ಗಾಜಿಯಾಬಾದ್: ಅಕ್ಟೋಬರ್ 20 ರಂದು, ಉತ್ತರ ಪ್ರದೇಶದ ಗಾಜಿಯಾಬಾದ್ನಲ್ಲಿರುವ ABES ಕಾಲೇಜ್ ಆಫ್ ಇಂಜಿನಿಯರಿಂಗ್ನ ವಿದ್ಯಾರ್ಥಿಯೊಬ್ಬ ಕಾಲೇಜು ಸಾಂಸ್ಕೃತಿಕ ಉತ್ಸವ ಮತ್ತು ನೂತನ ವಿದ್ಯಾರ್ಥಿಗಳ ಸ್ವಾಗತ ಕಾರ್ಯಕ್ರಮದಲ್ಲಿ ಜೈ ಶ್ರೀರಾಮ್ ಘೋಷಣೆ ಕೂಗಿದ್ದಕ್ಕೆ ವೇದಿಕೆಯಿಂದಲೇ ಹೊರಕಳಿಸಲ್ಪಟ್ಟ ಘಟನೆ ನಡೆದಿದೆ. ಈ ವೀಡಿಯೋ ಕ್ಲಿಪ್ ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗಿದ್ದು ಪ್ರಾಧ್ಯಾಪರಕ ನಡೆಗೆ ಆಕ್ಷೇಪ ವ್ಯಕ್ತವಾಗಿದೆ.
ಮಮತಾ ಗೌತಮ್ ಎಂದು ಗುರುತಿಸಲ್ಪಟ್ಟ ಪ್ರಾಧ್ಯಾಪಕರು, ಸಭಿಕರನ್ನು ಸೌಜನ್ಯದಿಂದ “ಜೈ ಶ್ರೀ ರಾಮ್” ಎಂದು ಸ್ವಾಗತಿಸಿದ್ದಕ್ಕಾಗಿ ವಿದ್ಯಾರ್ಥಿಯನ್ನು ಗದರಿಸಿದ್ದಲ್ಲದೆ ಛೀಮಾರಿ ಹಾಕಿ ವೇದಿಕೆಯಿಂದಲೇ ಹೊರಗೆ ಕಳುಹಿಸಿದ್ದರು.
ಪ್ರೊಫೆಸರ್ ಮಮತಾ ಗೌತಮ್ ಅವರು ವಿದ್ಯಾರ್ಥಿಗೆ ಗದರಿಸುತ್ತಿರುವ ವಿಡಿಯೋ ಅಂತರ್ಜಾಲದಲ್ಲಿ ವೈರಲ್ ಆದ ನಂತರ ಈ ಘಟನೆ ಮುನ್ನೆಲೆಗೆ ಬಂದಿದೆ. “ನೀನು ಜೈ ಶ್ರೀ ರಾಮ್ ಘೋಷಣೆಯನ್ನು ಏಕೆ ಹೇಳುತಿದ್ದೀಯ ? ಇದಕ್ಕಾಗಿ ಕಾಲೇಜಿಗೆ ಬರುತ್ತೀರಾ? ಇದೊಂದು ಸಾಂಸ್ಕೃತಿಕ ಕಾರ್ಯಕ್ರಮ. ಇದನ್ನು ಅನುಮತಿಸಲಾಗುವುದಿಲ್ಲ. ಔಟ್. ತೊಲಗು. ಎಂದಿದ್ದಾರೆ ಏತನ್ಮಧ್ಯೆ, ಪ್ರೇಕ್ಷಕರಿಂದ ಬಂದ ‘ಜೈ ಶ್ರೀ ರಾಮ್’ ಕರೆಗಳಿಗೆ ತಾನು ಪ್ರತಿಕ್ರಿಯಿಸುತ್ತಿದ್ದೇನೆ ಎಂದು ವಿದ್ಯಾರ್ಥಿ ಹೇಳಿದ್ದಾನೆ.
