ಲಕ್ನೋ: ಉತ್ತರ ಪ್ರದೇಶದ ಪ್ರಯಾಗ್ರಾಜ್ ಜಿಲ್ಲೆಯ ಕೊರಾನ್ ತಹಸಿಲ್ನ ಖೇರಿ ಗ್ರಾಮದಲ್ಲಿ ದುಷ್ಕರ್ಮಿಗಳು ಸತ್ಯಂ ಶರ್ಮಾ (16) ಎಂಬ 10ನೇ ತರಗತಿಯ ವಿದ್ಯಾರ್ಥಿಯನ್ನು ಕ್ರಿಕೆಟ್ ಬ್ಯಾಟ್ ಗಳಿಂದ ಹೊಡೆದು ಕೊಂದಿದ್ದಾರೆ. ತನ್ನ ಸೋದರ ಸಂಬಂಧಿಗೆ ದುಷ್ಕರ್ಮಿಗಳು ನೀಡಿದ ಕಿರುಕುಳವನ್ನು ವಿರೋಧಿಸಿದ್ದಕ್ಕೆ ಆತನನ್ನು ಥಳಿಸಲಾಗಿದೆ ಎಂದು ಸಂಬಂಧಿಕರು ಆರೋಪಿಸಿದ್ದಾರೆ. ಆದರೆ, ಪೊಲೀಸರು ಕಿರುಕುಳದ ಆರೋಪವನ್ನು ನಿರಾಕರಿಸಿದ್ದಾರೆ.
ಶಾಲೆಯಲ್ಲಿ ವಿದ್ಯಾರ್ಥಿಗಳ ಜಗಳದ ನಂತರ ವಿದ್ಯಾರ್ಥಿಗೆ ಥಳಿಸಲಾಯಿತು. ಇದು ಆತನ ಸಾವಿಗೆ ಕಾರಣವಾಯಿತು ಎಂದು ಡಿಸಿಪಿ ಸಂತೋಷ್ ಮೀನಾ ಹೇಳಿಕೆಯನ್ನು ದೈನಿಕ್ ಜಾಗರಣ್ ಉಲ್ಲೇಖಿಸಿದೆ. ಮೃತನ ಕುಟುಂಬಸ್ಥರು ಆರೋಪಿಗಳ ವಿರುದ್ಧ ದೂರು ಸಲ್ಲಿಸಿದ್ದಾರೆ ಎಂದು ವರದಿಯಾಗಿದೆ. ಗ್ರಾಮದ ಮುಖಂಡ ಮೊಹಮ್ಮದ್ ಯೂಸುಫ್ ಸೇರಿದಂತೆ ನಾಲ್ವರು ಆರೋಪಿಗಳ ವಿರುದ್ಧ ಎಫ್ಐಆರ್ ದಾಖಲಾಗಿದೆ. ತಲೆಮರೆಸಿಕೊಂಡಿರುವ ಆರೋಪಿಗಳಿಗಾಗಿ ಶೋಧ ನಡೆಯುತ್ತಿದೆ.
ಈ ಘಟನೆ 28 ಆಗಸ್ಟ್ 2023 ರಂದು ನಡೆದಿದ್ದು ಪರಮಾನಂದ ಇಂಟರ್ ಕಾಲೇಜಿನ ವಿದ್ಯಾರ್ಥಿ ಸತ್ಯಂ ಶರ್ಮಾ ಶಾಲೆ ಮುಗಿಸಿಕೊಂಡು ತನ್ನ ಸೋದರ ಸಂಬಂಧಿಯೊಂದಿಗೆ ಮನೆಗೆ ಹಿಂದಿರುಗುತ್ತಿದ್ದ. ತುರ್ಕಪುರವಾ ಪ್ರದೇಶದಲ್ಲಿ ಮುಸ್ಲಿಂ ಸಮುದಾಯದ ಕೆಲವು ವಿದ್ಯಾರ್ಥಿಗಳು ಅವರ ಸಹೋದರಿಗೆ ಕಿರುಕುಳ ನೀಡಿದ್ದಾರೆ ಎಂದು ಆರೋಪಿಸಲಾಗಿದೆ. ಆರೋಪಿಗಳ ಪೈಕಿ ಇಬ್ಬರು ಈ ಶಾಲೆಯ ವಿದ್ಯಾರ್ಥಿಗಳು ಎನ್ನಲಾಗಿದೆ. ಆರೋಪಿಗಳಿಂದ ದೈಹಿಕ ಕಿರುಕುಳಕ್ಕೆ ಒಳಗಾಗುತ್ತಿದ್ದ ತನ್ನ ಸಹೋದರಿಯನ್ನು ರಕ್ಷಿಸಲು ಸತ್ಯಂ ಪ್ರಯತ್ನಿಸಿದ ಸಂತ್ರಸ್ಥೆಯು ಸಹಾಯಕ್ಕಾಗಿ ಕೂಗುತ್ತಿದ್ದಳು ಆದರೆ ಅಕ್ಕ ಪಕ್ಕದಲ್ಲಿದ್ದವರು ಮೂಕ ಪ್ರೇಕ್ಷಕರಾಗಿ ನಿಂತಿದ್ದರು ಎಂದು ದೈನಿಕ್ ಭಾಸ್ಕರ್ ವರದಿ ತಿಳಿಸಿದೆ.
