ಜೆರುಸಲೇಮ್: ಕಳೆದ ಶನಿವಾರದಿಂದ ನಡೆಯುತ್ತಿರುವ ಇಸ್ರೇಲ್-ಹಮಾಸ್ ಸಂಘರ್ಷದ ನಡುವೆ, ಹಮಾಸ್ ಭಯೋತ್ಪಾದಕ ಗುಂಪಿನ ಕಮಾಂಡರ್ ಮಹಮೂದ್ ಅಲ್-ಜಹರ್ ನೀಡಿರುವ ಬೆದರಿಕೆ ಒಡ್ಡುವ ಹೇಳಿಕೆಯ ವೀಡಿಯೋ ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗಿದೆ. ಈ ನಡುವೆ ಹಮಾಸ್ ಉಗ್ರರು 40 ಇಸ್ರೆಲ್ ಮಕ್ಕಳ ಶಿರಚ್ಚೇದನ ಮಾಡಿ ಹತ್ಯೆ ಮಾಡಿರುವುದು, ಇಸ್ರೇಲಿ ನಾಗರಿಕರನ್ನು ಬೆತ್ತಲುಗೊಳಿಸಿ ಅಮಾನುಷ ಹತ್ಯೆ ಮಾಡಿರುವುದು, ಅವರ ಮೃತ ದೇಹಗಳ ಮೇಲೆ ಮೂತ್ರ ವಿಸರ್ಜನೆ ಮಾಡುತ್ತಿರುವ ದೃಶ್ಯಗಳು ಜಗತ್ತಿನ ಅನೇಕ ಭಾಗಗಳಿಂದ ಆಕ್ರೋಶ ವ್ಯಕ್ತವಾಗಿದೆ.
ಇದು ಇಸಿಸ್, ತಾಲಿಬಾನಿ ಉಗ್ರರಿಗಿಂತ ಭೀಕರ ಎಂಬ ಅಭಿಪ್ರಾಯ ವ್ಯಕ್ತವಾಗಿದ್ದು ಈ ದೃಶ್ಯಗಳನ್ನು ಅಮೇರಿಕಾದ ವಿದೇಶಾಂಗ ಇಲಾಖೆಯ ಜತೆ ಇಸ್ರೇಲ್ ಹಂಚಿಕೊಂಡಿದೆ. ಈಗಾಗಲೇ ಗಾಜಾ ಪಟ್ಟಿಗೆ ಸಂಪೂರ್ಣ ದಿಗ್ಭಂಧನ ಹಾಕಿರುವ ಕಾರಣದಿಂದ ಗಾಜಾದ ಹಾಮಾಸ್ ಉಗ್ರರು ಶರಣಾಗತರಾಗದೇ ಬೇರೆ ದಾರಿ ಇಲ್ಲವಾಗಿದೆ.
ಹಾಮಾಸ್ ಉಗ್ರ ನಾಯಕ ಕಮಾಂಡರ್ ಆಲ್ ಜಹರ್ ಬಿಡುಗಡೆ ಮಾಡಿರುವ ಜಗತ್ತನ್ನೇ ಇಸ್ಲಾಮಿಕ್ ಆಡಳಿತದಡಿ ತರುವ ವೀಡಿಯೋ ಮತ್ತಷ್ಟು ಆಕ್ರೋಶ ಹೆಚ್ಚಿಸಿದೆ. ಇಸ್ರೇಲ್ ಮೊದಲ ಗುರಿ ಅಷ್ಟೇ. ಮುಂದೆ ಇಡೀ ಭೂಮಿ ನಮ್ಮ ಕಾನೂನಿನ ಅಡಿಯಲ್ಲಿರುತ್ತದೆ” ಎಂದು ಜಹರ್ ವೀಡಿಯೊದಲ್ಲಿ ಹೇಳಿದ್ದಾನೆ. ಈ ವೀಡಿಯೋದಲ್ಲಿ “ಪ್ಲ್ಯಾನೆಟ್ ಅರ್ತ್ ನ ಸಂಪೂರ್ಣ 510 ಮಿಲಿಯನ್ ಚದರ ಕಿಲೋಮೀಟರ್ಗಳು ಯಾವುದೇ ಅನ್ಯಾಯ, ದಬ್ಬಾಳಿಕೆ ಮತ್ತು ಎಲ್ಲಾ ಅರಬ್ ದೇಶಗಳಲ್ಲಿ ಲೆಬನಾನ್, ಸಿರಿಯಾ, ಇರಾಕ್ನಲ್ಲಿ ಪ್ಯಾಲೆಸ್ಟೀನಿಯನ್ನರು ಮತ್ತು ಅರಬ್ಬರ ವಿರುದ್ಧ ನಡೆದಂತಹ ಯಾವುದೇ ಹತ್ಯೆಗಳು ಮತ್ತು ಅಪರಾಧಗಳಿಲ್ಲದ ವ್ಯವಸ್ಥೆಯ ಅಡಿಯಲ್ಲಿ ಬರಲಿವೆ ಎಂದು ಹೇಳಿಕೊಂಡಿದ್ದಾನೆ.
