ಪ್ರಜಾಸತ್ತಾತ್ಮಕವಾಗಿ ಮತ್ತು ಸಂವಿಧಾನಬದ್ಧವಾಗಿ ಚುನಾವಣೆಗಳಲ್ಲಿ ಆಯ್ಕೆಯಾಗಿ ಅದಿಕಾರಕ್ಕೆ ಬಂದ ಸರಕಾರಗಳು ಸಂವಿಧಾನಕ್ಕೆ ಎಷ್ಟರಮಟ್ಟಿಗೆ ಬದ್ಧವಾಗಿರುತ್ತವೆ ಎನ್ನುವುದು ಪ್ರಶ್ನಾರ್ಹವೆ ಸರಿ. ಪಕ್ಷ ಯಾವುದೇ ಇರಲಿ, ಅಧಿಕಾರವನ್ನು ಗಟ್ಟಿಗೊಳಿಸಲು ಜಾತಿಗಳನ್ನೇ ಆಧಾರವಾಗಿರಿಸಿಕೊಂಡು , ಪ್ರತಿಯೊಂದರಲ್ಲೂ ಜಾತಿಯನ್ನು ಪರಿಗಣಿಸುವ ಪದ್ಧತಿ ಅದು ಹೇಗೆ ಜಾತ್ಯತೀತವೆನಿಸಲು ಸಾಧ್ಯ? ಜಾತಿಮತಗಳ ಬೆಂಬಲ ಪಡೆಯಲು ಇನ್ನಿಲ್ಲದ ಕಸರತ್ತು ನಡೆಸುವ ರಾಜಕಾರಣಿಗಳ ನಕಲಿ ಜಾತ್ಯತೀತ ನಿಲುವು ಮತ್ತು ಪಕ್ಷಪಾತದ ಧೋರಣೆ ಸಂವಿಧಾನವಿರೋಧಿಯಾದುದೆನ್ನುವುದರಲ್ಲಿ ಯಾವ ಸಂಶಯವೂ ಇಲ್ಲ. ರಾಜಕೀಯ ನಾಯಕರ ಬಕವೇದಾಂತವನ್ನು ಯಾರೂ ನಂಬಲು ಸಾಧ್ಯವಿಲ್ಲ.
ಇದೀಗ ಬಿಹಾರ ಸರಕಾರ ಜಾತಿಗಣತಿ ಬಹಿರಂಗಪಡಿಸಿರುವುದರ ಹಿನ್ನೆಲೆಯಲ್ಲಿ ಕರ್ನಾಟಕದಲ್ಲೂ ಜಾತಿ ಗಣತಿ ವರದಿ ಪಡೆದುಕೊಳ್ಳಲು ಒತ್ತಾಯಿಸಲಾಗುತ್ತಿದೆ. ಈ ಹಿಂದೆ ಸಿದ್ಧರಾಮಯ್ಯನವರ ಸರಕಾರವಿದ್ದಾಗಲೇ ಜಾತಿಗಣತಿಗೆ ಸೂಚನೆ ನೀಡಲಾಗಿತ್ತು. ಅದೀಗ ಮುಕ್ತಾಯದ ಹಂತದಲ್ಲಿದ್ದು ಈಗ ಮತ್ತೆ ಸಿದ್ಧರಾಮಯ್ಯನವರೇ ಮುಖ್ಯಮಂತ್ರಿಯಾಗಿರುವುದರಿಂದ ಅವರ ಅವಧಿಯಲ್ಲೇ ಅದು ಬಿಡುಗಡೆಯಾಗುವ ಸಾಧ್ಯತೆಗಳಿವೆ. ಈ ವರದಿಯ ಅಂಶಗಳ ಆಧಾರದ ಮೇಲೆ ಏನೇನು ರಾಜಕೀಯ ಮತ್ತು ಸಾಮಾಜಿಕ ಬದಲಾವಣೆಗಳಾಗಲಿವೆ ಎನ್ನುವುದನ್ನು ಕಾದು ನೋಡಬೇಕಾಗಿದೆ. ಈ ನಡುವೆ ಜಾತಿಗಣತಿ ವಿರುದ್ಧ ಕೆಲವರು ಸುಪ್ರೀಂ ಕೋರ್ಟ್ ಕಟ್ಟೆಯೇರಿದ್ದು ಅಲ್ಲಿ ಯಾವ ರೀತಿಯ ತೀರ್ಪು ಹೊರಬೀಳಲಿದೆ ಎಂಬ ಕುತೂಹಲವೂ ಇದೆ.
