ನವದೆಹಲಿ: “ಅವರು (ಮಾಫಿಯಾಗಳು) ನಮ್ಮ ಮುಂದೆ ನೀರಿನ ಬಾಟಲಿಗಳನ್ನು ಇಡುತ್ತಿದ್ದರು, ಆದರೆ ನಮ್ಮ ಕೆಲಸವು ಪೂರ್ಣಗೊಳ್ಳುವವರೆಗೆ ನಮಗೆ ಕುಡಿಯಲು ಅವಕಾಶವಿರಲಿಲ್ಲ” ಎಂದು 19 ವರ್ಷದ ಮನ್ಪ್ರೀತ್ ಸಿಂಗ್ ಅವರು ಲಿಬಿಯಾದಲ್ಲಿ ತಾನು ಮತ್ತು ಇತರ ಭಾರತೀಯ ಪ್ರಜೆಗಳು ಅನುಭವಿಸಿದ ಸಂಕಷ್ಟವನ್ನು ಶುಕ್ರವಾರ ದೆಹಲಿಯ ವಿಮಾನ ನಿಲ್ದಾಣಕ್ಕೆ ಬಂದು ಇಳಿದ ನಂತರ ನೆನಪಿಸಿಕೊಂಡರು.
ಭಾರತ ಸರ್ಕಾರ ಶುಕ್ರವಾರ ಲಿಬಿಯಾದಿಂದ ನಾಲ್ವರನ್ನು ರಕ್ಷಿಸಿದೆ. ಭಾರತೀಯರಾದ ಪರ್ವೇಶ್ ಕುಮಾರ್, ಮನ್ಪ್ರೀತ್ ಸಿಂಗ್, ರೋಹಿತ್ ಮತ್ತು ಸುಖ್ವಿಂದರ್ ಸಿಂಗ್ ಶುಕ್ರವಾರ ಬೆಳಿಗ್ಗೆ ದೆಹಲಿಗೆ ಮರಳಿದರು.
ನಕಲಿ ಟ್ರಾವೆಲ್ ಏಜೆಂಟ್ಗಳು ಇಟಲಿಯಲ್ಲಿ ಉದ್ಯೋಗ ದೊರಕಿಸಿಕೊಡುವ ಭರವಸೆ ನೀಡಿದ ನಂತರ ಈ ವರ್ಷದ ಫೆಬ್ರವರಿಯಲ್ಲಿ ಈ ಯುವಕರು ಲಿಬಿಯಾಕ್ಕೆ ತೆರಳಿದ್ದರು. ಇವರೆಲ್ಲರನ್ನೂ ಫೆಬ್ರವರಿ 2023 ರಲ್ಲಿ ಭಾರತದಿಂದ ದುಬೈ ಮತ್ತು ನಂತರ ಈಜಿಪ್ಟ್ ಮೂಲಕ ಕಳಿಸಲಾಗಿತ್ತು. ಕೆಲವು ದಿನಗಳ ನಂತರ, ಅವರನ್ನು ಲಿಬಿಯಾದಲ್ಲಿ ಇಳಿಸಲಾಯಿತು ಮತ್ತು ಜುವಾರಾ ನಗರದಲ್ಲಿ ಇರಿಸಲಾಯಿತು.
ಆದರೆ ತಮಗಾದ ಈ ಭೀಕರ ಅನುಭವದಿಂದ ಆಘಾತಕ್ಕೊಳಗಾದ ಈ ಯುವಕರು ಉತ್ತರ ಆಫ್ರಿಕಾದ ದೇಶದಲ್ಲಿ ತಮ್ಮ ಭಯಾನಕ ಅನುಭವಗಳನ್ನು ನೆನಪಿಸಿಕೊಂಡರು, ಅವರು ಅಲ್ಪ ಪ್ರಮಾಣದ ಬ್ರೆಡ್ ತಿಂದು ಕೋಮಡು ಬದುಕಬೇಕಾಗಿತ್ತು. ಅಲ್ಲದೆ ಇವರನ್ನು ಅಲ್ಲಿನ ಮಾಫಿಯಾ ಜೀತದಾಳುಗಳನ್ನಾಗಿ ಮಾರಾಟ ಮಾಡಿ ದಿನಪೂರ್ತಿ ಕಠಿಣ ದುಡಿಮೆ ಮಾಡಿಸುತಿದ್ದರು. ಕಳೆದ ತಿಂಗಳು, ಪಂಜಾಬ್ ಮತ್ತು ಹರಿಯಾಣ ರಾಜ್ಯಗಳಿಗೆ ಸೇರಿದ 17 ಭಾರತೀಯ ಯುವಕರನ್ನು ಲಿಬಿಯಾದಿಂದ ಭಾರತೀಯ ಅಧಿಕಾರಿಗಳು ರಕ್ಷಿಸಿದ್ದರು.
