ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ (ಕೆಎಸ್ಆರ್ಟಿಸಿ) ಪ್ರಯಾಣಿಕರ ಸೇವೆಗಳನ್ನು ಸುಧಾರಿಸಲು 130 ಹೊಸ ಬಸುಗಳ ಸೇರ್ಪಡೆಯೊಂದಿಗೆ ತನ್ನ ವಾಹನ ಪಡೆಯನ್ನುವಿಸ್ತರಿಸುತ್ತಿದೆ. ಇವುಗಳಲ್ಲಿ 30 ಬಸ್ಸುಗಳು ಹವಾನಿಯಂತ್ರಿತವಲ್ಲದ ಸ್ಲೀಪರ್ ಬಸ್ಸುಗಳಾಗಿದ್ದು, ಉಳಿದವು ಸಾಮಾನ್ಯ ಕರ್ನಾಟಕ ಸಾರಿಗೆ ಸಾಮಾನ್ಯ ಬಸ್ಸುಗಳಾಗಿವೆ. ವಿಶೇಷವೆಂದರೆ, ಇದೇ ಮೊದಲ ಬಾರಿಗೆ ಕೆಎಸ್ಆರ್ಟಿಸಿ ತನ್ನದೇ ಆದ ಬ್ರಾಂಡ್ ಹೆಸರಿನಲ್ಲಿ ನಾನ್ ಎಸಿ ಬಸ್ಸ್ನ್ನು ಪರಿಚಯಿಸುತ್ತಿದೆ. ಹೊಸ ನಾನ್ ಎಸಿ ಸ್ಲೀಪರ್ ಬಸ್ ಗಳು ‘ಪಲ್ಲಕ್ಕಿ ಉತ್ಸವ್’ ಹೆಸರಿನಲ್ಲಿ ಕಾರ್ಯನಿರ್ವಹಿಸಲಿದೆ.
ಈ ಬಸ್ಸುಗಳು ರಾಜ್ಯದಾದ್ಯಂತ ಪ್ರಮುಖ ಮಾರ್ಗಗಳಲ್ಲಿ ಸೇವೆ ಸಲ್ಲಿಸಲಿದೆ. ಇದರಲ್ಲಿ 100 ಸಾಮಾನ್ಯ ಕೆಂಪು ಬಸ್ಸುಗಳು, “ಪಲ್ಲಕ್ಕಿ” ಎಂದು ಬ್ರಾಂಡ್ ಮಾಡಲಾದ 40 ಎಸಿ ರಹಿತ ಸ್ಲೀಪರ್ ಬಸ್ಸುಗಳು ಮತ್ತು 8 ಎಸಿ ಸ್ಲೀಪರ್ ಬಸ್ಸುಗಳು ಸೇರಿವೆ. 148 ಬಸ್ ಗಳ ಪೈಕಿ 100 ಬಸ್ ಗಳಲ್ಲಿ ಮಹಿಳೆಯರಿಗೆ ಉಚಿತ ಪ್ರಯಾಣ. ಅಶೋಕ ಲೇಲ್ಯಾಂಡ್ ತಯಾರಿಸಿದ ನಾನ್ ಎಸಿ ಸ್ಲೀಪರ್ ಬಸ್ ಗಳು ಹೊಸ ಸೇರ್ಪಡೆಗಳಲ್ಲಿ ಹೆಚ್ಚಿನವುಗಳಾಗಿವೆ, ಟಾಟಾದಿಂದ ನಾಲ್ಕು ನಾನ್ ಎಸಿ ಸ್ಲೀಪರ್ ಗಳು ಮತ್ತು ನಾಲ್ಕು ಎಸಿ ಸ್ಲೀಪರ್ ಗಳು ಸೇರಿವೆ.
ಶಕ್ತಿ ಯೋಜನೆ ಉಪಕ್ರಮದ ಅಡಿಯಲ್ಲಿ, 100 ಸಾಮಾನ್ಯ ಬಸ್ ಗಳಲ್ಲಿ ಮಹಿಳೆಯರಿಗೆ ಉಚಿತ ಪ್ರಯಾಣ ಲಭ್ಯವಿದೆ. ಹೊಸದಾಗಿ ಸೇರಿಸಲಾದ ಎಸಿ ಅಲ್ಲದ ಸ್ಲೀಪರ್ ಬಸ್ಗಳು ನಿಯಮಿತ ದರದೊಂದಿಗೆ ಕಾರ್ಯನಿರ್ವಹಿಸುತ್ತವೆ.
