ಹವಾಮಾನದಲ್ಲಿನ ಬದಲಾವಣೆ ಇಂದಾಗಿ ಬಹಳಷ್ಟು ಜನರಿಗೆ ಅನಾರೋಗ್ಯ ಉಂಟಾಗುವುದು ಸಹಜ. ಕೆಮ್ಮುವುದು, ಸೀನುವುದು, ಸ್ರವಿಸುವ ಮೂಗು, ದಟ್ಟಣೆ, ನೋಯುತ್ತಿರುವ ಗಂಟಲು ಮತ್ತು ತಲೆನೋವು ಮುಂತಾದ ಶೀತ ಲಕ್ಷಣಗಳು ಕೂಡ ಸಾಮಾನ್ಯ. ಹೀಗೆ ಪ್ರಾರಂಭವಾಗುವ ಶೀತ ನೆಗಡಿಯಿಂದಾಗಿ ಬಹಳ ದಣಿದು ಬಿಡುತ್ತೇವೆ. ಶೀತದ ಸಂದರ್ಭದಲ್ಲಿ ನಮಗೆ ನೆಗಡಿ ಪ್ರಾರಂಭವಾಗಿ ನಂತರ ಸ್ವಲ್ಪ ದಿನಗಳು ಕಳೆದ ಮೇಲೆ ಜ್ವರ ಬರುತ್ತದೆ. ಆದರೆ ನೆಗಡಿ ವಾಸಿ ಮಾಡಿಕೊಂಡರೆ ನಮ್ಮ ಆರೋಗ್ಯ ಸುರಕ್ಷಿತವಾಗಿರುತ್ತದೆ.
ಶೀತವಾದಾಗ ಗಂಟಲು ಮೂಗು ಕಟ್ಟಿದಂತಾಗುತ್ತದೆ. ಆಗ, ನಮ್ಮ ಮನೆಗಳಲ್ಲಿ ಲಭ್ಯವಿರುವ ಸರಳ, ನೈಸರ್ಗಿಕ ಪದಾರ್ಥಗಳೊಂದಿಗೆ ಅವುಗಳನ್ನು ಚಿಕಿತ್ಸೆ ಮಾಡುವುದು ಯಾವಾಗಲೂ ಕಷ್ಟಕರವಲ್ಲ.
ನೆಗಡಿಯ ಸಮಯದಲ್ಲಿ ಶುಂಠಿ ಮತ್ತು ಜೇನುತುಪ್ಪದ ಬಳಕೆ ಉತ್ತಮವಾದದ್ದು. ಶುಂಠಿಯನ್ನು ಸಣ್ಣಗೆ ಪುಡಿ ಮಾಡಿಕೊಂಡು ಅದಕ್ಕೆ ಸಮಪ್ರಮಾಣದ ಜೇನು ಬೆರೆಸಿ ಸೇವಿಸಿಬೇಕು. ಇದನ್ನು ಹಾಲಿನ ಜೊತೆ ಮಿಶ್ರಮಾಡಿ ಬೇಕಾದರೂ ಸೇವಿಸ ಬಹುದು. ಇದರಿಂದ ಮೂಗು ಕಟ್ಟುವಿಕೆ ದೂರಾಗುತ್ತದೆ ಮತ್ತು ಗಂಟಲು ಒಣಗುವುದು ತಪ್ಪುತ್ತದೆ. ಅರಿಶಿಣವನ್ನು ಹಾಲಿನೊಂದಿಗೆ ಬೆರೆಸಿ ನಿತ್ಯ ಸೇವಿಸುವುದರಿಂದ ಶೀತ ನೆಗಡಿಯಿಂದ ಮುಕ್ತಿ ಸಿಗುತ್ತದೆ. ಬೆಲ್ಲ ಕೂಡಾ ಶೀತ ನೆಗಡಿಗೆ ಉತ್ತಮ ರಾಮಬಾಣ. ಬಿಸಿ ನೀರಿಗೆ ಕರಿಮೆಣಸು ಜೀರಿಗೆ ಬೆಲ್ಲ ಸೇರಿಸಿ ಕುದಿಸಿ. ಅದನ್ನು ಕುಡಿಯುವುದರಿಂದ ನೆಗಡಿ ದೂರವಾಗುತ್ತದೆ.
ಬಗೆಬಗೆಯ ಹಣ್ಣುಗಳ ರಸ ಮತ್ತು ಗಿಡಮೂಲಿಕೆಗಳ ಚಹಾ ಸೇವನೆ ಈ ಸಮಯದಲ್ಲಿ ಉತ್ತಮ. ಲೆಮನ್ ಟೀ ತಯಾರು ಮಾಡಿ ಅದಕ್ಕೆ ಸ್ವಲ್ಪ ಜೇನು ತುಪ್ಪ ಮಿಶ್ರಣ ಮಾಡಿ ಕುಡಿಯುವುದು ಗಂಟಲಿನ ಕಿರಿಕಿರಿಯನ್ನು ಹೋಗಲಾಡಿಸಿಕೊಳ್ಳಲು ಮತ್ತು ಎದೆಯಲ್ಲಿ ಕಟ್ಟಿದ ಕಫವನ್ನು ಕರಗಿಸಲು ಸಹಕಾರಿಯಾಗುತ್ತದೆ. ಶೀತ ಮತ್ತು ಜ್ವರವನ್ನು ಗುಣಪಡಿಸಲು ಬಿಸಿ ನೀರಿನ ಹಬೆಯನ್ನು ತೆಗೆದುಕೊಳ್ಳುವುದು ಮುಖ್ಯ. ಹೀಗೆ ಮಾಡುವುದರಿಂದ ಗಂಟಲು ಮತ್ತು ಎದೆಯಲ್ಲಿನ ಸೋಂಕು ಗುಣವಾಗುತ್ತದೆ. ಅಲ್ಲದೆ ಕಟ್ಟಿರುವ ಮೂಗು ತೆರೆಯುತ್ತದೆ.
ನೀವು ಮೇಲಿನ ರೀತಿಯಲ್ಲಿ ಹಲವಾರು ಮನೆಮದ್ದುಗಳನ್ನು ಬಳಸಿದ ನಂತರವೂ ನಿಮ್ಮ ಸಮಸ್ಯೆ ಬಗೆಹರಿಯದಿದ್ದರೆ ಆಗ ನೀವು ನಿಮ್ಮ ವೈದ್ಯರನ್ನು ಭೇಟಿಯಾಗುವುದು ಒಳ್ಳೆಯದು