ವೇದಿಕೆಯ ಕೆಳಭಾಗದಲ್ಲಿರುವ ಹಲವಾರು ವಿದ್ಯಾರ್ಥಿಗಳು ವ್ಯಕ್ತಿಯನ್ನು “ಜೈ ಶ್ರೀ ರಾಮ್” ಎಂದು ಸ್ವಾಗತಿಸುತ್ತಿರುವುದನ್ನು ವೀಡಿಯೊ ಸ್ಪಷ್ಟವಾಗಿ ತೋರಿಸಿದೆ , ಅದಕ್ಕೆ ವೇದಿಕೆಯಲ್ಲಿದ್ದ ವ್ಯಕ್ತಿ ಅದೇ ವಾಕ್ಯದೊಂದಿಗೆ ಪ್ರತಿಕ್ರಿಯಿಸಿದ್ದಾನೆ. ಇದಾದ ನಂತರ, ಇಡೀ ಕಾಲೇಜು ಕ್ರೀಡಾಂಗಣವು ‘ಜೈ ಶ್ರೀ ರಾಮ್’ ಎಂದು ಹರ್ಷೋದ್ಗಾರ ಮಾಡಿತು, ಇದು ಮಮತಾ ಗೌತಮ್ ಅವರನ್ನು ಕೆರಳಿಸಿದ್ದು ವಿದ್ಯಾರ್ಥಿಯನ್ನು ವೇದಿಕೆಯಿಂದ ಹೊರಹಾಕಿದರು. ವೈರಲ್ ವೀಡಿಯೋ ಪ್ರಕಾರ, ಈ ಘಟನೆಯು ‘ನವತರಂಗ್ 2023-24’ ಹೆಸರಿನ ಕಾಲೇಜು ಸಾಂಸ್ಕೃತಿಕ ಉತ್ಸವದ ಸಮಯದಲ್ಲಿ ಸಂಭವಿಸಿದೆ. ಗಾಜಿಯಾಬಾದ್ನ ಎಬಿಇಎಸ್ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ಬಿಟೆಕ್ ಪ್ರಥಮ ವರ್ಷದ ವಿದ್ಯಾರ್ಥಿಗಳ ಸ್ವಾಗತಕ್ಕಾಗಿ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು.
ಈ ವಿಡಿಯೋಗಳು ಆನ್ಲೈನ್ನಲ್ಲಿ ಆಕ್ರೋಶಕ್ಕೆ ಕಾರಣವಾಗಿದ್ದು, ‘ಜೈ ಶ್ರೀ ರಾಮ್’ ಶುಭಾಶಯದೊಂದಿಗೆ ಪ್ರೇಕ್ಷಕರಿಗೆ ಪ್ರತಿಕ್ರಿಯಿಸಿದ ವಿದ್ಯಾರ್ಥಿಯನ್ನು ಅನಗತ್ಯವಾಗಿ ನಿಂದಿಸಿದ ಶಿಕ್ಷಕರಿಗೆ ಶಿಕ್ಷೆ ವಿಧಿಸುವಂತೆ ನೆಟ್ಟಿಗರು ಕರೆ ನೀಡಿದ್ದಾರೆ. ಇದಕ್ಕೆ ತನಿಖೆಯ ಅಗತ್ಯವಿದೆ. ಎಂದು ನೆಟ್ಟಿರೊಬ್ಬರು ಹೇಳಿದರು. ಏತನ್ಮಧ್ಯೆ, ಇನ್ನೊಬ್ಬರು ಈ ಘಟನೆಯು ಜನರು ಜಾತ್ಯತೀತತೆಯ ವೇಷದಲ್ಲಿ ಅನೇಕ ವರ್ಷಗಳಿಂದ ಅಡಗಿಕೊಂಡಿದ್ದನ್ನು ಬಹಿರಂಗಪಡಿಸಿದೆ ಎಂದು ಹೇಳಿದರು. ಈ ವಿಷಯದ ಕುರಿತು ಪ್ರತಿಕ್ರಿಯಿಸಿದ ಕಾಲೇಜು ಆಡಳಿತ ಮಂಡಳಿ ಇದರ ಬಗ್ಗೆ ತನಗೆ ತಿಳಿಯದು ಎಂದು ಹೇಳಿದೆ.
