1984 ರಲ್ಲಿ ಜೂನ್ 1 ರಿಂದ ಜೂನ್ 8 ರವರೆಗೆ ಅಮೃತಸರದ ಗೋಲ್ಡನ್ ಟೆಂಪಲ್ ಅನ್ನು ಭಯೋತ್ಪಾದಕರಿಂದ ಮುಕ್ತಗೊಳಿಸಲು ಕಾರ್ಯಾಚರಣೆ ಮಾಡಲಾಯಿತ್ತು. ಗುರುದ್ವಾರದೊಳಗಿನ ಹರ್ಮಂದಿರ್ ಸಾಹಿಬ್ನಿಂದ ಸಿಖ್ ಭಯೋತ್ಪಾದಕರನ್ನು ತೆಗೆದುಹಾಕಲು ಆಗಿನ ಪ್ರಧಾನಿ ಇಂದಿರಾ ಗಾಂಧಿ ಆದೇಶಿಸಿದ್ದರು.
ಇದು ದೇಶದ ಇತಿಹಾಸದಲ್ಲಿ ಸೇನೆಯು ನಡೆಸಿದ ಅತಿದೊಡ್ಡ ಮತ್ತು ರಕ್ತಸಿಕ್ತ ದೇಶೀಯ ಕಾರ್ಯಾಚರಣೆಯಾಗಿತ್ತು. ಜರ್ನಲ್ ಸಿಂಗ್ ಭಿಂದ್ರನ್ವಾಲೆ ಮತ್ತು ಅವರ ಬೆಂಬಲಿಗರು ಪಂಜಾಬ್ನ ಗೋಲ್ಡನ್ ಟೆಂಪಲ್ ಆವರಣವನ್ನು ಖಾಲಿಸ್ತಾನ್ ಸ್ವತಂತ್ರ ರಾಷ್ಟ್ರಕ್ಕೆ ಒತ್ತಾಯಿಸಿದರು. ಭಿಂದ್ರನ್ವಾಲೆ ಮತ್ತು ಅವರ ಕೆಲವು ಸಹಚರರನ್ನು ಮಟ್ಟಹಾಕಲು ಸೇನೆಯು ಪ್ರಧಾನಿ ಆದೇಶದ ಮೇರೆಗೆ ಆಪರೇಷನ್ ಬ್ಲೂಸ್ಟಾರ್ ಅನ್ನು ಪ್ರಾರಂಭಿಸಿತು. ಕಾರ್ಯಾಚರಣೆಯಲ್ಲಿ ಮೆಷಿನ್ ಗನ್, ಲೈಟ್ ಗನ್, ರಾಕೆಟ್ ಮತ್ತು ಟ್ಯಾಂಕ್ಗಳನ್ನು ಬಳಕೆ ಮಾಡಲಾಯಿತ್ತು.
ಈ ಕಾರ್ಯಚರಣೆಯಿಂದ ಅತ್ಯಂತ ಪ್ರಸಿದ್ಧ ಸಿಖ್ ಧಾರ್ಮಿಕ ತಾಣವಾದ ಅಕಲ್ ತಖ್ತ್ ಹಾನಿಗೊಳಗಾಯಿತ್ತು. ಸಂಪೂರ್ಣ ಕಾರ್ಯಾಚರಣೆಯಲ್ಲಿ 492 ಜನರು ಮತ್ತು 83 ಸೈನಿಕರು ಸಾವನ್ನಪ್ಪಿದರು. ಗೋಲ್ಡನ್ ಟೆಂಪಲ್ ಮೇಲೆ ಭಾರೀ ಗುಂಡಿನ ದಾಳಿ ಮತ್ತು ಹಲವಾರು ದಿನಗಳ ಹೋರಾಟದ ನಂತರ, ಸೈನ್ಯವು ಅಂತಿಮವಾಗಿ ಭಿಂದ್ರನ್ವಾಲೆಯನ್ನು ಕೊಲ್ಲುವಲ್ಲಿ ಯಶಸ್ವಿಯಾಯಿತು. ಜೂನ್ 7 ರಂದು ಭಾರತೀಯ ಸೇನೆಯು ಗೋಲ್ಡನ್ ಟೆಂಪಲ್ ಅನ್ನು ವಶಪಡಿಸಿಕೊಂಡಿತ್ತು.
