ಶಕ್ತಿ ಯೋಜನೆಯು ಜಾರಿಗೆ ಬಂದಾಗಿನಿಂದ ಮಹಿಳೆಯರ ಕಾಲು ನಿಂತಲ್ಲಿ ನಿಲ್ಲುತ್ತಿಲ್ಲ. ರಾಜ್ಯದ ಧಾರ್ಮಿಕ ಸ್ಥಳಗಳಿಗೆ ಮಹಿಳೆಯರು ತಂಡೋಪತAಡವಾಗಿ ಭೇಟಿ ನೀಡಿ ದೇವರ ದರ್ಶನ ಪಡೆಯುತ್ತಿದ್ದಾರೆ.
ರಾಜ್ಯ ಸರ್ಕಾರದ ಶಕ್ತಿ ಯೋಜನೆಯ ಮೂಲಕ ಸರ್ಕಾರಿ ಬಸ್ಸಿನ ಉಚಿತ ಪ್ರಯಾಣದ ಸಂಪೂರ್ಣ ಲಾಭ ಪಡೆಯುತ್ತಿರುವ ಮಹಿಳೆಯರು ಮೈಸೂರಿನ ಚಾಮುಂಡಿ ಬೆಟ್ಟ, ಮಹತೋಭಾರ ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನ, ಧರ್ಮಸ್ಥಳ ಹೀಗೆ ರಾಜ್ಯದ ಹಲವು ಕ್ಷೇತ್ರಗಳು ತುಂಬಿ ತುಳುಕುತ್ತಿದೆ.
ಸುಬ್ರಮಣ್ಯ ಕ್ಷೇತ್ರಕ್ಕೆ ಬಂದಿದ್ದ ಭಕ್ತರು ಬಸ್ ನಿಲ್ದಾಣದಲ್ಲಿ ವಿಶ್ರಾಂತಿ ಪಡೆಯುತ್ತಿರುವ ದೃಶ್ಯ ಕಂಡು ಬರುತ್ತಿದೆ. ಟೀಕೆಟ್ ಹಣ ದುಬಾರಿ ಕಾರಣದಿಂದ ದೂರದ ಊರಿನಲ್ಲಿರುವ ಸಂಬಂದಿಕರನ್ನು ನೋಡಲಾಗದೆ ಪರದಾಡುತ್ತಿದ್ದ ಮಹಿಳೆಯರು ಸಲೀಸಾಗಿ ಊರಿಗೆ ಹೋಗಿ ಬಂಧು ಮಿತ್ರರನ್ನು ಭೇಟಿ ಮಾಡುತ್ತಿದ್ದಾರೆ.ರಾಜ್ಯದ ಧಾರ್ಮಿಕ ಕೇಂದ್ರ ಅದರಲ್ಲೂ ಧರ್ಮಸ್ಥಳ, ಸುಬ್ರಮಣ್ಯ ಹಾಗೂ ಚಾಮುಂಡಿ ಬೆಟ್ಟಗಳತ್ತ ಅಧಿಕ ಸಂಖ್ಯೆಯಲ್ಲಿ ಮಹಿಳೆಯರು ಕುಟಂಬ ಸಮೇತರಾಗಿ ಧಾವಿಸುತ್ತಿದ್ದಾರೆ.
ವಿಜಯಪುರದಲ್ಲಿಯೂ ಐತಿಹಾಸಿಕ ಸ್ಥಳಕ್ಕೆ ಮಹಿಳಾ ಮಣಿಗಳ ದಂಡು ದೌಡಾಯಿಸಿದೆ. ಗೋಳಗುಮ್ಮಟ ಮತ್ತು ಇಬ್ರಾಹಿಂ ರೋಜಾ ವೀಕ್ಷಣೆಗೆ ಅಧಿಕ ಸಂಖ್ಯೆಯಲ್ಲಿ ಮಹಿಳೆಯರು ತಮ್ಮ ಮಕ್ಕಳೊಂದಿಗೆ ಆಗಮಿಸಿದ್ದಾರೆ. ವೀಕೆಂಡ್ ರಜೆ ದಿನದಂದು ಸಂಜೆ ನಾಲ್ಕು ಗಂಟೆಯ ಹೊತ್ತಿಗೆ 5 ಸಾವಿರದಷ್ಟು ಮಹಿಳೆಯರು ಭೇಟಿ ನೀಡಿದಾಗಿ ವರದಿಯಾಗಿದೆ. ಒಂದೇ ದಿನದಲ್ಲಿ 1.25 ಲಕ್ಷ ರೂ ಇದೇ ಮೊದಲ ಬಾರಿಗೆ ಸಂಗ್ರಹವಾಗಿದೆ. ರಾಜ್ಯದ ವಿವಿಧ ಭಾಗಗಳಿಂದ ಮಹಿಳೆಯರು ವಿಜಯಪುರಕ್ಕೆ ಪ್ರವಾಸ ಕೈಗೊಂಡಿದ್ದಾರೆ.
ಆರಂಭದಲ್ಲಿ ಕೆಲವರು ಟ್ರೋಲ್ ಮಾಡಿ ಯೋಜನೆಯನ್ನು ಟೀಕಿಸಿದನ್ನು ಇಲ್ಲಿ ಸ್ಮರಿಸಬಹುದು. ಟ್ರೋಲ್ ಮಡಿದವರ ವಿಡಿಯೋಗಳಲ್ಲಿ ಮಹಿಳೆಯರು ದೇವಾಸ್ಥಾನ ಹಾಗೂ ದೂರದ ಊರಿಗೆ ಬಂಧುಗಳನ್ನು ನೋಡಲು ಹೋಗುವ ಬಗ್ಗೆ ಪ್ರಸ್ತಾಪಿಸಿಲ್ಲ, ಮಾತ್ತಾನಾಡಲಿಲ್ಲ.
ಮನೆ ಮನೆ ಕೆಲಸ ಮನೆಯ ಜವಬ್ದಾರಿ ಅಥಾವ ದುಬಾರಿ ವೆಚ್ಚದಿಂದ ತಾವು ಬಯಸಿದ ಸ್ಥಳಕ್ಕೆ ಹೋಗಲು ಆಗದವರು ಈ ಶಕ್ತಿ ಯೋಜನೆಯ ಲಾಭವನ್ನು ಸಂಪೂರ್ಣವಾಗಿ ಪಡೆಯುತ್ತಿದ್ದಾರೆ.