ಪುರುಷರಲ್ಲಿ ಹೆಚ್ಚಿನವರು ತ್ವಚೆಯ ಆರೈಕೆ ಮಾಡಿಕೊಳ್ಳುವುದಿಲ್ಲ. ಸಾಬೂನಿನಿಂದ ಮುಖ ತೊಳೆಯುವುದು ಮತ್ತು ಶೇವಿಂಗ್ ಮಾಡುವುದಕ್ಕೆ ಅಷ್ಟೇ ಗಮನಹರಿಸುತ್ತಾರೆ. ಇದರ ಹೊರತಾಗಿಯೂ ಸ್ವ ಆರೈಕೆಯು ಮುಖ್ಯವಾಗಿ ಬೇಕಾಗುತ್ತದೆ.
ತ್ವಚೆಯ ಆರೈಕೆಗೆ ಅಗತ್ಯವಾಗಿ ಬೇಕಾದ ಸನ್ಸ್ಕ್ರೀನ್ಗಳು, ಟೋನರ್ ಗಳನ್ನು ಹಚ್ಚುವ ಮೂಲಕ ತ್ವಚೆಯ ಆರೋಗ್ಯವನ್ನು ಕಾಪಾಡಿಕೊಳ್ಳುತ್ತಿರಬೇಕು. ಅದರಲ್ಲೂ ಬೇಸಿಗೆಯಲ್ಲಿ ಸೂರ್ಯನ ನೇರಳಾತೀತ ಕಿರಣಗಳಿಂದ ಚರ್ಮವನ್ನು ರಕ್ಷಿಸುವುದು ಮುಖ್ಯವಾಗಿದೆ. ಬೇಸಿಗೆಯಲ್ಲಿ ಪುರುಷರು ಅನುಸರಿಸಬೇಕಾದ ಪರಿಣಾಮಕಾರಿ ತ್ವಚೆಯ ಆರೈಕೆಯ ಕೆಲವು ಸಲಹೆಗಳು ಇಲ್ಲಿವೆ.
ಕ್ಲೆನ್ಸರ್: ವಿಶೇಷವಾಗಿ ಬೇಸಿಗೆಯಲ್ಲಿ ಚರ್ಮಕ್ಕೆ ಶುದ್ಧೀಕರಣ ಅಗತ್ಯವಾಗಿ ಬೇಕಾಗಿದೆ. ಕ್ಲೆನ್ಸರ್ ತ್ವಚೆಯ ಕಲ್ಮಶ ಮತ್ತು ಎಣ್ಣೆಯನ್ನು ತೆಗೆದುಹಾಕುತ್ತದೆ. ಬೇಸಿಗೆಯಲ್ಲಿ ಚರ್ಮದಲ್ಲಿ ಕಾಣಿಸಿಕೊಳ್ಳುವ ಎಣ್ಣೆಯುಕ್ತ ಚರ್ಮಕ್ಕಾಗಿ ವಿಶೇಷವಾಗಿ ರೂಪಿಸಲಾದ ಕ್ಲೆನ್ಸರ್ ಬಳಸುವುದು ಉತ್ತಮ. ಇದಲ್ಲದೆ ತುಳಸಿ ಮತ್ತು ಬೇವಿನಂತಹ ಪದಾರ್ಥಗಳನ್ನು ಹೊಂದಿರುವ ಫೇಸ್ವಾಶ್ ಬಳಸಿ ಮುಖವನ್ನು ಸ್ವಚ್ಛಗೊಳಿಸಿಕೊಂಡರೆ ಉತ್ತಮ.