ಸೇನಾ ಕಾರ್ಯಾಚರಣೆಯ ಸಂದರ್ಭದಲ್ಲಿ ಶ್ರೀ ಹರ್ಮಂದಿರ್ ಸಾಹಿಬ್ನಲ್ಲಿ ಗುರು ಗ್ರಂಥ ಸಾಹಿಬ್ನ ಪವಿತ್ರ ಚಿತ್ರಕ್ಕೆ ಗುಂಡುತಗಲಿತ್ತು. ಸಿಖ್ಖರ ಧಾರ್ಮಿಕ ಮನೋಭಾವಕ್ಕು ದಕ್ಕೆಯಾಯಿತ್ತು.
ಈ ಕಾರ್ಯಚರಣೆಯು ಸಿಖ್ಖರಲ್ಲಿ ತೀವ್ರ ಅಸಮಾಧಾನವನ್ನು ಉಂಟುಮಾಡಿತು. ಪ್ರಧಾನಿ ಇಂದಿರಾ ಗಾಂಧಿ ವಿರುದ್ಧ ಸಿಖ್ಖರಲ್ಲಿ ಆಕ್ರೋಶದ ಅಲೆ ಎದ್ದಿತ್ತು. ಈ ಹಿನ್ನೆಲೆಯಲ್ಲಿ, ಪ್ರಧಾನಿಯವರ ಇಬ್ಬರು ಸಿಖ್ ಭದ್ರತಾ ಸಿಬ್ಬಂದಿಗಳು ನಾಲ್ಕು ತಿಂಗಳ ಅಂತರದಲ್ಲಿ ಅಕ್ಟೋಬರ್ 31, 1984 ರಂದು, ಪ್ರಧಾನಿ ಇಂದಿರಾ ಗಾಂಧಿಯವರನ್ನು ಹತ್ಯೆಮಾಡಲಾಯಿತ್ತ್ತು.
ಆಪರೇಷನ್ ಬ್ಲೂ ಸ್ಟಾರ್ 38 ವರ್ಷಗಳನ್ನು ಪೂರೈಸಿದ ಸಂದರ್ಭ 2022 ರಲ್ಲಿ ಈ ಸಂಸ್ಮರಣಾ ದಿನದಂದು ಅಮೃತಸರದ ಗೋಲ್ಡನ್ ಟೆಂಪಲ್ ಕಾಂಪ್ಲೆಕ್ಸ್ ನಲ್ಲಿರುವ ಶಿರೋಮಣಿ ಗುರುದ್ವಾರ ಪರ್ಬಂಧಕ್ ಸಮಿತಿ (ಎಸ್ಜಿಪಿಸಿ) ಆಪರೇಷನ್ ಬ್ಲೂಸ್ಟಾರ್ ಸಮಯದಲ್ಲಿ ಹಾನಿಗೊಳಗಾದ ಗುರು ಗ್ರಂಥ ಸಾಹಿಬ್ ನ ಪ್ರತಿಯನ್ನು ವೀಕ್ಷಣೆಗಾಗಿ ಇರಿಸಿತ್ತು. ಗುಂಡು ಬಿದ್ದ ಸಿಖ್ ಪವಿತ್ರ ಗ್ರಂಥ ಇದೇ ಮೊದಲ ಬಾರಿಗೆ ಪ್ರದರ್ಶನಕ್ಕೆ ಇರಿಸಲಾಗಿತ್ತು.
ಮತ್ತೆ ತಾಜಾವಾದ ನೆನಪು
ಕೆನಡಾದ ಬ್ರಾಂಪ್ಟನ್ ನಲ್ಲಿ ನಡೆದ ಮೆರವಣಿಗೆಯಲ್ಲಿ ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಅವರ ಹತ್ಯೆಯ ಸ್ತಬ್ಧಚಿತ್ರವನ್ನು ಪ್ರದರ್ಶಿಸಲಾಯಿತು. ಆಪರೇಶನ್ ಬ್ಲೂಸ್ಟಾರ್ ನ 39 ನೇ ವರ್ಷಚರಣೆ ಸಂದರ್ಭದಲ್ಲಿ, ಸಿಖ್ ಅಂಗರಕ್ಷಕರಿAದ ಮಾಜಿ ಪ್ರಧಾನಿ ಗಾಂಧಿಯವರ ಹತ್ಯೆಯನ್ನು ಬಿಂಬಿಸುವ ಟ್ಯಾಬ್ಲೋವನ್ನು ಪ್ರದರ್ಶಿಸಲಾಯಿತ್ತು. ಕೆನಡಾದ ಬ್ರಾಂಪ್ಟನ್ ನಗರದಲ್ಲಿ ನಡೆದ 5 ಕಿ.ಮೀ ಉದ್ದದ ಮೆರವಣಿಗೆಯಲ್ಲಿ ಇಂದಿರಾ ಗಾಂಧಿ ಅವರ ಹತ್ಯೆಯನ್ನು ಚಿತ್ರಿಸುವ ಪ್ರತಿಕೃತಿಯನ್ನು ಇರಿಸಲಾಗಿತ್ತು.
