ಇಂದಿನ ಮಕ್ಕಳೇ ನಾಳಿನ ಪ್ರಜೆಗಳು ಎನ್ನುವ ಮಾತಿನಂತೆ ಮಕ್ಕಳನ್ನು ದೇಶದ ಆಸ್ತಿಯನ್ನಾಗಿ ಮಾಡುವುದು ಪೋಷಕರ ಕರ್ತವ್ಯವಾಗಿದೆ. ಮಕ್ಕಳು ಜೀವನದಲ್ಲಿ ಯಶಸ್ಸನ್ನು ಕಾಣಬೇಕು ಎಂದರೆ ಅವರಲ್ಲಿ ಆತ್ಮವಿಶ್ವಾಸ ಬೆಳೆಸುವುದು ಅಗತ್ಯ. ಪೋಷಕರಾದ ನಾವೇ ಆ ಕೆಲಸವನ್ನು ಮಾಡುತ್ತಿರಬೇಕು.
ಮಕ್ಕಳಿಗೆ ಆತ್ಮ ವಿಶ್ವಾಸ ಬಹಳ ಮುಖ್ಯ ಅದು ಹೇಗೆ ಅವರ ಮನಸ್ಸಿನಲ್ಲಿ ತುಂಬಿಸುವುದು ಎಂದು ಪೋಷಕರಾದ ನಾವು ಚಿಂತಿಸಬೇಕು. ಮುಖ್ಯವಾಗಿ ಮಕ್ಕಳಿಗೆ ಬೇಕಾಗಿರುವುದು ಸಂಸ್ಕಾರ, ಸಂಸ್ಕೃತಿ, ಕಷ್ಟದ ಬದುಕನ್ನು ಎದುರಿಸುವ ಅರಿವು, ದುಡ್ಡಿನ ಕೊರತೆ, ಶಿಸ್ತು, ಇದರ ಬಗ್ಗೆ ಮಕ್ಕಳಿಗೆ ನಾವು ಅರಿವು ನೀಡಬೇಕು.
ಇದರಲ್ಲಿ ಮುಖ್ಯವಾಗಿ ಮಕ್ಕಳಿಗೆ ಮೊದಲು ನಾವು ಆತ್ಮ ವಿಶ್ವಾಸ ಬೆಳೆಸಿಕೊಳ್ಳವುದನ್ನು ಕಲಿಸಬೇಕಾಗುತದೆ. ಪಾಸಿಟಿವ್ ಮಾತುಗಳನ್ನೇ ಮಕ್ಕಳ ಎದುರು ಮಾತಾಡಬೇಕು. ಎಂದಿಗೂ ನೆಗೆಟಿವ್ ಮಾತುಗಳನ್ನು ಆಡಬಾರದು ಏಕೆಂದರೆ ಅವು ಮಕ್ಕಳ ಮೇಲೆ ಋಣಾತ್ಮಕ ಪರಿಣಾಮವನ್ನು ಬೀರಬಹುದು.
ಮಕ್ಕಳಿಗೆ ಅತೀಯಾಗಿ ಹೆದರಿಸುವುದನ್ನು ಮಾಡಬಾರದು. ಪರೀಕ್ಷಾ ಸಮಯದಲ್ಲಿ ಪದೇ ಪದೇ ಓದು ಎಂದು ಹಿಂಸಿಸುವುದು, ಓದದಿದ್ದರೆ ಫೇಲಾಗುತ್ತಿಯಾ ಎಂದು ಭಯಪಡಿಸುವುದು ಮಾಡಬಾರದು. ಕಾರ್ಯಕ್ರಮ, ಸಭೆ ಸಮಾರಂಭಗಳಲ್ಲಿ ಮಕ್ಕಳನ್ನು ವೇದಿಕೆ ಮೇಲೆ ಕಳುಹಿಸಬೇಕು. ಕತ್ತಲೆಯಲ್ಲಿ ನಡೆದಾಡುವುದನ್ನು ಕಲಿಸಬೇಕು.ಅತಿಯಾದ ನಿರ್ಭಂದಗಳನ್ನು ಮಕ್ಕಳ ಮೇಲೆ ಹೇರಬಾರದು.
