಯ ಘಟನೆಗಳು ನಡೆಯಿತ್ತು.
ಪ್ರಚೋದನಕಾರಿ ಸಂದೇಶ ರವಾನೆ ಆಗದಂತೆ ನೋಡಿಕೋಳ್ಳಲು ಇಂಟರ್ ನೆಟ್ ಸ್ಥಗಿತಗೊಳಿಸಿದರು ಪರಿಸ್ಥಿತಿ ಬಿಗಾಡಾಯಿಸಿದೆ. ಸರ್ಕಾರಿ ನೌಕರರಿಗೆ ಕರ್ತವ್ಯಕ್ಕೆ ಹಾಜರಾಗುವಂತೆ ಕಟ್ಟು ನಿಟ್ಟಾಗಿ ಆದೇಶ ನೀಡಲಾಯಿತ್ತು. ಯಾವುದಕ್ಕೂ ಜಗ್ಗಲ್ಲ ಅನ್ನುತ್ತಿದೆ ಇಲ್ಲಿನ ಸಮುದಾಯಗಳು. ಜನಜೀವನ ಅಸ್ತವ್ಯಸ್ತ ಆಗಿರುವ ಪ್ರದೇಶದಲ್ಲಿ ಜನ ಸಾಮಾನ್ಯರು ಮಾತ್ರವಲ್ಲದೆ ಕರ್ತವ್ಯ ನಿರತ ಪೋಲೀಸ್ ಅಧಿಕಾರಿಗಳು ಸಹ ಜೀವ ಕಳೆದುಕೊಂಡಿದ್ದಾರೆ.
ಕೇಂದ್ರ ಸಚಿವ ಅಮಿತ್ ಶಾ ಮಣಿಪುರ ಭೇಟಿ ಸಂದರ್ಭದಲ್ಲಿ ಮತ್ತೆ ಹಿಂಸಾಚಾರ ಭುಗಿಲೆದ್ದಿತ್ತು. ಇತ್ತೀಚಿಗೆ ರಾಹುಲ್ ಗಾಂಧಿ ಭೇಟಿ ದಿನದಂತೆ ಒಬ್ಬ ವ್ಯಕ್ತಿಯನ್ನು ಈ ಹಿಂಸಾಚಾರ ಬಲಿ ತಗೆದುಕೊಂಡಿತ್ತು. ಕೇಂದ್ರ ಸಚಿವ ರಾಜಕುಮಾರ್ ರಂಜನ್ ಸಿಂಗ್ ಅವರ ನಿವಾಸಕ್ಕೆ ಬೆಂಕಿ ಹಚ್ಚಿದ ಗುಂಪು ಇದಕ್ಕೂ ಮೊದಲೇ ಮಣಿಪುರದ ಸಚಿವ ನೆಮ್ಟ ಕಿಪ್ಗೆನ್ ಅವರ ಇಂಫಾಲದಲ್ಲಿನ ನಿವಾಸಕ್ಕೆ ಬೆಂಕಿ ಹಚ್ಚಲಾಗಿತ್ತು.
ದಿನದಿಂದ ದಿನಕ್ಕೆ ಸಾವು ನೋವಿನ ಅಂಕಿ ಅಂಶಗಳು ಹೆಚ್ಚಾಗುತ್ತಿದೆ. ನಿಯಂತ್ರಣ ಬಾರದ ಗಲಾಟೆ ದಿನದಿಂದ ದಿನಕ್ಕೆ ಎಲ್ಲೆ ಮೀರುತ್ತಿದೆ. ಅಲ್ಲಿನ ಸರ್ಕಾರವು ಪರಿಸ್ಥಿ ನಿಯಂತ್ರಿಸುವಲ್ಲಿ ಹರಸಾಹಸ ಮಾಡುತ್ತಿದೆ.
ಕ್ರೈಸ್ತ ಸಮುದಾಯ ಮೇಲಿನ ದಾಳಿಯು ಈಗ ಭಾರತದ್ಯಾಂತ ವ್ಯಾಪಕವಾದ ವಿರೋಧ ವ್ಯಕ್ತವಾಗುತ್ತಿದೆ. ಈ ಬೆಳವಣಿಗೆಯು ಪರಿಸ್ಥಿತಿಯನ್ನು ನಿಭಾಯಿಸುವಲ್ಲಿ ಕೊಂಚವು ಸಹಕಾರಿ ಅನಿಸುವಂತಿಲ್ಲ.
ಭಾರತದ ಈಶಾನ್ಯ ಭಾಗದ ಜನರು ದೈಹಿಕವಾಗಿ ನೋಡಲು ಭಿನ್ನವಾಗಿ ಕಾಣುವುದರಿಂದ ಸಾಕಷ್ಟು ಭಾರಿ ದೇಶಾದ್ಯಂತ ದೌರ್ಜನ್ಯ ಒಳಗಾಗಿದ್ದಾರೆ. ಅವರಿಗೆಲ್ಲ ನಾವು ಭಾರತೀಯರು, ನಾವು ಕೂಡ ಭಾರತೀಯ ಪ್ರಜೆಗಳು ಎಂದು ಪ್ರತಿಪಾದಿಸಿರುವುದನ್ನು ಸ್ಮರಿಸಬಹದು. ಇವತ್ತಿಗೂ ಕೆಲವರು ನಮ್ಮನ್ನು ಪ್ರತ್ಯೇಕವಾಗಿ ಕಾಣುತ್ತಾರೆ ಎಂಬ ಅಸಮಾಧಾನವನ್ನು ಆಗಾಗಾ ವ್ಯಕ್ತ ಪಡಿಸಿದ್ದಾರೆ. ಇವರ ಕೋಪ ಯಾವ ಮಟ್ಟಕ್ಕೆ ತಲುಪಿತ್ತು ಎಂದರೆ ಒಂದು ಸಂದರ್ಭದಲ್ಲಿ ಹಿಂದಿ ಭಾಷೆಯನ್ನೇ ತಮ್ಮ ರಾಜ್ಯದಲ್ಲಿ ನಿಷೇಧಿಸಿದ್ದರು.
ಈ ಘಟನೆಯಿಂದ ಅರಿತು ಕೊಳ್ಳಬೇಕಾಗಿರುವ ಸಂಗತಿ ಕೇಂದ್ರ ಸರ್ಕಾರ ಭುಗಿಲೆದ್ದಿರುವ ಹಿಂಸಾಚಾರದ ಕುರಿತು ಮಧ್ಯಸ್ಥಿಕೆ ವಹಿಸಿ ಸಮಸ್ಯೆಯನ್ನು ಪರಿಹರಿಸುವಲ್ಲಿ ಪ್ರಮಾಣಿಕ ಪ್ರಯತ್ನ ಮಾಡಬೇಕಾಗಿದೆ