ಸಹೋದರಿಯನ್ನು ಚುಡಾಯಿಸಿದ ಬಗ್ಗೆ ಸತ್ಯಂ ಆಕ್ಷೇಪ ವ್ಯಕ್ತಪಡಿಸಿದಾಗ ದುಷ್ಕರ್ಮಿಗಳು ಅವನಿಗೆ ಲಾಠಿಯಿಂದ ಥಳಿಸಿದ್ದಾರೆ ಎನ್ನಲಾಗಿದೆ. ಆತನಿಗೆ ಥಳಿಸಿದ ಪರಿಣಾಮ ಸತ್ಯಂ ಪ್ರಜ್ಞೆ ತಪ್ಪಿ ನೆಕ್ಕೆ ಬಿದ್ದಿದ್ದಾನೆ. ಏತನ್ಮಧ್ಯೆ, ಅತನ ಸಹೋದರಿ ಸಹಾಯಕ್ಕಾಗಿ ಮನವಿ ಮಾಡುತ್ತಿದ್ದರು, ಯಾರೂ ಮುಂದೆ ಬರಲಿಲ್ಲ. ನಂತರ ಗಾಯಾಳು ವನ್ನು ಪ್ರಯಾಗ್ರಾಜ್ನಲ್ಲಿರುವ ಸ್ವರೂಪ್ ರಾಣಿ ನೆಹರು ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಅಲ್ಲಿ ವೈದ್ಯರು ಅವರು ಮೃತಪಟ್ಟಿದ್ದಾರೆ ಎಂದು ಘೋಷಿಸಿದರು.
ಸತ್ಯಂ ಶರ್ಮಾ ಪುರದಾಳು ಗ್ರಾಮದ ನಿವಾಸಿಯಾಗಿದ್ದು ಅವನ ಸಹೋದರಿಯು ಮಾತನಾಡಿ ಸೋಮವಾರ ಶಾಲೆ ಮುಗಿದ ನಂತರ ನಾವಿಬ್ಬರೂ ಮನೆಗೆ ಹೋಗುತ್ತಿದ್ದೆವು. ತುರ್ಕಪುರವ ಮೊಹಲ್ಲಾದಲ್ಲಿ ಅದೇ ಗ್ರಾಮದ ವಿದ್ಯಾರ್ಥಿಗಳು ಮತ್ತು ನಮ್ಮ ಶಾಲೆಯಲ್ಲಿ ಓದುತ್ತಿರುವ ಅನ್ಯ ಸಮುದಾಯದ ಯುವಕರು ನನ್ನ ಕೈಯನ್ನು ಹಿಡಿದುಕೊಂಡರು. ನಾನು ಪ್ರತಿರೋಧಿಸಿದಾಗ ನನ್ನ ಸಹೋದರ ಅವರನ್ನು ಎದುರಿಸಿದನು. ಅಷ್ಟಕ್ಕೆ ಅವರು ನನ್ನ ಸಹೋದರನ ಮೇಲೆ ತೀವ್ರ ಹಲ್ಲೆ ನಡೆಸಿದರು. ಅವನು ನೆಲದ ಮೇಲೆ ಬೀಳುವವರೆಗೂ ಕ್ರಿಕೆಟ್ ಬ್ಯಾಟ್ನಿಂದ ಹೊಡೆಯುತ್ತಿದ್ದರು. ಅವನು ಬಿದ್ದ ನಂತರ ಬೆದರಿಕೆ ಹಾಕುತ್ತಲೇ ಓಡಿಹೋದರು.
