ಮನೆಯನ್ನು ಸುಂದರವಾಗಿಸಲು ನಾವು ಸಮಯ ಸಿಕ್ಕಾಗಲ್ಲ ಸ್ವಚ್ಛಗೊಳಿಸುವುದರಲ್ಲಿ ಇರುತ್ತೇವೆ. ನೆಲ, ಗೋಡೆ ಮತ್ತು ಗೃಹೋಪಯೋಗಿ ವಸ್ತುಗಳನ್ನು ನಾವು ಸ್ವಚ್ಛಗೊಳಿಸುತ್ತೇವೆ. ಆದರೆ ಸ್ವಿಚ್ ಬೋರ್ಡ್ ಕಡೆ ಯಾವುದೇ ಗಮನವನ್ನು ಹರಿಸುವುದಿಲ್ಲ. ಇದರಿಂದಾಗಿ ಮನೆಯ ಸೌಂದರ್ಯದಲ್ಲಿ ಕೊರತೆ ಕಾಣುತ್ತದೆ.
ಮನೆಯನ್ನು ಅಚ್ಚುಕಟ್ಟಾಗಿ ಮತ್ತು ಸ್ವಚ್ಛವಾಗಿ ಕಾಣುವಂತೆ ಮಾಡಲು ನಾವು ಸಾಕಷ್ಟು ಕಷ್ಟಪಡುತ್ತೇನೆ. ಅದನ್ನು ಸರಿಯಾಗಿ ಶುಚಿಗೊಳಿಸುವುದರಿಂದ ಹಿಡಿದು ವಿಶೇಷ ರೀತಿಯಲ್ಲಿ ಅಲಂಕರಿಸುವವರೆಗೆ ನಮ್ಮ ಮನೆ ಸುಂದರವಾಗಿ ಕಾಣುವಂತೆ ನೋಡಿಕೊಳ್ಳುತ್ತೇವೆ.
ಸ್ವಿಚ್ ಬೋರ್ಡ್ ಕೂಳಕಾದರು ನಾವು ಅದನ್ನು ನಾವು ಕ್ಲೀನ್ ಮಾಡಲು ಹೋಗುವುದಿಲ್ಲ ಏಕೆಂದರೆ ನಾವು ಅದನ್ನು ನೀರಿನಿಂದ ಒರೆಸಿ ಸ್ವಚ್ಛ ಮಾಡಲು ಸಾಧ್ಯವಿಲ್ಲ. ಆದ್ದರಿಂದ ಅದನ್ನು ಸ್ವಚ್ಛಗೊಳಿಸುವುದಕ್ಕೆ ಹೆದರುತ್ತೇವೆ.
ಆದರೆ ಹಳೆಯ ಮತ್ತು ಕೊಳಕು ಸ್ವಿಚ್ ಬೋರ್ಡ್ ಅನ್ನು ಹೇಗೆ ಸ್ವಚ್ಛಗೊಳಿಸಬಹುದು ಎಂದು ಇಲ್ಲಿ ತಿಳಿಯೋಣ. ಕೊಳಕು ಸ್ವಿಚ್ ಬೋರ್ಡ್ಗಳು ಮನೆಯ ಅಂದವನ್ನು ಕೆಡಿಸುತ್ತವೆ. ಕೆಲವರು ಇದಕ್ಕಾಗಿ ಪ್ರತಿ ವರ್ಷ ಸಂಪೂರ್ಣ ಸ್ವಿಚ್ ಬೋರ್ಡ್ ಬದಲಾಯಿಸುತ್ತಾರೆ. ಆದರೆ ಹಾಗೆ ಮಾಡುವ ಅಗತ್ಯವಿರುವುದಿಲ್ಲ. ಸ್ವಿಚ್ ಬೋರ್ಡ್ಗಳ ಮೇಲಿರುವ ಹಳದಿ ಮತ್ತು ಕಪ್ಪು ಗುರುತುಗಳನ್ನು ಸ್ವಚ್ಛಗೊಳಿಸುವಾಗ ಶಾಕ್ ಆಗಬಹುದೆಂಬ ಭಯವೂ ಇದೆ. ಆದರೆ ಈ ವಸ್ತುಗಳನ್ನ ಬಳಸಿ ಸ್ವಚ್ಛಗೊಳಿಸಿದರೆ, ಅನಾಹುತ ಸಂಭವಿಸುವುದು ಕಡಿಮೆ ಸಾಧ್ಯ.
