ಚಿಕ್ಕಮಗಳೂರು ; ತನ್ನ ಅಂಗಡಿಗೆ ಬರುವ ಮಹಿಳೆಯರ ಜೊತೆ ಅಸಭ್ಯವಾಗಿ ವರ್ತಿಸುತ್ತಿದ್ದ ಅಂಗಡಿಯ ಮಾಲೀಕನೊಬ್ಬನಿಗೆ ಸಾರ್ವಜನಿಕರು ಸಾರ್ವಜನಿಕರು ಹಿಗ್ಗಾಮುಗ್ಗಾ ಥಳಿಸಿರುವ ಘಟನೆ ಚಿಕ್ಕಮಗಳೂರು ಜಿಲ್ಲೆಯಲ್ಲಿ ನಡೆದಿದೆ.
ಜಿಲ್ಲೆಯ ತರೀಕೆರೆ ಪಟ್ಟಣದ ಮಹಮ್ಮದ್ ಅಮೀರ್ ಎಂಬಾತನೇ ಸಾರ್ವಜನಿಕರಿಂದ ಏಟು ತಿಂದ ಆರೋಪಿ ಆಗಿದ್ದು ಈತನು ಅನೇಕ ವರ್ಷಗಳಿಂದ ತರೀಕೆರೆಯ ಎಂಜಿ ರಸ್ತೆಯಲ್ಲಿ ಚಿನ್ನದಂಗಡಿ ನಡೆಸುತ್ತಿದ್ದ. ಆದರೆ ಕಾಮುಕನಾಗಿದ್ದ ಅಮೀರ್, ತನ್ನ ಅಂಗಡಿ ಬರುವ ಮಹಿಳೆಯರ ಜೊತೆ ಅನುಚಿತವಾಗಿ ವರ್ತಿಸುತಿದ್ದ. ಈತನ ಅಸಭ್ಯ ವರ್ತನೆ , ಲೈಂಗಿಕ ಕಿರುಕುಳಕ್ಕೆ ತುತ್ತಾದ ಮಹಿಳೆಯರು ಬೈದ್ಯುಕೊಂಡು ಹೋಗಿದ್ದು ಯಾರೂ ಪೋಲೀಸರಿಗೆ ದೂರು ನೀಡಿರಲಿಲ್ಲ ಎಂದು ನೆರೆ ಹೊರೆಯ ಅಂಗಡಿಯವರು ತಿಳಿಸಿದರು.
ಆದರೆ ಶನಿವಾರ ಈತನ ಗ್ರಹಚಾರ ಕೆಟ್ಟಿತ್ತು. ತಾಯಿಯೊಬ್ಬಳು ತನ್ನ ಅಪ್ರಾಪ್ತ ವಯಸ್ಸಿನ ಮಗಳ ಜೊತೆ ಚಿನ್ನ ಖರೀದಿಗೆ ಬಂದಿದ್ದಳು. ತಾಯಿಯು ಚಿನ್ನದ ಸರಗಳನ್ನು ಪರಿಶೀಲಿಸುತಿದ್ದಾಗ ಅಂಗಡಿ ಮಾಲೀಕ ಮಹಮ್ಮದ್ ಅಮೀರ್, ಬಾಲಕಿಯ ಮೈ ಕೈ ಮುಟ್ಟಿ ಅಸಭ್ಯವಾಗಿ ವರ್ತಿಸಿದ್ದಾನೆ. ಬಾಲಕಿಯು ಈ ಘಟನೆಯನ್ನು ಕೂಡಲೇ ತಾಯಿಯ ಗಮನಕ್ಕೆ ತಂದಿದ್ದಾಳೆ. ಈ ಕಾಮುಕ ಕೃತ್ಯ ತಿಳಿಯುತಿದ್ದಂತೆಯೇ ತಾಯಿ ಭದ್ರಕಾಳಿ ಆಗಿದ್ದು ಕಾಲ ಚಪ್ಪಲಿ ಬಿಚ್ಚಿ ಚೆನ್ನಾಗಿ ಥಳಿಸಿದ್ದಾಳೆ. ಕೂಡಲೇ ತನ್ನನ್ನು ಕ್ಷಮಿಸುವಂತೆ ತಾಯಿಯ ಮತ್ತು ಬಾಲಕಿಯ ಕಾಲಿಗೆ ಬಿದ್ದಿದ್ದಾನೆ. ಅಷ್ಟರಲ್ಲಿ ಸಾರ್ವಜನಿಕರೂ ಸೇರಿದ್ದಾರೆ. ಕಾಮುಕನಿಗೆ ಹಿಗ್ಗಾ ಮುಗ್ಗಾ ಧರ್ಮದೇಟು ನೀಡಿದ್ದು ಪೋಲೀಸರಿಗೆ ಒಪ್ಪಿಸಿದ್ದಾರೆ. ನಾಲ್ಕು ದಿನದ ಹಿಂದೆ ನಡೆದ ಘಟನೆಯ ವಿಡಿಯೋ ಕ್ಲಿಪ್ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ತರೀಕೆರೆ ಪೊಲೀಸ್ ಠಾಣೆಯಲ್ಲಿ ಅಮೀರ್ ವಿರುದ್ಧ ಪ್ರಕರಣ ದಾಖಲಾಗಿದ್ದು ಪೋಲೀಸರು ತನಿಖೆ ನಡೆಸುತಿದ್ದಾರೆ.
. ಈ ಬಗ್ಗೆ ಪೊಲೀಸ್ ಕೇಸ್ ಪೋಸ್ಕೋ ದಾಖಲಾಗಿದ್ದು ಕಾಮುಕನನ್ನು ಚಿಕ್ಕಮಗಳೂರು ಜೈಲಿಗೆ ಕಳುಹಿಸಿರುವುದಾಗಿ ತಿಳಿದು ಬಂದಿದೆ.