ವೀಡಿಯೊ ಬಿಡುಗಡೆಯ ಹಲವಾರು ಗಂಟೆಗಳ ನಂತರ, ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರು ಹಮಾಸ್ ವಿರುದ್ಧದ ಸಂಘರ್ಷದಲ್ಲಿ ನಿರಂತರತೆಯ ತಮ್ಮ ಧಾಳಿಯನ್ನು ಪುನರುಚ್ಚರಿಸುವ ಹೇಳಿಕೆಯನ್ನು ಬಿಡುಗಡೆ ಮಾಡಿದರು, ಅವರು ಪ್ಯಾಲೇಸ್ಟಿನಿಯನ್ ಉಗ್ರಗಾಮಿ ಗುಂಪಿನ ಪ್ರತಿಯೊಬ್ಬ ಸದಸ್ಯರನ್ನು “ಸತ್ತ ವ್ಯಕ್ತಿ” ಎಂದು ಪರಿಗಣಿಸುತ್ತೇವೆ ಎಂದು ಒತ್ತಿ ಹೇಳಿದರು. “ಹಮಾಸ್ ದಾಯೆಶ್ (ಇಸ್ಲಾಮಿಕ್ ಸ್ಟೇಟ್ ಗುಂಪು), ಮತ್ತು ಪ್ರಪಂಚವು ದಾಯೆಶ್ ಅನ್ನು ನಾಶಪಡಿಸಿದಂತೆ ನಾವು ಅವರನ್ನು ಪುಡಿಮಾಡಿ ನಾಶಪಡಿಸುತ್ತೇವೆ” ಎಂದು ಅವರು ಸಂಕ್ಷಿಪ್ತ ದೂರದರ್ಶನ ಹೇಳಿಕೆಯಲ್ಲಿ ಹೇಳಿದರು.
ಈ ನಂತರ ಸುಮಾರು 150 ಇಸ್ರೇಲಿ ಸೈನಿಕರು ಮತ್ತು ನಾಗರಿಕರನ್ನು ಒತ್ತೆಯಾಳುಗಳಾಗಿ ಹಿಡಿದಿರುವ ಹಮಾಸ್ ಭಯೋತ್ಪಾದಕರು ಇಸ್ರೇಲ್ ಧಾಳಿಯನ್ನು ಮುಂದುವರೆಸಿದರೆ ಬಂಧಿತ ಒತ್ತೆಯಾಳುಗಳನ್ನು ಗಲ್ಲಿಗೇರಿಸುವ ಎಚ್ಚರಿಕೆಯನ್ನು ನೀಡಿದ್ದಾರೆ. ಇಸ್ರೇಲ್-ಹಮಾಸ್ ಉಗ್ರರ ನಡುವಿನ ಯುದ್ಧದಲ್ಲಿ ಈಗಾಗಲೇ ಸುಮಾರು 3 ಸಾವಿರಕ್ಕೂ ಹೆಚ್ಚು ಮಂದಿ ಸಾವನ್ನಪ್ಪಿದ್ದಾರೆ ಎಂದು ವರದಿಯಾಗಿದೆ. ಯುದ್ಧ ಮುಂದುವರೆದಿದ್ದು ಸಾವು ನೋವಿನ ಸಂಖ್ಯೆ ಹೆಚ್ಚಾಗುವ ಸಾಧ್ಯತೆ ಇದೆ.