ಈ ಘಟನೆಯನ್ನು ಗಂಭೀರವಾಗಿ ಪರಿಗಣಿಸಿ ಕೆನಡಾದ ಅಧಿಕಾರಿಗಳೊಂದಿಗೆ ಮಾತನಾಡುವಂತೆ ವಿದೇಶಾಂಗ ಸಚಿವ ಎಸ್ ಜೈಶಂಕರ್ ಅವರನ್ನು ಕಾಂಗ್ರೆಸ್ ಒತ್ತಾಯಿಸಿದೆ.
ತಮ್ಮ ದೇಶದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಭಾರತದ ಮಾಜಿ ಪ್ರಧಾನಿಯ ಹತ್ಯೆಯನ್ನು ಆಚರಿಸಿದ ವರದಿಗಳನ್ನು ನೋಡಿ ಗಾಬರಿಗೊಂಡಿದ್ದೇನೆ ಎಂದು ಭಾರತದಲ್ಲಿನ ಕೆನಡಾದ ಹೈಕಮಿಷನರ್ ಕ್ಯಾಮರೂನ್ ಮ್ಯಾಕೆ ಹೇಳಿದ್ದಾರೆ.
“ಕೆನಡಾದಲ್ಲಿ ದ್ವೇಷ ಅಥವಾ ಹಿಂಸಾಚಾರವನ್ನು ವೈಭವೀಕರಿಸಲು ಅವಕಾಶವಿಲ್ಲ. ಅಂತಹ ಚಟುವಟಿಕೆಗಳನ್ನು ನಾನು ಖಂಡಿಸುತ್ತೇನೆ” ಎಂದು ಮ್ಯಾಕೆ ಟ್ವೀಟ್ ಮಾಡಿದ್ದಾರೆ.
ಕಾಂಗ್ರೆಸ್ ಮುಖಂಡ ಮತ್ತು ಮಾಜಿ ಕೇಂದ್ರ ಸಚಿವ ಮಿಲಿಂದ್ ದಿಯೋರಾ ಅವರು ಇತ್ತೀಚೆಗೆ ಬ್ರಾಂಪ್ಟನ್ನಲ್ಲಿ ನಡೆದ ಮೆರವಣಿಗೆಯಲ್ಲಿ ಇಂದಿರಾ ಗಾಂಧಿ ಅವರ ಹತ್ಯೆಯನ್ನು ಚಿತ್ರಿಸುವ ವೀಡಿಯೊವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊ0ಡಿದ್ದರು.
“ಕೆನಡಾದ ಬ್ರಾಂಪ್ಟನ್ ನಗರದಲ್ಲಿ ನಡೆದ 5 ಕಿ.ಮೀ ಉದ್ದದ ಮೆರವಣಿಗೆಯಲ್ಲಿ ಇಂದಿರಾ ಗಾಂಧಿ ಅವರ ಹತ್ಯೆಯನ್ನು ಚಿತ್ರಿಸುವ ಪ್ರತಿಕೃತಿಯನ್ನು ನೋಡಿ ಭಾರತೀಯನಾಗಿ ನಾನು ದಿಗ್ಭ್ರಮೆಗೊಂಡಿದ್ದೇನೆ” ಎಂದು ದಿಯೋರಾ ಟ್ವೀಟ್ ಮಾಡಿದ್ದರು.
ಜೈರಾಮ್ ರಮೇಶ್ ಅವರು ದಿಯೋರಾ ಅವರ ಟ್ವೀಟ್ ಅನ್ನು ವಿದೇಶಾಂಗ ಸಚಿವರಿಗೆ ಟ್ಯಾಗ್ ಮಾಡಿ, ಎಸ್ ಜೈಶಂಕರ್ ಇದನ್ನು ಕೆನಡಾದ ಅಧಿಕಾರಿಗಳೊಂದಿಗೆ ಗಂಭೀರವಾಗಿ ಪರಿಗಣಿಸುವಂತೆ ಒತ್ತಾಯಿಸಿದರು.