ಪ್ರೀತಿಯ ಓದುಗರೇ,
ಮೇ.10 ಬುಧವಾರ, ಕರ್ನಾಟಕ ವಿಧಾನಸಭಾ ಚುನಾವಣೆ ನಡೆಯಲಿದೆ. ಇದೇ ಮೊದಲ ಬಾರಿಗೆ ರಾಜ್ಯದ ಜನತೆ ಬಹುಮತದ ಸರ್ಕಾರವನ್ನು ಬಯಸುತ್ತಿದ್ದಾರೆ. ನೀವು ನಿಮ್ಮ ಅಮೂಲ್ಯವಾದ ಮತ ನೀಡುವ ಮೂಲಕ ಮಾತ್ರ ಇದು ಸಾಧ್ಯ! ನೆನಪಿಡಿ ಪ್ರತಿ ಮತವೂ ಮುಖ್ಯವಾಗುತ್ತದೆ.
ನಿಮ್ಮ ಬೆಂಬಲ ಯಾವುದೇ ಪಕ್ಷಕ್ಕೆ ಇರಲಿ, ಆದರೆ ನೀವು ಮತ ಹಾಕುವ ಅಭ್ಯರ್ಥಿ ಜನರ ಕಷ್ಟಗಳಿಗೆ ಸ್ಪಂದಿಸುತ್ತಾರಾ, ಕ್ರಿಯಾತ್ಮಕ ಯೋಜನರಗಳನ್ನು ನಿಮ್ಮ ಕ್ಷೇತ್ರಕ್ಕೆ ಕೊಡುಗೆಯಾಗಿ ನೀಡಬಲ್ಲರಾ ಎಂಬುದನ್ನು ತಪ್ಪದೇ ಪರಿಶೀಲಿಸಿ.
ಎಲ್ಲಾ ರಾಜಕೀಯ ಪಕ್ಷಗಳು ತಮ್ಮ ತಮ್ಮ ಪ್ರಣಾಳಿಕೆಗಳ ಮೂಲಕ ಜನರನ್ನು ತಮ್ಮತ್ತ ಸೆಳೆಯಲು ಪ್ರಯತ್ನಿಸುತ್ತಿವೆ. ಆದರೆ ಜವಾಬ್ದಾರಿಯುತ ನಾಗರೀಕರಾದ ನಾವು ರಾಜಕೀಯ ಪಕ್ಷಗಳು ನೀಡುತ್ತಿರುವ ಯೋಜನೆಗಳ ವಾಸ್ತವಿಕತೆ, ಒಳನೋಟಗಳನ್ನು ಚರ್ಚಿಸಿ ಪರಿಶೀಲಿಸಬೇಕು.
ವೆರಿಟೊ ಟುಡೇ, ನಾವು ನಿಮಗಾಗಿ ವಿಶೇಷವಾದ ರಾಜಕೀಯ ವಿಶ್ಲೇಷಣೆ ನೀಡಲು ಪ್ರಯತ್ನಿಸಿದ್ದೇವೆ. ಇದರಲ್ಲಿ ಪ್ರತಿಯೊಂದು ರಾಜಕೀಯ ಪಕ್ಷದ ಪ್ರಣಾಳಿಕೆಗಳನ್ನು ಪರಿಚಯಿಸುವತ್ತ ಗಮನವಿರಿಸಿದ್ದೇವೆ. ಇದು ನಿಮಗೆ ಸಹಾಯವಾಗುತ್ತದೆ ಎಂದು ನಂಬಿದ್ದೇವೆ.
ತರ್ಕಬದ್ಧತೆ, ಅಂತಃಪ್ರಜ್ಞೆ, ಸಂಬಂಧಗಳು, ಒಪ್ಪಂದ, ಸಲಹೆ, ನಕಾರಾತ್ಮಕ ಚಿಂತನೆ, ನಷ್ಟ, ಅಪಾಯ ಮತ್ತು ಪ್ರತಿಫಲ. ಈ 8 ಪ್ರಮುಖ ಅಂಶಗಳ ಮೂಲಕ ಮಾತ್ರವೇ ನಮ್ಮ ನಿರ್ಧಾರ ಏನೆಂಬುದನ್ನು ತಿಳಿಸುತ್ತವೆ ಎಂದು ಕೌಶಲ್ಯ ತರಬೇತುದಾರರು ಹೇಳುತ್ತಾರೆ. ಇದೇ ಅಂಶಗಳು ನಾವು ನಮ್ಮ ಮತ ಚಲಾಯಿಸುವ ಮುನ್ನ ಯೋಚಿಸಬೇಕಿದೆ.
ಇಡೀ ರಾಜಕೀರ ಪ್ರಚಾರ, ಕ್ಯಾಂಪೇನ್ ಗಳಲ್ಲಿ ಎಲ್ಲೂ ಹವಾಮಾನ ವೈಪರೀತ್ಯದ ಕುರಿತು ಚರ್ಚೆಯೇ ಮಾಡಿಲ್ಲ. ನಾವು ನಮ್ಮ ಮುಂದಿನ ಭವಿಷ್ಯದ ಬಗ್ಗೆ ಯೋಚನೇ ಮಾಡಿಲ್ಲ. ನಮ್ಮ ಪ್ರತಿನಿಧಿಗಳು ಇಂತಹ ವೈಪರಿತ್ಯಗಳನ್ನು ಹೇಗೆ ನಿಭಾಯಿಸಬಲ್ಲರು? ಒಮ್ಮ ಇದರ ಬಗ್ಗೆ ನಿಮ್ಮನೇ ನೀವು ಪ್ರಶ್ನಿಸಿಕೊಳ್ಳಿ, ನಿಮ್ಮ ಕುಟುಂಬಸ್ಥರು, ಸ್ನೇಹಿತರು, ತಜ್ಞರು ಸಾಧ್ಯವಾದರೇ ಅಭ್ಯರ್ಥಿಗಳ ಜೊತೆಯೇ ಚರ್ಚಿಸಿ!
ನಿಮ್ಮ ಹಕ್ಕನ್ನು ಚಲಾಯಿಸಿ, ಮತದಾನ ನಿಮ್ಮ ಮೂಲಭೂತ ಹಕ್ಕೆಂದು ಪರಿಗಣಿಸಿ ಇದರಿಂದ ನಿಮ್ಮ ಪ್ರತಿನಿಧಿಗಳನ್ನು ಪ್ರಶ್ನಿಸುವ ಹಕ್ಕು ಪ್ರತಿಯೊಬ್ಬರಿಗೂ ಇರಲಿದೆ.
ಮೇ.10ರಂದು ಮತದಾನ ಮಾಡಿ, ನಮ್ಮ ವೆರಿಟೊ ರೀಡರ್ಸ್ ಕ್ಲಬ್ ಕೊಲಾಜ್ ಗಾಗಿ ಸೆಲ್ಫಿ ಕ್ಲಿಕ್ಕಿಸಿ ಸಂಜೆ 5 ಗಂಟೆಯೊಳಗೆ ಬಮ್ಮ ವಾಟ್ಸ್ ಆಪ್ ಗೆ ಕಳುಹಿಸೋದನ್ನು ಮರೆಯಬೇಡಿ.