ತೂಕ ಇಳಿಸಿಕೊಳ್ಳಲು ಜನರು ಏನೆಲ್ಲಾ ಚಟುವಟಿಕೆಗಳನ್ನು ಮಾಡುತ್ತಿರುತ್ತಾರೆ ಆದರೆ ಅದರಲ್ಲಿ ಈಜು ಒಂದು ಉತ್ತಮ ಏರೋಬಿಕ್ ವ್ಯಾಯಾಮ ಮಾತ್ರವಲ್ಲದೇ ನಮ್ಮ ದೈಹಿಕ ಸಾಮರ್ಥ್ಯ ಮತ್ತು ಹೃದಯರಕ್ತನಾಳದ ಆರೋಗ್ಯಕ್ಕೆ ಉತ್ತಮ ಪ್ರಯೋಜನಗಳನ್ನು ನೀಡುತ್ತದೆ. ಫಿಟ್ ಆಗಿರಲು ಜಿಮ್ಗೆ ಹೋಗಬೇಕು ಎಂದಿಲ್ಲ. ಈಜು, ಸೈಕ್ಲಿಂಗ್, ನೃತ್ಯ ಹೀಗೆ ಅನೇಕ ಚಟುವಟಿಕೆಗಳನ್ನು ಕೂಡ ಮಾಡಬಹುದು. ಇದು ಮನರಂಜನಾ ಚಟುವಟಿಕೆ ಮಾತ್ರವಲ್ಲದೇ, ನಮ್ಮ ಮಾನಸಿಕ ಆರೋಗ್ಯಕ್ಕೂ ಉತ್ತಮವಾಗಿದೆ.
ಈಜುವುದರ ಪ್ರಯೋಜನಗಳು: ಈಜು ಪೂರ್ಣ ದೇಹದ ತಾಲೀಮು ಇದ್ದಂತೆ. ಈಜುವುದನ್ನು ಸಂಪೂರ್ಣವಾಗಿ ಕಲಿತ ನಂತರ ಮಾತ್ರ ಅಭ್ಯಾಸ ಮಾಡಬಹುದು. ಈಜುವಾಗ, ನಿಮ್ಮ ದೇಹದ ಎಲ್ಲಾ ಭಾಗಗಳು ಕೆಲಸ ಮಾಡುತ್ತಿರುತ್ತವೆ. ತಲೆಯಿಂದ ಪಾದದವರೆಗೂ ತೋಳುಗಳು ಮತ್ತು ಭುಜಗಳು ಕಾರ್ಯನಿರ್ವಹಿಸುತ್ತದೆ. ಇದು ದೇಹಕ್ಕೆ ಹೆಚ್ಚಿನ ವ್ಯಾಯಾಮವನ್ನು ಒದಗಿಸುತ್ತದೆ ಎಂದು ಹೇಳಬಹುದು.
ಈಜಲು ಅಗತ್ಯವಿರುವ ಉಪಕರಣಗಳು ಬೇರೆ ಎಕ್ಸರ್ಸೈಜ್ ಗಿಂತಲೂ ಕಡಿಮೆ ವೆಚ್ಚದಲ್ಲಿ ಸಿಗುತ್ತದೆ. ಈಜುವುದರಿಂದ ನಮ್ಮ ದೇಹಕ್ಕೆ ಸಿಗುವ ಮುಖ್ಯ ಪ್ರಯೋಜನವೆಂದರೆ, ಇದು ಅತ್ಯುತ್ತಮವಾದ ಕಾರ್ಡಿಯೋ ವ್ಯಾಯಾಮ. ಯಾವುದೇ ವಯಸ್ಸಿನವವರು ಕೂಡ ಸ್ವಿಮಿಂಗ್ ಕಲಿಯಬಹುದು. ಆದರೆ ಇದಕ್ಕೆ ಬೇಕಾಗಿರುವುದು ಸರಿಯಾದ ತರಬೇತಿ. ನೀರಿನಲ್ಲಿ ಈಜುವುದರಿಂದ ಅತ್ಯುತ್ತಮ ಪ್ರತಿರೋಧವನ್ನು ಒದಗಿಸುತ್ತದೆ. ನರವೈಜ್ಞಾನಿಕ ಸಮಸ್ಯೆಗಳಿರುವ ಜನರು ಸಹ ಈಜು ತರಬೇತಿಯಿಂದ ಪ್ರಯೋಜನ ಪಡೆದುಕೊಳ್ಳಬಹುದು.
ಈಜು ತರಬೇತಿಯಲ್ಲಿನ ನ್ಯೂನತೆಗಳು: ಈಜು ಅದರ ನ್ಯೂನತೆಗಳಿಲ್ಲದೆ ಇಲ್ಲ. ಕೆಲವರಿಗೆ ಅತಿಯಾಗಿ ಈಜುವುದರಿಂದ ಭುಜ ಅಥವಾ ಮೊಣಕಾಲು/ಕೈಗೆ ಗಾಯಗಳಾಗುತ್ತವೆ. ಕೆಲವೊಮ್ಮೆ ಈಜುಕೊಳಗಳನ್ನು ಸ್ವಚ್ಛಗೊಳಿಸಲು ರಾಸಾಯನಿಕಗಳನ್ನು ಬಳಸಲಾಗುತ್ತದೆ. ಇದು ನಿಮಗೆ ಶುಷ್ಕ ಚರ್ಮ, ಶೀತ, ಕೆಂಪು ಕಣ್ಣುಗಳು ಇತ್ಯಾದಿಗಳನ್ನು ಉಂಟುಮಾಡಬಹುದು. ಹೀಗೆ ಈಜು ಮಾಡುವಾಗಲೂ ಕೂಡ ಕೇರ್ ಪುಲ್ ಆಗಿ ಮಾಡಿದರೆ ಅದರಿಂದ ಉತ್ತಮ ಪ್ರತಿಫಲ ಸಿಗುತ್ತದೆ.
ಆದ್ದರಿಂದ ನೀವು ತೂಕ ಇಳಿಸಿಕೊಳ್ಳಲು ನಿರ್ಧರಿಸಿದರೆ ಈಜು ನಿಮಗೆ ಸರಿಯಾದ ಆಯ್ಕೆಯಾಗಿದೆ. ಮತ್ತು ಇದರಿಂದ ನೀವು ಮನರಂಜನೆಯನ್ನು ಕೂಡ ಪಡೆದುಕೊಳ್ಳಬಹುದು.