“ನಮ್ಮನ್ನು ಮಾಫಿಯಾಕ್ಕೆ ಮಾರಾಟ ಮಾಡಲಾಯಿತು, ಅವರು ಕಟ್ಟದ ನಿರ್ಮಾಣ ಸ್ಥಳಗಳಲ್ಲಿ ಕಾರ್ಮಿಕ ಕೆಲಸದಲ್ಲಿ ಮಾಡಿಸುತಿದ್ದರು. ಅವರು (ಮಾಫಿಯಾ) ನಮ್ಮ ಮುಂದೆ ನೀರಿನ ಬಾಟಲಿಯನ್ನು ಇಡುತ್ತಿದ್ದರು ಆದರೆ ನಮ್ಮ ಕೆಲಸವನ್ನು ಪೂರ್ಣಗೊಳಿಸುವ ಮೊದಲು ನಮಗೆ ಕುಡಿಯಲು ಬಿಡುತ್ತಿರಲಿಲ್ಲ ನಾವು ಸಾಕಷ್ಟು ಸಂಕಷ್ಟಗಳನ್ನು ಎದುರಿಸಿದ್ದೇವೆ. ನಮಗೆ ಒಂದೋ ಎರಡೋ ಸ್ಲೈಸ್ ಬ್ರೆಡ್ ಕೊಡುತ್ತಿದ್ದರು. ನಾವು ಹಲವು ಬಾರಿ ಮಾರಾಟವಾಗಿದ್ದೇವೆ ಎಂದು ಮನ್ಪ್ರೀತ್ ಸಿಂಗ್ ಹೇಳಿದ್ದಾರೆ.
ಶುಕ್ರವಾರ ಮುಂಜಾನೆ ದೆಹಲಿ ವಿಮಾನ ನಿಲ್ದಾಣದಲ್ಲಿ ಮಗನಿಗಾಗಿ ಕಾಯುತ್ತಿದ್ದ ಮನ್ಪ್ರೀತ್ನ ತಾಯಿ ಸತ್ವೀರ್ ಕೌರ್ಗೆ ತನ್ನ ಮಗ ವಿಮಾನ ನಿಲ್ದಾಣದಿಂದ ಹೊರಬರುವುದನ್ನು ಕಂಡು ಕಣ್ಣೀರನ್ನು ನಿಯಂತ್ರಿಸಲು ಸಾಧ್ಯವಾಗಲಿಲ್ಲ.
“ಅವರು ಜನವರಿಯಲ್ಲಿ ಲಿಬಿಯಾಗೆ ತೆರಳಿದರು. ನಾವು ಹಲವಾರು ತಿಂಗಳುಗಳವರೆಗೆ ಅವರೊಂದಿಗೆ ಮಾತನಾಡಲು ಸಾಧ್ಯವಾಗಲಿಲ್ಲ ಮತ್ತು ಅವರು ಎಲ್ಲಿದ್ದಾರೆ ಎಂದು ನಮಗೆ ತಿಳಿದಿರಲಿಲ್ಲ. ಕಳೆದ ಕೆಲವು ತಿಂಗಳುಗಳು ಕಠಿಣವಾಗಿವೆ. ನನ್ನ ಮಗು ಹಿಂತಿರುಗಿದೆ, ”ಎಂದು ಕೌರ್ ಆಕ್ರೋಶದ ಧ್ವನಿಯಲ್ಲಿ ಹೇಳಿದರು. ಕೌರ್ ತನ್ನ ಮಗನನ್ನು ತಬ್ಬಿಕೊಂಡು ಕಣ್ಣೀರಿಟ್ಟರು. ಮತ್ತು ಜನರಿಗೆ ಹಂಚಲು ಸಿಹಿ ಪ್ಯಾಕೆಟ್ ನೀಡಿದರು.