ಹೊಸ ಪಲ್ಲಕ್ಕಿ ಉತ್ಸವ ಬಸ್ ಗಳ ವಿಶೇಷತೆಗಳು: ಉದ್ದ 11.3 ಮೀಟರ್, ಎಚ್.ಪಿ.ಇಂಗ್ನಿAದ ಬಿಎಸ್-6 ತಂತ್ರಜ್ಞಾನ,28 ಹೈಟೆಕ್ ಸ್ಲೀಪರ್ ಬೆರ್ತ್ ಸೀಟುಗಳು,ಪ್ರತಿ ಸೀಟಿಗೆ ಮೊಬೈಲ್ ಸ್ಟ್ಯಾಂಡ್ಗಳೊAದಿಗೆ ಮೊಬೈಲ್ ಮತ್ತು ಲ್ಯಾಪ್ಟಾಪ್ ಚಾರ್ಜಿಂಗ್ ಸೌಲಭ್ಯಗಳು, ಸುಲಭವಾಗಿ ಗುರುತಿಸಲು ಎಲ್ಇಡಿ ಸೀಟ್ ಸಂಖ್ಯೆ, ಸುಧಾರಿತ ಓದುವಿಕೆಗಾಗಿ ಎಲ್ಇಡಿ ಲೈಟಿಂಗ್, ಪ್ರಯಾಣಿಕರ ಮಾಹಿತಿಗಾಗಿ ಆಡಿಯೋ ರಿಸೀವರ್ಗಳು, ಡಿಜಿಟಲ್ ಗಡಿಯಾರ ಮತ್ತು ಎಲ್ಇಡಿ ಫ್ಲೋರಿಂಗ್, ಪ್ರತಿ ಪ್ರಯಾಣಿಕರಿಗೆ ಚಪ್ಪಲಿಗಳನ್ನು ಇಡಲು ಅನುಕೂಲಕರ ಸ್ಥಳ, ಹೆಚ್ಚುವರಿ ಆರಾಮಕ್ಕಾಗಿ ದಿಂಬಿನ ವ್ಯವಸ್ಥೆ, ಚಾಲಕನಿಗೆ ಸಹಾಯ ಮಾಡಲು ಬಸ್ ಹಿಂಭಾಗದಲ್ಲಿ ಹೈಟೆಕ್ ಕ್ಯಾಮೆರಾಗಳು.
ರಾಜ್ಯದಲ್ಲಿ ಇನ್ನೇನು ಹಬ್ಬಗಳ ಸರಣಿ ಶರುವಾಗುತ್ತಿದೆ. ಶಾಲಾ ಕಾಲೇಜು ಗಳಿಗೆ ರಜೆ ಆರಂಭವಾಗಲಿದೆ. ಆದರಿಂದ ಹೆಚ್ಚುವರಿ ಬಸ್ಸುಗಳ ಅವಶ್ಯಕತೆ ಮೋದಲಿನಿಂದಲೇ ಇತ್ತು. ಇತ್ತ ಬೇರೆ ಬೇರ ಊರಿನಲ್ಲಿ ಕೆಲಸ ಮಾಡುವವರು ಹಬ್ಬದ ದಿನಗಳಲ್ಲಿ ತಮ್ಮ ತಮ್ಮ ಊರಿಗೆ ಹೋರಡುವುದು ಸಹಜ. ಆಗಾಗ ಬಸ್ಸುಗಳ ಕೊರತೆ ಉಂಟಾಗಿ ಜನರು ಪರದಾಡಿ ಹೆಚ್ಚುವರಿ ಬಸ್ಸುಗಳಿಗೆ ಬೇಡಿಕೆ ನೀಡಿರುವುದನ್ನು ನೆನೆಪಿಸಿಕೊಳ್ಳಬಹದು.