ಮಂಗಳೂರಿನಲ್ಲಿ ಸಿಟಿ ಬಸ್ನ ಫುಟ್ಬೋರ್ಡ್ ಮೇಲೆ ನಿಂತಿದ್ದ ಕಂಡಕ್ಟರ್ ಆಯತಪ್ಪಿ ಬಿದ್ದು ಸಾವನ್ನಪ್ಪಿದ ಘಟನೆಯ ಬಳಿಕ ಸಿಟಿ ಬಸ್ಗಳಿಗೆ ಬಾಗಿಲು ಅಳವಡಿಕೆ ಮಾಡಲು ನಿರ್ಧರಿಸಲಾಗಿದೆ. ಈ ಕುರಿತು ಸಿಟಿ ಪೊಲೀಸ್ ಕಮೀಷನರ್ ಸೂಚನೆ ನೀಡಿದ್ದು, ಸೂಚನೆಗೆ ಬಸ್ ಮಾಲೀಕರು ಒಪ್ಪಿಗೆ ಸೂಚಿಸಿದ್ದಾರೆ ಎಂದು ವರದಿಯಾಗಿದೆ.
ಮಂಗಳೂರುನಲ್ಲಿ ಸಿಟಿ ಬಸ್ನ ಫುಟ್ಬೋರ್ಡ್ನಲ್ಲಿ ನಿಂತಿದ್ದ ಬಸ್ ಕಂಡಕ್ಟರ್, ಬಸ್ ವೇಗವಾಗಿ ತಿರುಗುವ ಸಂದರ್ಭ ಆಯ ತಪ್ಪಿ ಬಿದ್ದು ಸಾವನ್ನಪ್ಪಿದ ಘಟನೆ ನಡೆದಿತ್ತು. ನಗರದ ನಂತೂರು ಸರ್ಕಲ್ ಬಳಿ ಘಟನೆ ನಡೆದಿದ್ದು ಫುಟ್ಬೋರ್ಡ್ನಲ್ಲಿ ನಿಂತಿದ್ದ ಕಂಡಕ್ಟರ್ ರಸ್ತೆಗೆ ಬಿದ್ದು ಗಂಭೀರ ಗಾಯಗೊಂಡು ಸಾವನ್ನಪ್ಪಿದ್ದರು. ಈ ಘಟನೆಯ ಬಳಿಕ ಸುರಕ್ಷತೆಯ ಕುರಿತು ವ್ಯಾಪಕ ಚರ್ಚೆಗಳು ನಡೆದಿದ್ದು, ಇದೀಗ ಸಿಟಿ ಪೊಲೀಸ್ ಕಮೀಷನರ್ ಸೂಚನೆ ಮೇರೆಗೆ ಸಿಟಿ ಬಸ್ಸುಗಳಿಗೂ ಬಾಗಿಲು ಅಳವಡಿಸಲು ಮಾಲೀಕರು ಒಪ್ಪಿದ್ದಾರೆ.
ಬಾಗಿಲು ತೆರೆದೇ ಇರುವುದು ಅಪಾಯಕ್ಕೆ ಅಹ್ವಾನ
ಮಂಗಳೂರಿನಲ್ಲಿ ಸಂಚರಿಸುತ್ತಿರುವ ಖಾಸಗಿ ಸಿಟಿ ಬಸ್, ಖಾಸಗಿ ಎಕ್ಸ್ಪ್ರೆಸ್ ಬಸ್ಗಳಲ್ಲಿ ಬಾಗಿಲು ತೆರೆದೆ ಇರುವುದು ಅಪಾಯಕಾರಿಯಾಗಿ ಪರಿಣಮಿಸಿದೆ. ಮುಂಜಾನೆ ಹೊತ್ತಿನಲ್ಲಿ ಮತ್ತು ಸಂಜೆಯ ಹೊತ್ತಿನಲ್ಲಿ ಶಾಲೆ ಮತ್ತು ಕೆಲಸಕ್ಕೆ ಹೋಗುವವರು ಈ ಸಮಯದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಜನರು ಪ್ರಯಾಣಿಸುವುದರಿಂದ ಅಧಿಕ ಸಮಸ್ಯೆಯನ್ನು ಎದುರಿಸುವಂತಾಗಿದೆ. ಕೆಲವೊಂದು ರೂಟ್ಗಳಲ್ಲಿ ಬಸ್ಗಳ ಸಂಖ್ಯೆಯೇ ಕಡಿಮೆ ಇರುವುದರಿಂದ ಅನಿವಾರ್ಯವಾಗಿ ನೇತಾಡಿಕೊಂಡೆ ವಿದ್ಯಾರ್ಥಿಗಳು, ಸಾರ್ವಜನಿಕರು ಪ್ರಯಾಣಿಸುತ್ತಿದ್ದಾರೆ. ಇದು ವಿದ್ಯಾರ್ಥಿಗಳ, ಸಾರ್ವಜನಿಕರ ಜೀವ ಅಪಾಯಕ್ಕೆ ಎಡೆಮಡಿಕೊಟ್ಟಂತಿದೆ.
ಸರ್ಕಾರಿ ನರ್ಮ್ ಬಸುಗಳು ಹೊರತು ಪಡಿಸಿ, ಖಾಸಗಿ ಸಿಟಿ ಬಸ್ಸುಗಳಲ್ಲಿ ಡೋರ್ಗಳು ಇಲ್ಲದಿರುವುದನ್ನು ಗಮನಿಸಬಹುದು. ಪ್ರಸ್ತುತ ಓಡಾಡುವ ಬಸುಗಳಿಗೆ ಡೋರ್ ಅಳವಡಿಸಲು ಸಾಧ್ಯವಿಲ್ಲದಿದ್ದರು ಸುರಕ್ಷತೆಯ ದೃಷ್ಟಿಯಿಂದ ಕಟ್ಟು ನಿಟ್ಟಿನ ಕ್ರಮ ಅವಶ್ಯಕ. ಅಲ್ಲದೆ ಕಡಿಮೆ ಓಡಾಟ ಇರುವ ರೂಟ್ಗಳಲ್ಲಿ ಒಂದಿಷ್ಟು ಹೊಸ ಬಸ್ಸುಗಳನ್ನು ಓಡಾಡಲು ಅನುವು ಮಾಡಿಕೊಡುವುದು ಅವಶ್ಯಕ.
ಪ್ರಯಾಣಿಕರ ಸುರಕ್ಷತೆಯೇ ಮೋದಲ ಆದ್ಯತೆ ಆಗಬೇಕು. ಜೋತಗೆ ಚಾಲಕರ ಅಜಗೂರುಕತೆ, ಪುಟ್ ಬೋರ್ಡ್ನಲ್ಲಿ ನೇತಾಡುವುದು ಇವೆಲ್ಲದಕ್ಕೂ ಕಡಿವಾಣ ಹಾಕಲೇ ಬೇಕಾಗಿದೆ.