ಚುನಾವಣೆ ರಿಸಲ್ಟ್ ಬೆನ್ನಲ್ಲೆ ಪೋಲೀಸರ ದೌರ್ಜನ್ಯದ ವಿಷಯ ರಾಜ್ಯದಲ್ಲೇ ಬಿಸಿ ಬಿಸಿ ಚರ್ಚೆಗೆ ಅವಕಾಶ ನೀಡಿದೆ. ಕರ್ನಾಟಕ ವಿಧಾನ ಸಭಾ ಚುನಾವಣೆಯಲ್ಲಿ ಸೋಲು ಕಂಡ ಬಿಜೆಪಿ, ಇದರಿಂದ ನೊಂದ ಕಾರ್ಯಕರ್ತರು ತಮ್ಮ ಅಸಾಮಾಧಾನ ಮತ್ತು ಆಕ್ರೋಶವನ್ನು ವಿವಿಧ ರೀತಿಯಲ್ಲಿ ವ್ಯಕ್ತ ಪಡಿಸಿದ್ದರು.
ಕೆಲವರು ಬಿಜೆಪಿ ರಾಜ್ಯಾಧ್ಯಕ್ಷ ನಳೀನ್ ಕುಮಾರ್ ಕಟೀಲುರವರ ಭಾಷಣದ ತುಣುಕನ್ನು ಗೇಲಿ ಮಾಡುವರೀತಿಯಲ್ಲಿ ಹಿನ್ನಲೆ ಸಂಗೀತ, ಫಿಲ್ಮಿ ಡೈಲಾಗ್ ಗಳನ್ನು ಸನ್ನಿವೇಶಕ್ಕೆ ತಕ್ಕಂತೆ ಬಳಸಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿಯ ಬಿಟ್ಟಿದ್ದರು. ಇನ್ನು ಕೆಲವರು ಅನುಭವಿ ನಾಯಕರನ್ನು ಕೈ ಬಿಟ್ಟದ್ದೇ ಇದಕ್ಕೆ ಕಾರಣ ಎಂದು ಮತ್ತನಾಡಲಾರಂಬಿಸಿದ್ದರು. ಹೀಗೆ ಒಂದಲ್ಲ ಒಂದು ರೀತಿಯಲ್ಲಿ ಕಾರ್ಯಕರ್ತರು ತಮ್ಮ ಅಸಾಮಾಧಾನವನ್ನು ವ್ಯಕ್ತ ಪಡಿಸಿದ್ದರು.
ಆದರೆ ಪೂತ್ತೂರಿನ ಬಿಜೆಪಿ ಕಾರ್ಯಕರ್ತರು ಕೊಂಚ ಹೆಚ್ಚು ಅನ್ನುವ ರೀತಿಯಲ್ಲಿ ನಳೀನ್ ಕುಮಾರ್ ಕಟೀಲು ಮತ್ತು ಡಿ ವಿ ಸದಾನಂದ ಗೌಡರ ಬಾವ ಚಿತ್ರ ಇರುವ ಬ್ಯಾನರ್ ಒಂದನ್ನು, ಚಪ್ಪಲಿ ಮಾಲೆ ಹಾಕಿ ‘ಭಾವಪೂರ್ಣ ಶ್ರದ್ಧಾಂಜಲಿ’ ಎಂದು ಬರೆದು ಪುತ್ತೂರಿನ ಬಸ್ ಸ್ಟಾಂಡ್ ಹತ್ತಿರ ಹಾಕಿದ್ದರು.ಈ ಪ್ರಕರಣಕ್ಕೆ ಸಂಬAಧಿಸಿ ಪೊಲೀಸರು ಕಾರ್ಯಕರ್ತರನ್ನು ಬಂಧಿಸಿದ್ದರು.
ಈ ಕಾರ್ಯಕರ್ತರನ್ನು ಪೊಲೀಸ್ ಸಿಬ್ಬಂದಿಗಳು ಮನಬಂದAತೆ ಥಳಿಸಿದ್ದು ಈಗ ಎಲ್ಲರಿಗೂ ತಿಳಿದಿರುವ ವಿಚಾರ. ಆರೋಪಿಗಳ ಬೆನ್ನು , ಸೊಂಟದ ಹಿಂಭಾಗಕ್ಕೆ ಬಾಸುಂಡೆ ಬರುವ ರೀತಿ ಪೊಲೀಸರು ಥಳಿಸಿದ್ದಾರೆ. ಹೊಡೆತ ಬಿದ್ದ ಜಾಗದಲ್ಲಿ ರಕ್ತ ಹೆಪ್ಪುಕಟ್ಟಿದಂತಾಗಿದೆ.
