ಕೊಲ್ಲಂ: ಕೇರಳದ ಕೊಲ್ಲಂ ಜಿಲ್ಲೆಯಲ್ಲಿ ನೆಲೆಸಿದ್ದ ಭಾರತೀಯ ಸೇನೆಯ ಯೋಧನೊಬ್ಬನ ಮೇಲೆ ನಿಷೇಧಿತ ಪಿಎಫ್ಐ ಸಂಘಟನೆಗೆ ಸೇರಿದವರೆನ್ನಲಾದ ಅಪರಿಚಿತ ವ್ಯಕ್ತಿಗಳು ಹಲ್ಲೆ ನಡೆಸಿದ್ದಾರೆ. ಅಲ್ಲದೆ ಹಲ್ಲೆ ನಡೆಸಿದ ನಂತರ ಮತಾಂಧ ದುಷ್ಕರ್ಮಿಗಳು ಅವರ ಬೆನ್ನಿನ ಮೇಲೆ ‘ಪಿಎಫ್ಐ’ ಎಂದು ಹಸಿರು ಬಣ್ಣದ ಪೇಂಟ್ ನಲ್ಲಿ ಬರೆದಿದ್ದಾರೆ. ಈ ಘಟನೆ ಸಂಬಂಧ ಕಡಕ್ಕಲ್ ಪೋಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಪೋಲೀಸರು ಆರೋಪಿಗಳ ಹುಡುಕಾಟ ನಡೆಸುತಿದ್ದಾರೆ.
ಸೆಪ್ಟೆಂಬರ್ 24 ರ ಭಾನುವಾರ ರಾತ್ರಿ ಕೊಲ್ಲಂ ಬಳಿಯ ಚನಪರಾದಲ್ಲಿ ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ (ಪಿಎಫ್ಐ) ಗೆ ಸೇರಿದ ದುಷ್ಕರ್ಮಿಗಳು ಭಾರತೀಯ ಸೇನಾ ಯೋಧನಿಗೆ ಕ್ರೂರವಾಗಿ ಚಿತ್ರಹಿಂಸೆ ನೀಡಿದ್ದಾರೆ ಎಂದು ವರದಿಯಾಗಿದೆ. ರಾಜಸ್ಥಾನದಲ್ಲಿ ಭಾರತೀಯ ಸೇನೆಯ ಎಲೆಕ್ಟ್ರಾನಿಕ್ಸ್ ಮತ್ತು ಮೆಕ್ಯಾನಿಕಲ್ (ಇಎಂಇ) ಕೇಡರ್ನಲ್ಲಿ ಕೆಲಸ ಮಾಡುತ್ತಿರುವ ಶೈನ್ ಕುಮಾರ್ ಅವರನ್ನು 5-6 ಮಂದಿ ಪಿಎಫ್ಐ ಕಾರ್ಯಕರ್ತರು ಮನೆಯಿಂದ ಹೊರಗೆ ಕರೆದೊಯ್ದು ಹಲ್ಲೆ ನಡೆಸಿದ್ದಾರೆ. ಪಿಎಫ್ಐ ಗೂಂಡಾಗಳು ಶೈನ್ನನ್ನು ಒದ್ದು, ಆವರ ಕೈಗಳನ್ನು ಸೆಲ್ಲೋ ಟೇಪ್ನಿಂದ ಕಟ್ಟಿ, ನಿರಂತರವಾಗಿ ಥಳಿಸಿದ್ದರು ಮತ್ತು ಆತನ ಬೆನ್ನಿಗೆ ಪಿಎಫ್ಐ ಎಂಬ ಭಯೋತ್ಪಾದಕ ಗುಂಪಿನ ಹೆಸರನ್ನೂ ಹಸಿರು ಬಣ್ಣದಲ್ಲಿ ಬರೆದು ನಂತರ ದಾಳಿಕೋರರು ಸ್ಥಳದಿಂದ ಪರಾರಿಯಾಗಿದ್ದಾರೆ.
ಕೇರಳದ ಹಿಂದೂ ಕಾರ್ಯಕರ್ತ ಮತ್ತು ಹಿಂದೂ ಸೇವಾ ಕೇಂದ್ರದ ಸಂಸ್ಥಾಪಕ ಪ್ರತೀಶ್ ವಿಶ್ವನಾಥ್ ಅವರು ದಾಳಿಯನ್ನು ತೀವ್ರವಾಗಿ ಖಂಡಿಸಿದ್ದಾರೆ. ಎಕ್ಸ್ ನಲ್ಲಿ ಪೋಸ್ಟ್ (ಹಿಂದೆ ಟ್ವಿಟ್ಟರ್) ಮಾಡಿರುವ, ವಿಶ್ವನಾಥ್ ಅವರು ರೆ, “ಕೇರಳದಲ್ಲಿ ಪಿಎಫ್ಐ ಭಯೋತ್ಪಾದಕರು ಭಾರತೀಯ ಸೇನಾ ಯೋಧನ ಮೇಲೆ ಕ್ರೂರ ದಾಳಿ ನಡೆಸಿದ ಸುದ್ದಿ ಆಘಾತಕಾರಿ!! ಅವರ ಬೆನ್ನಿಗೆ PFI ಅನ್ನು ಭಯೋತ್ಪಾದನೆಯ ಸಂಕೇತವಾಗಿ ಚಿತ್ರಿಸುವ ಧೈರ್ಯವನ್ನೂ ಮಾಡಿದರು..!! ಕಮ್ಯುನಿಸ್ಟ್ ಕೇರಳದಲ್ಲಿ ಸೇನಾ ಯೋಧ ಕೂಡ ಸುರಕ್ಷಿತವಾಗಿಲ್ಲ. ಆದ್ಯತೆ ಮೇರೆಗೆ ತನಿಖೆ ನಡೆಸಿ ತಪ್ಪಿತಸ್ಥರ ವಿರುದ್ಧ ಕಾನೂನು ಕ್ರಮ ಜರುಗಿಸಬೇಕು’ ಎಂದು ಒತ್ತಾಯಿಸಿದರು.
ಕೇರಳದ ಪಿಣರಾಯಿ ವಿಜಯನ್ ನೇತೃತ್ವದ ಸಿಪಿಐ ಸರ್ಕಾರವು ಕಾನೂನುಬಾಹಿರತೆಯನ್ನು ಬೆಳೆಸುತ್ತಿದೆ ಮತ್ತು ಭಯೋತ್ಪಾದಕರಿಗೆ ಮುಕ್ತ ಹಸ್ತ ನೀಡುತ್ತಿದೆ ಎಂದು ಸಾವಿರಾರು ನೆಟ್ಟಿಗರು ಈ ಘಟನೆಯ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.