ಸಾಮಾಜಿಕ ಜಾಲತಾಣದಿಂದ ಬ್ರೇಕ್ ಪಡೆಯುತ್ತಿದ್ದೇನೆ ಎಂದು ಬಾಲಿವುಡ್ ನಟಿ ಕಾಜೋಲ್ ಶುಕ್ರವಾರ ಘೋಷಿಸಿದ್ದರು. ಜೀವನದಲ್ಲಿ ಕಠಿಣವಾದ ಪರಿಸ್ಥಿತಿಯನ್ನು ಅನುಭವಿಸುತ್ತಿದ್ದೇನೆ ಎಂದು ಕಾಜೋಲ್ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದರು.
ಇನ್ಸ್ಟಾಗ್ರಾಮ್ನಿಂದ ಎಲ್ಲಾ ಪೋಸ್ಟ್ಗಳನ್ನು ಡಿಲೀಟ್ ಮಾಡುವ ಮೂಲಕ ಅಭಿಮಾನಿಗಳಿಗೆ ಆತಂಕವನ್ನು ಮೂಡಿಸಿದ್ದರು. ಆದರೆ ಸಾಮಾಜಿಕ ಜಾಲತಾಣದಿಂದ ದೂರ ಸರಿಯುವ ನಿರ್ಧಾರದ ಹಿಂದಿನ ಕಾರಣವನ್ನು ಅವರು ಬಹಿರಂಗಪಡಿಸಿರಲಿಲ್ಲ. ಇದಕ್ಕೆ ನೆಟ್ಟಿಗರು ಪ್ರಚಾರದ ಗಿಮಿಕ್ ಎಂದು ಅನುಮಾನ ವ್ಯಕ್ತಪಡಿಸಿದ್ದರು. ಈಗ ಅವರ ಊಹೆಗಳು ನಿಜವಾಗಿದೆ.
ನಟಿ ಕಾಜೋಲ್ ತಮ್ಮ ಮುಂಬರಲಿರುವ ವೆಬ್ ಸೀರಿಸ್ ’ದಿ ಟ್ರಯಲ್’ ನ ಪ್ರಚಾರಕ್ಕಾಗಿ ಮಾಡಿದ್ದಾರೆ. ದಿ ಟ್ರಯಲ್ನಲ್ಲಿ ಕಾಜೋಲ್ ಲಾಯರ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು, ಜೂನ್ 12 ರಂದು ಡಿಸ್ನಿ ಪ್ಲಸ್ ಹಾಟ್ಸ್ಟಾರ್ನಲ್ಲಿ ಬಿಡುಗಡೆಯಾಗಲಿದೆ. ಇದರ ಪ್ರಚಾರಕ್ಕಾಗಿ ಕಾಜೋಲ್ ಇನ್ಸ್ಟಾಗ್ರಾಮ್ ಪೋಸ್ಟ್ ಡಿಲೀಟ್ ಮಾಡಿ ಗಮನ ಸೆಳೆದಿದ್ದಾರೆ.
ದಿ ಟ್ರಯಲ್ ವೆಬ್ ಸೀರಿಸ್:
ದಿ ಟ್ರಯಲ್ ವೆಬ್ ಸೀರಿಸ್ ಅಮೆರಿಕನ್ ಕೋರ್ಟ್ರೂಮ್ ವೆಬ್ ಸಿರೀಸ್ನ ರಿಮೇಕ್ ಸೀರಿಸ್ ಆಗಿದ್ದು, ಜೂನ್ 12 ರಂದು ಡಿಸ್ನಿ ಪ್ಲಸ್ ಹಾಟ್ಸ್ಟಾರ್ನಲ್ಲಿ ಬಿಡುಗಡೆಯಾಗಲಿದೆ. ಅಮೆರಿಕನ್ ಕೋರ್ಟ್ರೂಮ್ 2017ರಲ್ಲಿ ಬಿಡುಗಡೆಯಾಗಿ 7 ಸೀಸನ್ಗಳನ್ನು ಹೊಂದಿತ್ತು. ದಿ ಟ್ರಯಲ್ ವೆಬ್ ಸೀರಿಸ್ನಲ್ಲಿ ಕಾಜೋಲ್ ಲಾಯರ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು,ಇದನ್ನು ಸುಪರ್ಣ್ ವರ್ಮಾ ನಿರ್ದೇಶಿಸಿದ್ದಾರೆ. ಈ ವೆಬ್ ಸೀರಿಸ್ನಲ್ಲಿ ಪತಿಯ ಕೇಸ್ನಲ್ಲಿ ಹೋರಾಡುವ ವಕೀಲೆಯ ಪಾತ್ರವನ್ನು ಕಾಜೋಲ್ ಮಾಡಲಿದ್ದಾರೆ.