ಮುಖ್ಯವಾಗಿ ಸ್ವಿಚ್ ಬೋರ್ಡ್ ಅನ್ನು ಸ್ವಚ್ಛಗೊಳಿಸುವ ಮೊದಲು, ಮನೆಯ ಮುಖ್ಯ ವಿದ್ಯುತ್ ಸಂಪರ್ಕವನ್ನು ಆಫ್ ಮಾಡಿಕೊಳ್ಳಬೇಕು. ಇದರಿಂದ ಶಾಕ್ ಭಯವೂ ನಿಮಗೆ ಇರುವುದಿಲ್ಲ. ಸ್ವಿಚ್ಬೋರ್ಡ್ ಅನ್ನು ಸ್ವಚ್ಛಗೊಳಿಸುವಾಗ ನಿಮ್ಮ ಕೈಯಲ್ಲಿ ರಬ್ಬರ್ ಕೈ ಮತ್ತು ನಿಮ್ಮ ಪಾದಗಳಲ್ಲಿ ಡ್ರೈ ಚಪ್ಪಲ್ಗಳನ್ನು ಧರಿಸಲು ಮರೆಯಬೇಡಿ.
ಸ್ವಿಚ್ ಬೋರ್ಡ್ ಸ್ವಚ್ಛ ಮಾಡಲು ಅಡುಗೆ ಸೋಡಾವನ್ನು ಬಳಸಬಹುದು. ಇದಕ್ಕಾಗಿ ಅಡುಗೆ ಸೋಡಾವನ್ನು ಒಂದು ಬೌಲ್ನಲ್ಲಿ ಹಾಕಿ, ಅದಕ್ಕೆ ನಿಂಬೆಹಣ್ಣನ್ನು ಹಿಂಡಿ ಮಿಶ್ರಣ ಮಾಡಿ. ಈಗ ಹಳೆಯ ಟೂತ್ ಬ್ರಷ್ ಸಹಾಯದಿಂದ ಸ್ವಿಚ್ ಬೋರ್ಡ್ ಮೇಲೆ ಮಿಶ್ರಣವನ್ನು ಉಜ್ಜಬೇಕು. ಇದು ಬೋರ್ಡ್ ಅನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸುತ್ತದೆ.
ಸ್ವಿಚ್ ಬೋರ್ಡ್ ಅನ್ನು ಸ್ವಚ್ಛಗೊಳಿಸಲು ಬಿಳಿ ವಿನೆಗರ್ ಬಳಕೆ ತುಂಬಾ ಪರಿಣಾಮಕಾರಿಯಾಗಿದರುತ್ತದೆ. ಇದಕ್ಕಾಗಿ 2 ಚಮಚ ವಿನೆಗರ್ ಮತ್ತು 1 ಚಮಚ ನಿಂಬೆ ರಸವನ್ನು 1 ಕಪ್ ನೀರಿನಲ್ಲಿ ಬೆರೆಸಿ. ಈಗ ಈ ದ್ರಾವಣದಲ್ಲಿ ಹಲ್ಲುಜ್ಜುವ ಬ್ರಷ್ ಅಥವಾ ಬಟ್ಟೆಯನ್ನು ಅದ್ದಿ ಮತ್ತು ಸ್ವಿಚ್ ಬೋರ್ಡ್ ಅನ್ನು ಒರೆಸಿ. ಇದು ನಿಮ್ಮ ಸ್ವಿಚ್ಬೋರ್ಡ್ ಅನ್ನು ತಕ್ಷಣವೇ ಹೊಳೆಯುವಂತೆ ಮಾಡಲು ಸಹಾಯ ಮಾಡುತ್ತದೆ.
ಸ್ವಿಚ್ ಬೋರ್ಡ್ ಅನ್ನು ಸ್ವಚ್ಛಗೊಳಿಸಿದ ತಕ್ಷಣವೇ, ಮನೆಯ ಮೇನ್ ಸ್ವಿಚ್ ಅನ್ನು ಆನ್ ಮಾಡಬೇಡಿ. ಸ್ವಲ್ಪ ಸಮಯ ಕಾಯಿರಿ. ಸ್ವಿಚ್ ಬೋರ್ಡ್ ಕ್ಲೀನ್ ಮಾಡಿದ ನಂತರ 30-40 ನಿಮಿಷಗಳ ನಂತರ ಮಾತ್ರ ಬೋರ್ಡ್ ಅನ್ನು ಆನ್ ಮಾಡಬೇಕು. ಬೋರ್ಡ್ ಸಂಪೂರ್ಣವಾಗಿ ಒಣಗಿದೆಯೆ ಎಂದು ಖಚಿತಪಡಿಸಿಕೊಂಡ ಬಳಿಕವೇ ಆನ್ ಮಾಡಿದರೆ ಯಾವುದೇ ಸಮಸ್ಯೆ ಆಗದ ರೀತಿಯಲ್ಲಿ ಸ್ವಿಚ್ ಬೋರ್ಡ್ ಅನ್ನು ಸ್ವಚ್ಛಗೊಳಿಸಿದ ಹಾಗೆ ಆಗುತ್ತದೆ.