ಪಕ್ಷೇತರ ಅಭ್ಯರ್ಥಿ ಅರುಣ್ ಕುಮಾರ್ ಪುತ್ತಿಲರವರು ಕಾರ್ಯಕರ್ತರನ್ನು ಬಿಡಿಸಿಕೊಂಡು ಬಂದಿರುತ್ತಾರೆ. ಇತ್ತ ನೋವಿನಲ್ಲಿಯು ಕಾರ್ಯಕರ್ತರು ಅರುಣ್ ಅಣ್ಣ ಬಂದಿಲ್ಲದಿದ್ದರೆ ಲಾಕಪ್ ಡೆತ್ ಆಗುತ್ತಿತ್ತು ಎಂದು ಹೇಳಿದರು. ಕಾರ್ಯಕರ್ತರ ಹೇಳಿಕೆ ಮತ್ತು ಇವರ ಗಾಯಗಳ ಪೋಟೋಗಳು ಸಾಮಾಜಿಕ ಜಾಲಾತಾಣದಲ್ಲಿ ವೈರಲ್ ಆಗುತ್ತಿದ್ದಂತೆ ವಿಷಯವು ಗಂಭೀರ ಸ್ವರೂಪ ಪಡೆಯಿತ್ತು.
ಬಿಜೆಪಿ ನಾಯಕರುಗಳು ಧೌಡಯಿಸಿಕೊಂಡು ಯೋಗಕ್ಷೇಮ ವಿಚಾರಿಸಲು ಆಸ್ಪತ್ರೆಗೆ ಬಂದಿದ್ದಾಯಿತ್ತು. ಇದು ಕಾಂಗ್ರೆಸ್ ಮಾಡಿದ ಕಿತಾಪತಿ ಎಂದು ಡಾ.ಕಲ್ಲಡ್ಕ ಪ್ರಭಾಕರ ಭಟ್ ಹೇಳಿಕೆ ನೀಡಿದ್ದರು. ಇನ್ನು ಕೆಲವು ನಾಯಕರು ಪೊಲೀಸರ ದೌರ್ಜನ್ಯವನ್ನು ಖಂಡಿಸಿದ್ದಾರೆ.
ಇಷ್ಟೆಲ್ಲ ನಡೆಯಬೇಕಾದರೆ ಇದರ ಹಿಂದೆ ಇರುವ ಪ್ರಭಾವಿ ವ್ಯಕ್ತಿ ಯಾರು ಎಂಬ ಪ್ರಶ್ನೆ ಕಾಡದೆ ಬಿಡುವುದಿಲ್ಲ. ಆದರೆ ಇದಕ್ಕೆ ಉತ್ತರ ಏಟು ತಿಂದಿರುವ ಕಾರ್ಯಕರ್ತರು ಮತ್ತು ಹೊಡೆತ ನೀಡಿರುವ ಪೊಲೀಸ್ ಸಿಬ್ಬಂದಿಯೇ ಉತ್ತರಿಸಬೇಕು. ಈ ಪ್ರಕರಣಕ್ಕೆ ಸಂಬAದಿಸಿದ0ತೆ ನಳೀನ್ ಕುಮಾರ್ ಕಟೀಲು ಮತ್ತು ಡಿ ವಿ ಸದಾನಂದ ಗೌಡ ಯಾವ ಪ್ರತಿಕ್ರಿಯೆ ನೀಡದಿರುವುದು ವಿಪರ್ಯಸ.
ಪೊಲೀಸರ ದೌರ್ಜನ್ಯದ ಸಂಗತಿಗಳು ಜನಸಾಮಾನ್ಯರ ನಂಬಿಕೆ ವಿಶ್ವಾಸವನ್ನು ಬುಡದಿಂದಲೇ ಅಲುಗಾಡಿಸುವಂತಿದೆ. ಪ್ರಭಾವಿ ರಾಜಕೀಯ ಪಕ್ಷದ ಕಾರ್ಯಕರ್ತರ ಸ್ಥಿತಿ ಹೀಗಾದರೆ ಜನಸಾಮಾನ್ಯರ ಕತೆ ಹೇಗಾಗಬೇಕು.