ಸ್ಯಾಂಡಲ್ವುಡ್ನ ಟಾಕಿಂಗ್ ಸ್ಟಾರ್ ಸೃಜನ್ ಲೋಕೇಶ್ ಅವರಿಗ ಹೊಸ ಪ್ರಯತ್ನ ಮಾಡಲು ಮುಂದಾಗಿದ್ದಾರೆ. ಬೆಂಗಳೂರಿನ ಶ್ರೀ ಬಂಡೆಮಹಾ ಕಾಳಮ್ಮ ದೇವಸ್ಥಾನದಲ್ಲಿಯೇ ಈ ಪ್ರಯತ್ನಕ್ಕೆ ಚಾಲನೆ ಈಗಾಗಲೇ ಸಿಕ್ಕಿದೆ.
ಇಲ್ಲಿವರೆಗೂ ನಟ-ನಿರೂಪಕ-ನಿರ್ಮಾಪಕರಾಗಿಯೇ ಗುರುತಿಸಿಕೊಂಡಿದ್ದ ಸೃಜನ್ ಲೋಕೇಶ್ ರ ಮೊದಲ ಪ್ರಯತ್ನಕ್ಕೆ ಗೆಳೆಯ ಸಂದೇಶ್ ಜೊತೆಯಾಗಿದ್ದಾರೆ. ದೊಡ್ಡ ತಾರಾ ಬಳಗೂ ಇದೀಗ ಸೃಜನ್ ಪ್ರಯತ್ನಕ್ಕೆ ಜೊತೆಯಾಗಿರುವುದು ಸಂತಸ ತಂದಿದೆ. ಈ ಒಂದು ಹೊಸ ಪ್ರಯತ್ನದ ಸಿನಿಮಾಕ್ಕೆ GST ಅನ್ನುವ ಟೈಟಲ್ ಕೂಡ ಇಡಲಾಗಿದೆ. ಈ ಮೂಲಕ ಸೃಜನ್ ಲೋಕೇಶ್ ಮೊದಲ ಬಾರಿಗೆ ಡೈರೆಕ್ಟರ್ ಕೂಡ ಆಗುತ್ತಿದ್ದಾರೆ.
ಸೃಜನ್ ಲೋಕೇಶ್ ನಿರ್ದೇಶನದ ಮೊದಲ ಚಿತ್ರದಲ್ಲಿ ಸಾಕಷ್ಟು ವಿಶೇಷತೆಗಳಿವೆ. ಸುಬ್ಬಯ್ಯ ನಾಯ್ಡು ಅವರ ಸಿನಿಮಾದಲ್ಲಿ ಲೋಕೇಶ್ ಅವರು ಬಾಲ ನಟರಾಗಿಯೇ ಅಭಿನಯಿಸಿದ್ದರು. ಅದಾದ ಮೇಲೆ ಲೋಕೇಶ್ ಅವರ ಚಿತ್ರದಲ್ಲಿ ಸೃಜನ್ ಲೋಕೇಶ್ ಬಾಲ ನಟರಾಗಿ ಅಭಿನಯಿಸಿ ಬಣ್ಣದ ಲೋಕಕ್ಕೆ ಬಂದಿದ್ದರು.
ಇದೀಗ ಸೃಜನ್ ಲೋಕೇಶ್ ಡೈರೆಕ್ಷನ್ ಮಾಡ್ತಿರೋ GST ಚಿತ್ರದಲ್ಲಿ ಸೃಜನ್ ಪುತ್ರ ಸುಕೃತ್ ನಟಿಸೋ ಮೂಲಕ ಬೆಳ್ಳಿತೆರೆಗೆ ಬರಲಿದ್ದಾರೆ. ಈ ಮೂಲಕ ಸುಬ್ಬಯ್ಯ ನಾಯ್ಡು ಫ್ಯಾಮಿಲಿಯ ನಾಲ್ಕನೇ ಜನರೇಷನ್ ಬಣ್ಣದ ಲೋಕ್ಕೆ ಬರುತ್ತಿದೆ. ಈ ಮೂಲಕ ಡೈರೆಕ್ಟರ್ ಸೃಜನ್ ಲೋಕೇಶ್ ಈ ಎಲ್ಲ ವಿಶೇಷ ವಿಷಯವನ್ನ ಇದೀಗ ಹೇಳಿಕೊಂಡಿದ್ದಾರೆ.
