ಹೆಣ್ಣು ಮಕ್ಕಳ ಪೀರಿಯೆಡ್ ಟೈಮಲ್ಲಿ ದೇಹ ತುಂಬ ಸೂಕ್ಷ್ಮ ಇರುತ್ತೆ. ಆ ಸಮಯದಲ್ಲಿ ಕೆಲವರಿಗೆ ಹೊಟ್ಟೆ ನೋವು ಸುಸ್ತು ಎಲ್ಲ ಇರುತ್ತದೆ. ಆ ಸಮಯಕ್ಕೆ ಆದಷ್ಟು ರೆಸ್ಟ್ ಮಾಡುವುದು ಒಳ್ಳೆಯದು. ಅಂತಹ ಸಮಯದಲ್ಲಿ ತಲೆ ಸ್ನಾನ ಒಳ್ಳೆದಲ್ಲವಂತೆ. ಪೀರಿಯೆಡ್ಸ್ ಟೈಮಲ್ಲಿ ಮೈ ಹೆಚ್ಚು ಬೆಚ್ಚಗಿರುತ್ತೆ. ಬೆವರೋದು ಹೆಚ್ಚು. ತಲೆಯೂ ಬೆವರುತ್ತೆ. ಈ ಬೆವರು, ಮೈ ಬೆಂದ ಹಾಗೆ ಆಗುವುರಿಂದ ಪಾರಾಗಲು ಹೆಚ್ಚಿನವರು ಅದರಲ್ಲೂ ಈ ಕಾಲದ ಹೆಣ್ಮಕ್ಕಳು ಆ ಸಮಯದಲ್ಲಿ ತಲೆಗೂ ಸ್ನಾನ ಮಾಡುತ್ತಾರೆ. ಆದರೆ ಅಧ್ಯಯನಗಳ ಪ್ರಕಾರ ಆ ದಿನಗಳಲ್ಲಿ ತಲೆಗೆ ಸ್ನಾನ ಮಾಡೋದು ಒಳ್ಳೆಯದಲ್ಲವಂತೆ. ಅದರಿಂದ ದೇಹಕ್ಕೆ ಮಾತ್ರವಲ್ಲ, ಮನಸ್ಸಿಗೂ ಒಂದಿಷ್ಟು ದುಷ್ಪರಿಣಾಮ ಉಂಟಾಗುವ ಸಾಧ್ಯತೆ ಇರುತ್ತದೆ ಎಂಬ ನಂಬಿಕೆ ಕೆಲವರಲ್ಲಿ ಇದೆ.
ಪಿರಿಯೆಡ್ಸ್ ಸಮಯದಲ್ಲಿ ಮಹಿಳೆಯರು ತಮ್ಮ ಬಗ್ಗೆ ಹೆಚ್ಚು ಕಾಳಜಿ ವಹಿಸಬೇಕು. ಮುಟ್ಟಿನ ನೈರ್ಮಲ್ಯದ ಜೊತೆಗೆ ತಾವು ಸೇವಿಸುವ ಆಹಾರ ಹಾಗೂ ವ್ಯಾಯಾಮದ ಬಗ್ಗೆಯೂ ಗಮನಹರಿಸಬೇಕು. ಹೀಗೆ ಮಾಡುವುದರಿಂದ ದೇಹದಲ್ಲಿ ಅಡ್ರಿನಾಲಿನ್ ಹಾರ್ಮೋನ್ ಹೆಚ್ಚಾಗಲು ಪ್ರಾರಂಭವಾಗುತ್ತದೆ. ಭಾರೀ ವ್ಯಾಯಾಮಗಳು ಹೊಟ್ಟೆಯ ಮೇಲೆ ಹೆಚ್ಚಿನ ಒತ್ತಡವನ್ನು ಉಂಟುಮಾಡಬಹುದು.