ಗ್ರಾಮದ ಮುಖಂಡ ಮೊಹಮ್ಮದ್ ಯೂಸುಫ್ ಅವರ ಮನೆಯ ಮುಂದೆ ಈ ಘಟನೆ ನಡೆದಿದೆ. ಮನವಿ ಮಾಡಿದ ನಂತರವೂ ಅವನು ಸತ್ಯಂನ ತಂಗಿಗೆ ಸಹಾಯ ಮಾಡಲಿಲ್ಲ. ಕಿರುಕುಳದ ಆರೋಪ ಹೊತ್ತಿರುವ ಹುಡುಗರು ಕೂಡ ಯೂಸುಫ್ ಮನೆಯವರು ಎಂದು ವರದಿಯಾಗಿದೆ. ಮೊಹಮ್ಮದ್ ಯೂಸುಫ್ ವಿರುದ್ಧ ಈಗಾಗಲೇ ಹಲವು ಕ್ರಿಮಿನಲ್ ಪ್ರಕರಣಗಳು ದಾಖಲಾಗಿವೆ.
ಎರಡು ಸಮುದಾಯಗಳಿಗೆ ಸಂಬಂಧಿಸಿದ ವಿಷಯವಾಗಿ ಸ್ಥಳದಲ್ಲಿ ಉದ್ವಿಗ್ನತೆ ಉಂಟಾಗಿದೆ. ಇದರಿಂದ ಕೋಪಗೊಂಡ ಗ್ರಾಮಸ್ಥರು ಖೇರಿ ಛೇದಕದಲ್ಲಿ 9 ಗಂಟೆಗಳ ಕಾಲ ನಾಲ್ಕು ಕಡೆ ರಸ್ತೆ ತಡೆ ನಡೆಸಿದರು. ಉನ್ನತ ಅಧಿಕಾರಿಗಳು ಕೂಡ ಸ್ಥಳಕ್ಕೆ ಆಗಮಿಸಿ ಪರಿಸ್ಥಿತಿ ಹತೋಟಿಗೆ ತಂದಿದ್ದರು. ಸಂತ್ರಸ್ತೆಯ ಸಂಬಂಧಿಕರ ಪ್ರಕಾರ, ಸತ್ಯಂ ಅವರ ಸಹೋದರಿಗೆ ಈ ಹಿಂದೆ ಶಾಲೆಯಲ್ಲಿಯೂ ಕಿರುಕುಳ ನೀಡಲಾಗಿತ್ತು. ನಂತರ ಶಾಲೆಯ ಆಡಳಿತ ಮಂಡಳಿಗೆ ದೂರು ನೀಡಿದ್ದರು. ಮತ್ತೊಂದೆಡೆ, ಪರಮಾನಂದ ಇಂಟರ್ ಕಾಲೇಜಿನ ಮ್ಯಾನೇಜರ್ ಮನೋಜ್ ಪಾಂಡೆ, ಅವರು ಮಾತನಾಡಿ ರಜಾ ದಿನಗಳಲ್ಲಿಯೂ ಕಾಲೇಜಿನ ಬಳಿ ಪೊಲೀಸರನ್ನು ನಿಯೋಜಿಸುವ ಕುರಿತು ಸ್ಥಳೀಯ ಪೊಲೀಸರಿಗೆ ಹಲವು ಬಾರಿ ಮನವಿ ಮಾಡಲಾಗಿದೆ. ಘಟನೆಯನ್ನು ವಿರೋಧಿಸಿ ಮಧ್ಯರಾತ್ರಿಯವರೆಗೆ ಪ್ರತಿಭಟನೆ ನಡೆಸುತ್ತಿದ್ದ ಗ್ರಾಮಸ್ಥರನ್ನು ಪೊಲೀಸರು ಸಮಾಧಾನಪಡಿಸಲು ಪಡಿಸಿದರು.
ಮುಜಫ್ಫರ್ನಗರದ ಶಿಕ್ಷಕಿಯೊಬ್ಬಳು ಮುಸ್ಲಿಂ ವಿದ್ಯಾರ್ಥಿಯೊಬ್ಬನಿಗೆ ಸಹಪಾಠಿಯಿಂದ ಕಪಾಳಮೋಕ್ಷ ಮಾಡಿಸಿದ ಸುದ್ದಿಯು ಕೋಮು ಆಯಾಮದ ಸಂಚಲನ ಮೂಡಿಸಿರುವಾಗಲೇ ಮುಸ್ಲಿಮರಿಂದ ಹಿಂದೂ ವಿದ್ಯಾರ್ಥಿಯೊಬ್ಬನ ಈ ಕ್ರೂರ ಹತ್ಯೆ ನಡೆದಿದೆ.