ಸೃಜನ್ ಚಿತ್ರ ಜೀವನದಲ್ಲಿ ನಂಬರ್ 7 ಲಕ್ಕಿ ಆಗಿದೆ. ಇದನ್ನ ಕೂಡ ಅಷ್ಟೇ ವಿಶೇಷವಾಗಿಯೇ ಸೃಜನ್ ಹೇಳಿಕೊಂಡಿದ್ದಾರೆ. 2023 ಕೂಡಿಸಿದ್ರೆ ಏಳು ಆಗುತ್ತದೆ. ನನ್ನ ಈ 25ನೇ ಚಿತ್ರ ಕೂಡಿಸಿದ್ರೂ ಏಳು ನಂಬರ್ ಬರುತ್ತದೆ. ಸಂದೇಶ್ ಪ್ರೋಡಕ್ಷನ್ ನಿರ್ಮಾಣದ ಈ 34ನೇ ಚಿತ್ರವನ್ನ ಕೂಡಿಸಿದ್ರೂ ನಂಬರ್ ಏಳು ಬರುತ್ತದೆ ಎಂದು ಸೃಜನ್ ತಮ್ಮ ಲಕ್ಕಿ ನಂಬರ್ ಲಕ್ಕಿ ಕಥೆ ಹೇಳಿದ್ದಾರೆ.
ಈ GST ಸಿನಿಮಾದಲ್ಲಿ ಎನೀದೆ?
ಸಿನಿಮಾದ ವಿಚಾರಕ್ಕೆ ಬಂದರೆ, ಸೃಜನ್ ಲೋಕೇಶ್ ಅವರ ಈ ಚಿತ್ರಕ್ಕೆ GST ಅನ್ನುವ ಟೈಟಲ್ ಇದೆ. ಅಡಿಬರಹವೂ ಸ್ಪೆಷಲ್ ಆಗಿಯೇ ಇದೆ. Ghost in Trouble ಅನ್ನೋದೇ ಈ ಸಬ್ ಟೈಟಲ್ ಆಗಿದೆ. ದೆವ್ವಗಳಿಗೂ ತೊಂದರೆ ಇದೆ ಅನ್ನುವುದನ್ನ ಈ ಸಿನಿಮಾದಲ್ಲಿ ಬೇರೆ ರೀತಿನೆ ನೋಡಬಹುದಾಗಿದೆ.
ಸೃಜನ್ ಲೋಕೇಶ್ ತಾಯಿ ಗಿರಿಜಾ ಲೋಕೇಶ್ ಸೇರಿದಂತೆ ರಜನಿ ಭಾರದ್ವಾಜ್, ಪ್ರಮೋದ್ ಶೆಟ್ಟಿ, ನಿವೇದಿತಾ, ತಬಲಾ ನಾಣಿ, ರವಿಶಂಕರ್ ಗೌಡ, ವಿನೋದ್ ಗೊಬ್ಬರಗಾಲ ಹೀಗೆ ಇನ್ನೂ ಅನೇಕರು ಚಿತ್ರದಲ್ಲಿ ನಟಿಸಿದ್ದಾರೆ. ಚಂದನ್ ಶೆಟ್ಟಿ ಸಂಗೀತ ಕೂಡ ಇರಲಿದೆ. ಗುಂಡ್ಲುಪೇಟೆ ಸುರೇಶ್ ಕ್ಯಾಮರಾವರ್ಕ್ ಮಾಡ್ತಿದ್ದಾರೆ. ಕವಿರಾಜ್ ಸಾಹಿತ್ಯ ಬರೆಯುತ್ತಿದ್ದಾರೆ. ಸೃಜನ್ ಮೊದಲ ಚಿತ್ರಕ್ಕೆ ಈ ಒಳ್ಳೆ ಟೀಮ್ ಕೆಲಸ ಮಾಡ್ತಿದೆ. ಡೈರೆಕ್ಟರ್ ಸೃಜನ್ ಲೋಕೇಶ್ ಇಲ್ಲೂ ಹಾಸ್ಯದ ಹೊನಲು ಹರಿಸಲಿದ್ದಾರೆ. ಇನ್ನುಳಿದಂತೆ ಸಿನಿಮಾಕ್ಕೆ ಮುಹೂರ್ತ ಆಗಿದೆ. ಒಂದ್ ಒಳ್ಳೆ ವೈಬ್ ಮೂಲಕವೇ ಸಿನಿಮಾ ಶುರು ಆಗಿದೆ ಅಂತಲೂ ಹೇಳಲಾಗುತ್ತಿದೆ.
ಒಟ್ಟಿನಲ್ಲಿ ಸೃಜನ್ ಲೋಕೇಶ್ ಅವರು ಇದರಲ್ಲಿ ಜಯಗಳಿಸಲಿ ಎಂಬುದು ಎಲ್ಲರ ಹಾರೈಕೆ.