ಪ್ರವೀಣ್ ನೆಟ್ಟರ್ ಪತ್ನಿ ನೂತನ ಕುಮಾರಿ ಕೆಲಸದಿಂದ ವಜಾ ಆಗಿದ್ದರು. ಇದಕ್ಕೆ ತೀವ್ರ ವಿರೋಧ ವ್ಯಕ್ತವಾದ ಬೆನ್ನಲೇ ಸರ್ಕಾರ ತನ್ನ ಆದೇಶವನ್ನು ಹಿಂಪಡೆದಿದೆ.
ಈ ಸಂಗತಿ ಈಗ ಪ್ರಮುಖ ಸುದ್ದಿಯಾಗಿ ಮಹತ್ವ ಪಡೆದಿದೆ. ಗುತ್ತಿಗೆ ಆಧಾರದ ಕೆಲಸ ಯಾವತ್ತು ಖಾಯಂ ಅಲ್ಲ ಯಾವಾಗ ಬೇಕಾದರೂ ಕಳೆದು ಕೋಳ್ಳಬಹುದು. ಈ ಗುತ್ತಿಗೆ ಆಧಾರದ ಕೆಲಸ ಕಳೆದುಕೊಂಡವರಲ್ಲಿ ನೂತನ ಕುಮಾರಿ ಮೊದಲಿಗರು ಅಲ್ಲ.
ಈ ಹಿಂದೆನೂ ಟೆಂಡರ್ ಪ್ರಕ್ರಿಯೆ ಹೊಸದಾಗಿ ಆರಂಭವಾದಾಗ ಸಾಕಷ್ಟು ಮಂದಿ ಕೆಲಸ ಕಳೆದುಕೊಂಡಿದ್ದಾರೆ. ಗುತ್ತಿಗೆ ಪಡೆದಿರುವ ಗುತ್ತಿಗೆದಾರರು ಹೊಸ ಟೆಂಡರ್ ಪಡೆದು ಹೊಸ ನೇಮಕಾತಿ ಮಾಡುವುದು ಆಯಾ ಗುತ್ತಿಗೆದಾರರ ಕೈಯಲ್ಲಿರುತ್ತದೆ.
ಇತ್ತ ನೊಂದ ಮಹಿಳೆಯ ಅಸಾಯಕ ಪರಿಸ್ಥಿಯನ್ನು ಕೆಲವರು ತಮ್ಮ ಸ್ವಾರ್ಥಕ್ಕಾಗಿ ರಾಜಕೀಯ ದಾಳವಾಗಿ ಬಳಸಿಕೊಳ್ಳುತ್ತಿರುವುದು ನಿಜಕ್ಕೂ ಬೇಸರದ ಸಂಗತಿಯಾಗಿದೆ. ಇದಕ್ಕೆಲ್ಲ ನೇರವಾಗಿ ಸರ್ಕಾರವೇ ಹೊಣೆ ಎಂಬಂತೆ ಮಾತುಗಳು ಚರ್ಚೆಗಳು ನಡೆದಿವೆ.
ಈ ಕುರಿತು ಟ್ವೀಟ್ ಮಾಡಿರುವ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹೊಸ ಸರ್ಕಾರ ಬಂದ ನಂತರ ಹಿಂದಿನ ಸರ್ಕಾರ ನೇಮಕ ಮಾಡಿಕೊಂಡಿದ್ದ ತಾತ್ಕಾಲಿಕ ನೌಕರರನ್ನು ಸರ್ಕಾರಿ ಸೇವೆಯಿಂದ ವಜಾ ಮಾಡುವುದು ಒಂದು ಸಹಜ ಪ್ರಕ್ರಿಯೆ. ಪ್ರವೀಣ್ ನೆಟ್ಟಾರು ಅವರ ಪತ್ನಿ ಮಾತ್ರವಲ್ಲ ಸುಮಾರು ೧೫೦ಕ್ಕೂ ಹೆಚ್ಚು ಗುತ್ತಿಗೆ ನೌಕರರನ್ನು ಈಗಾಗಲೇ ಸೇವೆಯಿಂದ ವಜಾ ಮಾಡಲಾಗಿದೆ. ಇದರಲ್ಲಿ ಸರ್ಕಾರದ ಯಾವುದೇ ಹಸ್ತಕ್ಷೇಪವಿಲ್ಲ ಎಂದರು. ಇನ್ನು ಇದನ್ನು ವಿಶೇಷ ಪ್ರಕರಣವೆಂದು ಪರಿಗಣಿಸಿ ಮಾನವೀಯತೆ ಆಧಾರದಲ್ಲಿ ನೂತನ ಕುಮಾರಿ ಅವರ ಮರು ನೇಮಕ ಮಾಡಲಾಗುವುದು ಎಂದು ತಿಳಿಸಿ ಪ್ರಕರಣವನ್ನು ಶಾಂತಗೊಳಿಸಿದರು.
ಗುತ್ತಿಗೆ ಪಡೆದಿರುವ ಏಜನ್ಸಿಗಳು ಸರಿಯಾದ ಸಮಯಕ್ಕೆ ವೇತನ ಪಾವತಿಸದಿರುವಂತಹ ಸಂಗತಿಗಳು ನಡೆಯುತ್ತವೆ. ಸಂಬಳ ಕೇಳಿದಕ್ಕೆ ಒಂದಿಷ್ಟು ಮಂದಿಯನ್ನು ಮನೆಗೆ ಕಳಿಸಿರುವ ಸಂಗತಿಗಳು ಸಾಕಷ್ಟು ನಡೆದಿದೆ. ಆದರೆ ಇದು ಯಾವುದು ಬೆಳಕಿಗೆ ಬಂದಿಲ್ಲ.
ನಿಜ ಸಂಗತಿಗಳನ್ನು ತಿಳಿಯದೆ ಅಥವಾ ತಿಳಿಸದೆ ಸಾರ್ವಜನಿಕ ವಲಯದಲ್ಲಿ ಗೊಂದಲವನ್ನು ಸೃಷ್ಟಿಸುವುದರಿಂದ ಎಷ್ಟು ಸರಿ?