ದಿನೇ ದಿನೇ ರಾಜಕಾರಣಿಗಳಿಂದಾಗಿ ಬೆಳೆಯುತ್ತಿರುವ ಜಾತೀಯ ಮನೋಭಾವ ಸಮಾಜವನ್ನು ಜಾತಿ ಧರ್ಮಗಳ ಹೆಸರಲ್ಲಿ ಒಡೆಯುವ ಅಪಾಯಕಾರಿ ಸನ್ನಿವೇಶ ನಮ್ಮೆದುರಿಗಿದೆ. ರಾಜಕಾರಣಿಗಳಿಗೆ ಸಮಾಜಹಿತಕ್ಕಿಂತ ಸ್ವಹಿತ ಸಾಧನೆ ಮುಖ್ಯ. ಇದೇ ಪ್ರವೃತ್ತಿ ಮುಂದುವರಿಯುವುದು ದೇಶಹಿತದ ದೃಷ್ಟಿಯಿಂದ ಒಳ್ಳೆಯದಲ್ಲ. ಆದರೆ ಪರಿಹಾರ ಸುಲಭವೇನಲ್ಲ.
ಭಾರತದ ಸಂವಿಧಾನದಲ್ಲೇ ಇರುವಂತೆ ಭಾರತವು ಒಂದು ಜಾತ್ಯಾತೀತ ರಾಷ್ಟ್ರವಾಗಿದೆ ಇಂತಹ ದೇಶದಲ್ಲಿ ಎಲ್ಲ ಸವಲತ್ತು ಮತ್ತು ಯೋಜನೆಗಳು ಕೇವಲ ಜಾತಿಯ ಆಧಾರದ ಮೇಲೆಯೇ ದೊರೆಯುತ್ತಿರುವುದು ಅತ್ಯಂತ ಕಳವಳಕಾರಿ ಸಂಗತಿಯಾಗಿದೆ. ಜಾತ್ಯಾತೀತ ದೇಶವೆಂದಾದ ಮೇಲೆ ಜಾತಿಯ ಗಣತಿಯ ಕಾರ್ಯ ಯಾವ ಪುರುಷಾರ್ಥಕ್ಕಾಗಿ ಎಂಬ ಪ್ರಶ್ನೆ ಹುಟ್ಟುವುದು ಸಹಜವಾಗಿದೆ.
ಆಗಲಿ ಜಾತಿ ಆಧಾರಿತ ಗಣತಿಯ ನಂತರ ಸಧ್ಯದ ಅನೇಕ ಅಲ್ಪ ಸಂಖ್ಯಾತರು ಬಹು ಸಂಖ್ಯಾತರಾಗಿದ್ದಾರೆ. ಮತ್ತು ಅನೇಕ ಮೇಲ್ವವರ್ಗದ ಜಾತಿ ಅಲ್ಪ ಸಂಖ್ಯಾತರಾಗುತ್ತಾರೆ. ಅಂತಾದರೆ ಇನ್ನು ಮುಂದೆ ಅಲ್ಪಸಂಖ್ಯಾತರಿಗೆ ಸಿಗುವ ಸೌಲಭ್ಯಗಳು ಮೇಲ್ವವರ್ಗದ ಅಲ್ಪ ಸಂಖ್ಯಾತರಿಗೂ ದೊರೆಯ ಬಲ್ಲದೆ ಈ ಕುರಿತು ಸರ್ಕಾರದ ನಡೆಯೇನು? ಎಂದು ಮೊದಲೆ ತಿಳಿಯುವುದು ಅಗತ್ಯವಾಗಿದೆ. ನ