ರಾಜ್ಯದ 25 ಜಿಲ್ಲೆಯಲ್ಲಿ ಇನ್ನೂ ಮಳೆರಾಯನ ಆಗಮನವೇ ಆಗಿಲ್ಲ. ವರುಣನ ಕೃಪೆ ಇಲ್ಲದೆ ರೈತಾಪಿ ಜನ ಕಂಗಾಲಾಗಿದ್ದಾರೆ. ಇತ್ತ ಬೆಳೆ ಬಿತ್ತದೆ, ನಾಟಿ ಮಾಡದೆ ದಿಕ್ಕು ತೊಚದಂತಾಗಿದೆ.
ರಾಜ್ಯವು ಪ್ರತಿ ಬಾರಿ ಮಳೆಯ ಸಮಸ್ಯೆಯಿಂದ ಒದ್ದಾಡುತ್ತಲೇ ಬಂದಿದೆ. ಆರಂಭದಲ್ಲಿ ವಿಳಂಭವಾಗಿ ಮಳೆ ಆರಂಭವಾಗಿ ಕ್ರಮೇಣ ಭರ್ಜರಿಯಾಗಿ ಸುರಿಯುವ ಕ್ರಮವಿತ್ತು. ರಾಜ್ಯದ ವಿವಿಧ ಭಾಗಗಳಿಂದ ನೆರೆ, ಮುಳುಗಡೆಯಂತಹ ಸುದ್ದಿಗಳು ಸರ್ವೇ ಸಾಮಾನ್ಯವೆಂಬಂತೆ ಕೇಳಿಸುತ್ತಿತ್ತು.
ಪ್ರತಿ ಭಾರಿ ಮಳೆ ಬಾರದೆ ಇದ್ದಾಗ ಮೋಡ ಬಿತ್ತನೆ ಮಾತು ಕೇಳಿ ಬರುತ್ತಿದ್ದವು. ಈ ಬಾರಿಯು ಮೋಡನೆ ಬಿತ್ತನೆ ಪ್ರಶ್ನೆ ಬಂದಾಗ ಸ್ಪಷ್ಟವಾಗಿ ಇಲ್ಲ ಎಂದು ಸಚಿವರು ಹೇಳಿಕೆ ನೀಡಿದ್ದಾರೆ.
ಮಳೆ ಸುರಿಯದ್ದಿದಾಗ ನಮ್ಮ ಹಿರಿಯರು ಅವರ ನಂಬಿಕೆಯ ಪರ್ಯಾಯ ಮಾರ್ಗವನ್ನು ಕಂಡು ಕೊಂಡಿದ್ದಾರೆ. ವಿಜ್ಞಾನಕ್ಕೆ ದೂರವಾದ್ದು ನಂಬಿಕೆ ವಿಶ್ವಾಸಕ್ಕೆ ಹತ್ತಿರವಾದದ್ದು. ಕಪ್ಪೆಯ ಮದುವೆ, ಕತ್ತೆಯ ಮದುವೆ, ಗಂಡು ಮಕ್ಕಳ ಮದುವೆ.
ಗದಗದ ರೋಣ ತಾಲೂಕಿನಲ್ಲಿ ಬರಗಾಲದಿಂದ ತತ್ತರಿಸಿರುವ ರೈತರು ಮಳೆಗಾಗಿ ಧಾರ್ಮಿಕ ಕಾರ್ಯಗಳನ್ನು ನೇರೆವೆರಿಸಿದ್ದಾರೆ. ಜೋತೆಗೆ ಸವಡಿ ಗ್ರಾಮದಲ್ಲಿ ರೈತರು ಮತ್ತು ಗ್ರಾಮಸ್ಥರೆಲ್ಲ ಸೇರಿ ಕಾಳಿಕಾದೇವಿ ದೇವಾಸ್ಥಾನದಲ್ಲಿ ಕಪ್ಪೆಗಳಿಗೆ ಮದುವೆ ಮಾಡಿ ಮಳೆಗಾಗಿ ವರುಣ ದೇವರಲ್ಲಿ ಪ್ರಾರ್ಥನೆ ಮಾಡಿಕೊಂಡಿದ್ದಾರೆ.
ಸಾಮಾನ್ಯವಾಗಿ ಮಳೆ ಕಡಿಮೆಯಾದಗ ದೇವಾಸ್ಥಾನಗಳಲ್ಲಿ ಪೂಜೆ, ಹೋಮ ಹವನಗಳನ್ನು ಮಾಡುವುದು ಸಹಜ. ರೈತಾಪಿ ಜನರು ಅನಾದಿಕಾಲದಿಂದಲೂ ನಡೆದುಕೊಂಡು ಬಂದಿರುವ ಪದ್ಧತಿಗೆ ಮೋರೆ ಹೋಗುತ್ತಾರೆ. ಈ ಮೂಲಕ ತಮ್ಮ ಊರ ದೇವರ ಮುಂದೆ ತಮ್ಮ ಕೋರಿಕೆಯನ್ನು ಇಡುತ್ತಾರೆ.
ಇತೀಚಗಷ್ಟೆ ಮಂಡ್ಯದಲ್ಲಿ ಗಂಡು ಮಕ್ಕಳಿಗೆ ಮದುವೆ ಮಾಡಲಾಯಿತ್ತು. ಇಬ್ಬರು ಗಂಡು ಮಕ್ಕಳಲ್ಲಿ ಒಬ್ಬರಿಗೆ ಹೆಣ್ಣಿನಂತೆ ಅಲಂಕಾರ ಮಾಡಿ ರಾತ್ರಿ ಪೂರ್ತಿ ಜಪ, ಹಾಡುಗಳನ್ನು ಹಾಡಿ ಮಳೆಗಾಗಿ ಪ್ರಾರ್ಥಿಸಿದ್ದಾರೆ.
ಅರಳಿ ಮರ ಮತ್ತು ಬೇವಿನ ಮರಕ್ಕೂ ಮದುವೆ ಮಾಡುವ ಸಂಪ್ರಾದಾಯವು ರೂಡಿಯಲ್ಲಿದೆ. ಕತ್ತೆಯ ಮದುವೆಯು ಗ್ರಾಮಸ್ಥರು ಎಲ್ಲರು ಸೇರಿ ಮದುವೆ ಮಾಡಿಸಿ ಮಳೆಗಾಗಿ ಪ್ರಾರ್ಥನೆ ಮಾಡಿ ಊರೆಲ್ಲ ಮೆರವಣಿಗೆ ಮಾಡುತ್ತಾರೆ.
ಬುದ್ದಿಜೀವಿಗಳು ಇದನ್ನು ಮೂಡನಂಬಿಕೆ ಎಂದು ಪ್ರತಿಪಾದಿಸುತ್ತಾರೆ. ಆದರೆ ಜನರ ನಂಬಿಕೆ ಮಾತ್ರ ಅಚಲವಾದದ್ದು. ಹಿರಿಯರು ಎನಾದರೂ ಸಂಪ್ರದಾಯಗಳನ್ನು ಪಾಲಿಸಿಕೊಂಡು ಬಂದಿದ್ದಾರೆ ಎಂದರೆ ಅದರ ಹಿಂದೆ ಎನೋ ಬಲವಾದ ಕಾರಣವಿದೆ ಎಂದರ್ಥ.