ಪೀರಿಯಡ್ಸ್ ಸಮಯದಲ್ಲಿ ತಲೆ ಸ್ನಾನ ಮಾಡಬಾರದು. ತಲೆಯ ಮೇಲೆ ನೀರನ್ನು ಸುರಿದರೆ, ಅಪನ ವಾಯುವು ಕೆಳಮುಖವಾಗಿ ಹರಿಯಲು ಪ್ರಾರಂಭಿಸುತ್ತದೆ, ಇದು ಹಾನಿಕಾರಕವಾಗಿದೆ ಎಂದು ಹೇಳಲಾಗುತ್ತದೆ. ಇದನ್ನು ಬೇಕಿದ್ದರೆ ನೀವೇ ನೋಡಬಹುದು. ಪೀರಿಯೆಡ್ಸ್ ಟೈಮಲ್ಲಿ ತಲೆ ಸ್ನಾನ ಮಾಡಿದರೆ ರಕ್ತಸ್ರಾವ ಹೆಚ್ಚಾಗೋದು ನಿಮ್ಮ ಗಮನಕ್ಕೆ ಬಂದಿರಬಹುದು. ಸುಸ್ತು, ಸಣ್ಣಗೆ ತಲೆನೋವು ಇತ್ಯಾದಿಗಳು ಕಾಣಿಸಿಕೊಳ್ಳಬಹುದು. ಬಳಲಿಕೆಯೂ ಹೆಚ್ಚಾಗುವ ಸಾಧ್ಯತೆ ಇದೆ. ಆ ಸಮಯದಲ್ಲಿ ತಲೆಸ್ನಾನ ಮಾಡಬಾರದು ಅನ್ನುವುದು ಆಯುರ್ವೇದದ ವಾದವಾಗಿದೆ.
ಆಧುನಿಕ ವೈದ್ಯಕೀಯದ ಪ್ರಕಾರ ಇದು ತಪ್ಪು ಕಲ್ಪನೆ. ಪೀರಿಯೆಡ್ಸ್ ಟೈಮಲ್ಲಿ ತಲೆಸ್ನಾನ ಮಾಡೋದ್ರಿಂದ ಯಾವ ದುಷ್ಪರಿಣಾಮವೂ ಆಗೋದಿಲ್ಲ ಅಂತ ಆಧುನಿಕ ವೈದ್ಯ ವಿಜ್ಞಾನ ಹೇಳುತ್ತದೆ. ಇದರಲ್ಲಿ ಯಾವುದು ಸರಿ, ಯಾವುದು ತಪ್ಪು ಅನ್ನೋದನ್ನು ಸ್ಪೆಸಿಫಿಕ್ ಆಗಿ ಹೇಳೋದು ಕಷ್ಟ. ಆದರೆ ಒಬ್ಬೊಬ್ಬ ಹೆಣ್ಣಿನ ದೇಹವೂ ಒಂದೊಂದು ಥರ ಇರುತ್ತದೆ. ಹೀಗಾಗಿ ನಿಮ್ಮ ದೇಹದ ರೀತಿಗೆ ಯಾವುದು ಸರಿಹೊಂದುವುದೋ ಅದನ್ನು ಆರಿಸಿಕೊಳ್ಳೋದು ಜಾಣತನ. ನಿಮಗೆ ಪೀರಿಯೆಡ್ಸ್ ಟೈಮಲ್ಲಿ ತಲೆಸ್ನಾನ ಮಾಡೋದು ರೂಢಿಯಾಗಿದೆ ಅಂದರೆ ಅದನ್ನು ಮುಂದುವರಿಸಿ. ಯಾಕೋ ತಲೆಸ್ನಾನ ಮಾಡಿದ ಬಳಿಕ ಸುಸ್ತು ಹೆಚ್ಚಾಗುತ್ತೆ. ಸ್ರಾವ ಹೆಚ್ಚಾಗ್ತಿದೆ ಅನಿಸಿದರೆ ಆ ಟೈಮಲ್ಲಿ ತಲೆಸ್ನಾನ ಮಾಡೋದನ್ನು ಅವಾಯ್ಡ್ ಮಾಡಿ. ಇದರಿಂದ ಹೆಚ್ಚಿನ ಪರಿಣಾಮ ಏನೂ ಆಗೋದಿಲ್ಲ. ಸಣ್ಣಪುಟ್ಟ ಪರಿಣಾಮಗಳಷ್ಟೇ ಆಗುತ್ತವೆ ಅಷ್ಟೇ.