ವೀಡಿಯೋ ವೈರಲ್ ಆದ ನಂತರ ಗಾಜಿಯಾಬಾದ್ ಪೊಲೀಸರು ಘಟನೆಯ ಬಗ್ಗೆ ಪ್ರಾಥಮಿಕ ತನಿಖೆಯನ್ನು ಪ್ರಾರಂಭಿಸಿದ್ದಾರೆ. ಸಾಮಾಜಿಕ ತಾಣಗಳಲ್ಲಿ ಪ್ರತಿಕ್ರಿಯಿಸಿರುವ ನೆಟ್ಟಿಗರು ‘ಜೈ ಶ್ರೀ ರಾಮ್’ ಎಂಬ ಘೋಷಣೆಯನ್ನು ‘ಯುದ್ಧದ ಕೂಗು’ ಎಂದು ತಪ್ಪಾಗಿ ಬಿಂಬಿಸಲಾಗುತ್ತಿದೆ , ‘ಜೈ ಶ್ರೀ ರಾಮ್’ ಎಂಬ ದೈವಿಕ ಪಠಣವನ್ನು ಹಲವಾರು ‘ಜಾತ್ಯತೀತರು’ ಮತ್ತು ‘ಉದಾರವಾದಿಗಳು’ ಪದೇ ಪದೇ ‘ಯುದ್ಧದ ಕೂಗು’ ಎಂದು ತಪ್ಪಾಗಿ ಚಿತ್ರಿಸಿ ಜನರ ದಾರಿ ತಪ್ಪಿಸುತಿದ್ದಾರೆ ಎಂದು ಆರೋಪಿಸಿದ್ದಾರೆ. ಮತ್ತೊಬ್ಬ ನೆಟ್ಟಿಗರು ‘ಉದಾರವಾದಿಗಳು’ ಮತ್ತು ‘ಜಾತ್ಯತೀತರು’ ಹಿಂದೂಗಳನ್ನು ದೂಷಿಸಲು ಮತ್ತು ಅವರನ್ನು ದ್ವೇಷಪೂರಿತವಾಗಿ ಚಿತ್ರಿಸಲು ಜೈ ಶ್ರೀರಾಮ್ ಘೊಷಣೆ ಬಳಕೆ ಮಾಡಿಕೊಳ್ಳುತಿದ್ದಾರೆ. ಹಿಂದೂ ಗಳು ಒಬ್ಬರಿಗೊಬ್ಬರು ಎದುರಾದಾಗ ಜೈ ಶ್ರೀರಾಮ್ ಹೇಳುವುದು ಸಹಜ ವಾಡಿಕೆ ಆಗಿದ್ದು ತಪ್ಪೇನಿದೆ ಎಂದು ಪ್ರಶ್ನಿಸಿದ್ದಾರೆ.
ಮತ್ತೊಬ್ಬ ನೆಟ್ಟಿಗರು ಸಿಏಏ ಎನ್ಆರ್ಸಿ ಪ್ರತಿಭಟನೆಯ ಅನೇಕ ಸಂದರ್ಭಗಳಲ್ಲಿ ಇತರ ಧರ್ಮದ ಘೋಷಣೆಗಳನ್ನು ಕೂಗಿದಾಗ ಇವರೆಲ್ಲ ಎಲ್ಲಿ ಅಡಗಿ ಕೂತಿದ್ದರು ಎಂದು ಪ್ರಶ್ನಿಸಿದ್ದಾರೆ.