ಮಹಿಳಾ ಸ್ವಾತಂತ್ರ್ಯ ಮತ್ತು ಹಕ್ಕುಗಳ ಬಗ್ಗೆ ಭಾರತ ದೇಶದ ಕಾನೂನು ತೊರ್ಪಡಿಸುವ ಮುತುವರ್ಜಿ, ಇತರ ಮುಂದುವರಿದ ದೇಶಗಳಿಗಿಂತ ಹೆಚ್ಚು. 1950 ರಲ್ಲಿ “ಯೂನಿವರ್ಸಲ್ ಅಡಲ್ಟ್ ಫ್ರಾನ್ಚಾಯ್ಸ್” ಕಾನೂನಿನ ಮೂಲಕ ದೇಶದ ಗಂಡಸರು ಮತ್ತು ಮಹಿಳೆ ಯರಿಗೆ ಒಟ್ಟಾಗಿ ಮತದಾನದ ಹಕ್ಕನ್ನು ನೀಡಿದ ಏಕೈಕ ದೇಶ ಭಾರತ. ಇದೀಗ ನೂರು ವರ್ಷ ಇತಿಹಾಸವುಳ್ಳ ಭಾರತೀಯ ರೈಲ್ವೆ, ಮಹಿಳಾ ಕಾರ್ಯ ನಿರ್ವಾಹಕಾ ಅಧಿಕಾರಿ ( CEO) ಯಾಗಿ ಜಯ ವರ್ಮಾ ಸಿನ್ಹ ರನ್ನು ನೇಮಿಸುವ ಮೂಲಕ ಭಾರತದಲ್ಲಿ ಮಹಿಳಾ ಸಬಲೀಕರಣದ ಹೆಜ್ಜೆ ಗುರುತನ್ನು ಎತ್ತಿ ಹಿಡಿದಿದೆ.
ಜಯ ವರ್ಮಾ ಸಿನ್ಹ ಯಾರು? :
ಮಾಧ್ಯಮದ ಮೂಲಕ ಜಯ ವರ್ಮಾರನ್ನು ಜನ ಗುರುತಿಸಿದ್ದು ಒಡಿಷಾ ರೈಲು ದುರಂತದ ನಂತರ. ಮುನ್ನೂರು ಜನರನ್ನು ಬಲಿ ಪಡೆದುಕೊಂಡ ರೈಲು ದುರಂತದ ನಂತರ, ದುರಂತದ ಬಗ್ಗೆ ಜನರಲ್ಲಿ ವಿವರಿಸುವ ಅಥವಾ ದುರಂತದ ಹಿನ್ನೆಲೆಯನ್ನು ಜನರಿಗೆ ತಲುಪಿಸುವ ಮಾಧ್ಯಮವಾಗಿದ್ದರು ಜಯ ವರ್ಮಾ ಸಿನ್ಹ.
ಇದೀಗ, ಭಾರತೀಯ ರೈಲ್ವೆಯ 105 ವರ್ಷಗಳ ಇತಿಹಾಸದಲ್ಲಿ ಸಿಇಓ ಯಾಗಿ ಪದಗ್ರಹಣ ಮಾಡುತ್ತಿರುವ ಮೊದಲ ಮಹಿಳಾ ಅಧಿಕಾರಿಯಾಗಿದ್ದಾರೆ ಜಯ ವರ್ಮಾ ಸಿನ್ಹ. ಅನಿಲ್ ಕುಮಾರ್ ಲಹೋತಿಯ ನಂತರ, ಸೆಪ್ಟೆಂಬರ್ 1 ರಂದು ಅಧಿಕಾರ ಸ್ವೀಕರಿಸಲಿರುವ ಜಯ ವರ್ಮಾರು ಭಾರತೀಯ ರೈಲ್ವೆಯಲ್ಲಿ ಮತ್ತಷ್ಟು ಬದಲಾವಣೆಯನ್ನು ತರಲಿ ಎಂದು ಹಾರೈಸೋಣ.