22 ವರ್ಷದ ಸುಕ್ವಿಂದರ್ ಸಿಂಗ್ ಅವರ ಸಹೋದರಿ ಅವರನ್ನು ಬರಮಾಡಿಕೊಳ್ಳಲು ಬಂದು ಭಾವುಕರಾದರು. “ನಾವು ನಮ್ಮ ಸಹೋದರನನ್ನು ಹೀಗೆ ಕಳುಹಿಸಿಲ್ಲ. ಆತನೊಂದಿಗೆ ನಮಗೆ ಯಾವುದೇ ಸಂಪರ್ಕ ಇರಲಿಲ್ಲ. ನಾವು ಎಲ್ಲರನ್ನೂ ಸಂಪರ್ಕಿಸಲು ಪ್ರಯತ್ನಿಸಿದ್ದೇವೆ. ಇದು ನಮಗೆ ಅತ್ಯಂತ ಕಷ್ಟಕರ ಸಮಯವಾಗಿತ್ತು. ನನ್ನ ಸಹೋದರನನ್ನು ಪುನಃ ಭೇಟಿಯಾಗುತ್ತಿರುವುದರಿಂದ ನನಗೆ ಸಂತೋಷವಾಗಿದೆ ಎಂದು ಸಿಂಗ್ ಅವರ ಸಹೋದರಿ ಹೇಳಿದರು. ಸುಕ್ವಿಂದರ್, ತಮ್ಮ ಅನುಭವವನ್ನು ನೆನಪಿಸಿಕೊಳ್ಳುತ್ತಾ, ಅವರು ಮತ್ತು ಇತರ ಭಾರತೀಯ ಪ್ರಜೆಗಳನ್ನು ಅನೇಕ ಬಾರಿ ಮಾರಾಟ ಮಾಡಲಾಗಿದೆ ಎಂದು ತಿಳಿಸಿದರು.
“ಕೆಲಸದ ನಂತರ ನಮ್ಮನ್ನು ವಿವಿಧ ಮಾಫಿಯಾಗಳಿಗೆ ಮಾರಾಟ ಮಾಡಲಾಯಿತು. ಇದು ಒಂದು ತಿಂಗಳ ಕಾಲ ಮುಂದುವರೆಯಿತು. ನಾವು ಹೇಗಾದರೂ ರಾಯಭಾರ ಕಚೇರಿಯನ್ನು ಸಂಪರ್ಕಿಸಲು ಸಾಧ್ಯವಾಯಿತು. ಅವರು ನಮಗೆ ಸಹಾಯ ಮಾಡಿದರು ಮತ್ತು ನಮ್ಮನ್ನು ಮರಳಿ ಕರೆತಂದರು. ಇದಕ್ಕಾಗಿ ನಾನು ತುಂಬಾ ಕೃತಜ್ಞನಾಗಿದ್ದೇನೆ ಎಂದು ಸುಕ್ವಿಂದರ್ ಹೇಳಿದ್ದಾರೆ.
ಇಪ್ಪತ್ತರ ಹರೆಯದ ಪರ್ವೇಶ್ ಕುಮಾರ್ ಭಾರತಕ್ಕೆ ಮರಳಿದ ನಂತರ ನಿರಾಳರಾದರು. “ನಾನು ಇನ್ನೂ ಆಘಾತದಲ್ಲಿದ್ದೇನೆ. ನಾನು ಖಿನ್ನತೆಗೆ ಒಳಗಾಗಿದ್ದೇನೆ. ಕಳೆದ ಕೆಲವು ತಿಂಗಳುಗಳಿಂದ ನಾವು ಸಾಕಷ್ಟು ತೊಂದರೆ ಅನುಭವಿಸಿದ್ದೇವೆ. ಮರಳಿ ಬಂದಿರುವುದಕ್ಕೆ ನನಗೆ ಸಂತೋಷವಾಗಿದೆ ಎಂದು ಪತ್ರಕರ್ತರಿಗೆ ತಿಳಿಸಿದರು.