ಮಕ್ಕಳನ್ನು ಮುದ್ದು ಮಾಡುವುದಕ್ಕೆ ಮಿತಿ ಇಡಬೇಕು
ಮಕ್ಕಳು ಹೇಳಿದ್ದಕ್ಕೆಲ್ಲಾ ತಲೆ ಅಲ್ಲಾಡಿಸುವುದು ಸರಿಯಲ್ಲ. ಅಂದರೆ ಮಕ್ಕಳು ಕೇಳಿದ್ದನ್ನೆಲ್ಲಾ ಕೊಡಿಸುವುದನ್ನು ಬಿಡಬೇಕು. ಏಕೆಂದರೆ ಭವಿಷ್ಯದಲ್ಲಿ ಅದೇ ಅಭ್ಯಾಸವಾಗಿಬಿಡುತ್ತದೆ. ಪ್ರತಿ ಬಾರಿ ಕೇಳಿದ್ದನ್ನು ಕೊಡಿಸಿ ಒಂದು ಬಾರಿ ಇಲ್ಲವೆಂದರೆ ಡಿಸ್ಟರ್ಬ್ ಆಗುತ್ತಾರೆ. ನಾವು ಬೇಡ ಎನ್ನುವುದು ಅವರಿಗೆ ಗೊತ್ತಿರಬೇಕು ಇದರಿಂದ ಮಕ್ಕಳು ತಾಳ್ಮೆಯನ್ನು ಕಲಿಯುತ್ತಾರೆ. ಇಂತಹ ಎಲ್ಲಾ ಒಳ್ಳೆಯ ಅಭ್ಯಾಸಗಳು ಅವರಿಗೆ ರೂಡಿ ಹಾಗೂ ಹಾಗೆ ನೋಡಿಕೊಳ್ಳುತ್ತಿರಬೇಕು.
ಕೆಲವೊಮ್ಮೆ ಮಕ್ಕಳ ಆಯ್ಕೆಗೂ ಅವಕಾಶ ನೀಡುವುದು ಒಳ್ಳೆಯದು. ಬೆಳಿಗ್ಗೆ ಅಮ್ಮ ಮಾಡಿದ ತಿಂಡಿ ಬಗ್ಗೆ ಮಕ್ಕಳು ಕಿರಿಕಿರಿ ಮಾಡುವುದುಂಟು. ಇದು ಬೇಡ ಅದು ಬೇಕು ಎನ್ನವುದು ಮಕ್ಕಳ ಸಾಮಾನ್ಯ ಸ್ವಭಾವ. ಅವರಿಗೆ ಬೇಕಾದ ತಿಂಡಿಯನ್ನು ಮಾಡಿಕೊಡಬೇಕು ಆಗ ಅವರು ಅದನ್ನು ಇಷ್ಟಪಟ್ಟು ತಿನ್ನುತ್ತಾರೆ.
ಶಾಲೆಯಲ್ಲಿ ಮಕ್ಕಳು ತಮ್ಮ ಸ್ನೇಹಿತರೋಂದಿಗೆ ಜಗಳವಾಡುತ್ತಾರೆ. ಅವರ ಚಿಕ್ಕ ಪುಟ್ಟ ಜಗಳಗಳನ್ನು ಅವರೆ ಬಗೆ ಹರಿಸಿಕೊಳ್ಳಲು ಬಿಟ್ಟುಬಿಡುವುದು ಉತ್ತಮ . ಆಗ ಒಳ್ಳೆಯ ಮಾತುಗಳನ್ನಾಡುವುದು ಉತ್ತಮ. ನಿಮ್ಮ ಸ್ನೇಹವನ್ನು ನೀವೆ ಸರಿ ಮಾಡಿಕೊಳ್ಳಿ ಎಂದು ಬುದ್ದಿಬವಾದದ ಮಾತುಗಳನ್ನು ಹೇಳಿ. ಇದರಿಂದಲೇ ಅವರಿಗೆ ಮುಂದಿನ ದಿನಗಳಲ್ಲಿ ಸ್ನೇಹಿತರು ಹಾಗೂ ಸಂಬಂಧಿಕರೊಂದಿಗೆ ಸಂಬಂಧವನ್ನು ಉಳಿಸಿಕೊಳ್ಳುವುದನ್ನು ಕಲಿಯಲು ಅಭ್ಯಾಸವಾದ ಹಾಗೆ ಆಗುತ್ತದೆ.