ಫೇಶಿಯಲ್ ಸ್ಕ್ರಬ್: ಇದನ್ನು ವಾರಕ್ಕೆ ಎರಡು ಬಾರಿ ಬಳಸಬಹುದು. ಇದು ಸತ್ತ ಚರ್ಮದ ಕೋಶಗಳನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ ಮತ್ತು ಮುಖದ ಕಪ್ಪು ಕಲೆಗಳನ್ನು ಕಡಿಮೆಗೊಳಿಸುತ್ತದೆ. ಫೇಶಿಯಲ್ ಸ್ಕ್ರಬ್ ನ್ನು ಮುಖಕ್ಕೆ ಹಚ್ಚಿಕೊಂಡು ವೃತ್ತಾಕಾರದ ಚಲನೆಯೊಂದಿಗೆ ಚರ್ಮದ ಮೇಲೆ ನಿಧಾನವಾಗಿ ಉಜ್ಜಿಕೊಳ್ಳಿ, ನಂತರ ಶುದ್ಧ ನೀರಿನಿಂದ ಚೆನ್ನಾಗಿ ಮುಖ ತೊಳೆದುಕೊಳ್ಳಿ. ಮೊಡವೆಗಳ ಮೇಲೆ ಸ್ಕ್ರಬ್ ಗಳನ್ನು ತಾಗದ ಹಾಗೆ ಉಪಯೋಗಿಸಿಕೊಳ್ಳಿ
ಸನ್ಸ್ಕ್ರೀನ್ ಲೋಷನ್: ಹೆಚ್ಚಿನ ಪುರುಷರು ಸಾಮಾನ್ಯವಾಗಿ ತಮ್ಮ ಕೆಲಸದ ಸಮಯವನ್ನು ಬಿಸಿಲಿನಲ್ಲಿ ಕಳೆಯುತ್ತಾರೆ. ಹಾಗಾಗಿ ಸೂರ್ಯನ ನೇರಳಾತೀತ ಕಿರಣಗಳಿಂದ ಚರ್ಮವನ್ನು ರಕ್ಷಿಸಿಕೊಳ್ಳುವುದು ಕಷ್ಟವಾಗಿರುತ್ತದೆ. ಹಾಗಾಗಿ ಮನೆಯಿಂದ ಹೋರಗೆ ಹೋಗುವ 20ನಿಮಿಷಗಳ ಮೊದಲು ಸನ್ಸ್ಕ್ರೀನ್ ಲೋಷನ್ ಅನ್ವಯಿಸುವ ಮೂಲಕ ಚರ್ಮವನ್ನು ಸೂರ್ಯನ ನೇರಳಾತೀತ ಕಿರಣಗಳಿಂದ ರಕ್ಷಿಸಿ.
ಟೋನರ್: ಬಿಸಿ ವಾತಾವರಣದಲ್ಲಿ ಚರ್ಮವನ್ನು ರಿಫ್ರೆಶ್ ಮಾಡಲು ಉತ್ತಮ ಸ್ಕಿನ್ ಟೋನರ್ ಅತ್ಯಗತ್ಯ. ಇದರ ಬಳಕೆ ಮಾಡುವುದು ಉತ್ತಮ.
ನೀರಿನ ಸೇವನೆ: ದೇಹವನ್ನು ಶುದ್ಧೀಕರಿಸಲು ಮತ್ತು ತ್ವಚೆಯನ್ನು ಆರೋಗ್ಯಕರವಾಗಿಡಲು ಸಾಕಷ್ಟು ಪ್ರಮಾಣದಲ್ಲಿ ನೀರನ್ನು ಸೇವಿಸುವ ಅಗತ್ಯವಿದೆ. ಇದಲ್ಲದೆ ಒಂದು ಗ್ಲಾಸ್ ನೀರಿಗೆ ನಿಂಬೆ ಹಣ್ಣಿನ ರಸವನ್ನು ಹಿಂಡಿ ಬೆಳಗ್ಗೆ ಸೇವಿಸಬಹುದು. ಇದು ಚರ್ಮ ಸ್ಪಷ್ಟ ಮತ್ತು ತಾಜಾವಾಗಿ ಕಾಣುವಂತೆ ಮಾಡುತ್ತದೆ. ಈ ರೀತಿ ಮಾಡಿದರೆ ಗಂಡಸರ ತ್ವಚೆಯ ಸುಂದರವಾಗಿ ಕಾಣುತ್ತದೆ.
ಸ್ವಯಂ ಆರೈಕೆ: ಸ್ವಯಂ ಆರೈಕೆ ಮಾಡುವುದರಿಂದ ತ್ವಚೆಯನ್ನು ಅಂದಗೊಳಿಸಬಹುದು, ಅಲ್ಲದೆ, ಆರೋಗ್ಯಕರವಾಗಿಡಲು ಸಹಾಯಕ. ಆದ್ದರಿಂದ ಪ್ರತಿಯೊಬ್ಬರೂ ದಿನಂಪ್ರತಿ ತಮ್ಮ ತ್ವಚೆಯ ಸ್ವ ಆರೈಕೆಯನ್ನು ಮಾಡುವುದು ಮುಖ್ಯವಾಗಿ ಮಾಡಿ ಕೊಳ್ಳಬೇಕು.