ವಡಮಾಲ ಪೇಟೆಯಲ್ಲಿ ನೌಕರರ ವಸತಿಗಾಗಿ 310 ಎಕರೆ ಜಮೀನು ಸೈಟ್ ಮಂಜೂರು ಮಾಡುವುದಾಗಿ ಘೋಷಿಸುವ ಮೂಲಕ ಟಿಟಿಡಿ ಅಧ್ಯಕ್ಷ ಭೂಮನ ಕರುಣಾಕರ ರೆಡ್ಡಿ ತಿರುಮಲ ಉದ್ಯೋಗಿಗಳಿಗೆ ಸಿಹಿಸುದ್ದಿ ನೀಡಿದ್ದಾರೆ.
ವಡಮಾಲ ಪೇಟೆಯಲ್ಲಿ ನೌಕರರ ವಸತಿಗಾಗಿ ಮಂಜೂರಾದ 310 ಎಕರೆ ಜಮೀನನ್ನು ಮಂಗಳವಾರ ಭೂಮನ ಕರುಣಾಕರ ರೆಡ್ಡಿ ಪರಿಶೀಲನೆ ಮಾಡಿ ಮಾಧ್ಯಮದವರಿಗೆ ಮಾಹಿತಿಯನ್ನು ನೀಡಿದ್ದಾರೆ
ಸೆಪ್ಟೆಂಬರ್ 18 ರಂದು ಮುಖ್ಯಮಂತ್ರಿ ಜಗನ್ ಅವರ ಕೈಯಿಂದ ಮನೆ ನಿವೇಶನ ವಿತರಣೆಗೆ ಚಾಲನೆ ನೀಡಲಾಗುವುದು ಎಂದು ತಿಳಿಸಿದ್ದಾರೆ. ಅಗತ್ಯವಿದ್ದಲ್ಲಿ ಇನ್ನೂ 100 ಎಕರೆಯನ್ನು ಆಡಳಿತಾರೂಢ ಸರಕಾರದಿಂದ ಸಂಗ್ರಹಿಸಿ ಎಲ್ಲರಿಗೂ ಮನೆ ನಿವೇಶನ ನೀಡಲು ಕ್ರಮಕೈಗೊಳ್ಳಲಾಗುವುದು ಎಂದು ಹೇಳಿದ್ದಾರೆ.
ದಿವಂಗತ ಮುಖ್ಯಮಂತ್ರಿ ವೈ.ಎಸ್. ರಾಜಶೇಖರ್ ರೆಡ್ಡಿ ಅವರ ಅವಧಿಯಲ್ಲಿ ನೌಕರರಿಗೆ ಮನೆ ನೀಡುವ ಪ್ರಕ್ರಿಯೆ ಆರಂಭವಾಗಿತ್ತು. ನಂತರದ ಬೆಳವಣಿಗೆಗಳಿಂದ ಹತ್ತು ವರ್ಷಗಳಿಂದ ಈ ಸಮಸ್ಯೆಗಳನ್ನು ನಿರ್ಲಕ್ಷಿಸಲಾಗಿತ್ತು ಈಗ ಜಗನ್ ಮುಖ್ಯಮಂತ್ರಿ ಆಗಿರುವುದರಿಂದ ಎಲ್ಲ ನೌಕರರಿಗೂ ಮನೆ ನಿವೇಶನಗಳು ಸಿಗುತ್ತಿವೆ ಟಿಟಿಡಿ ಅಧ್ಯಕ್ಷ ಭೂಮನ ಕರುಣಾಕರ ರೆಡ್ಡಿ ತಿಳಿಸಿದ್ದಾರೆ.
ಸುಮಾರು 7 ಸಾವಿರ ಉದ್ಯೋಗಿಗಳಿಗೆ ಇಲ್ಲಿ ಮನೆ ಸಿಗಲಿದೆ. 35 X 55 ಅಡಿ ಅಳೆತೆಯ ಮನೆ ನಿವೇಶನ ನೀಡಲಾಗುವುದು. ಇದರಿಂದ ದೊಡ್ಡ ಟೌನ್ ಶಿಪ್ ನಿರ್ಮಾಣವಾಗಲಿದೆ. ಚೆನ್ನೈ ಹೆದ್ದಾರಿಯ ಪಕ್ಕದಲ್ಲಿರುವ ಈ ಸ್ಥಳವು ಉತ್ತಮ ಮೌಲ್ಯ ಹೊಂದಿದೆ ಎಂದು ಹೇಳಲಾಗುತ್ತಿದೆ. ಟಿಟಿಡಿ ಅಧ್ಯಕ್ಷರ ಆದೇಶದ ಅನ್ವಯ ಸೆಪ್ಟೆಂಬರ್ 18ರೊಳಗೆ ಈ ಜಾಗವನ್ನು ಪ್ಲಾಟ್ಗಳಾಗಿ ವಿಂಗಡಿಸಿ ಡಾಂಬರೀಕರಣ ಮಾಡಿದ ರಸ್ತೆಗಳನ್ನು ಹಾಕಿಕೊಡಲು ಯೋಜನೆ ರೂಪಿಸಲಾಗಿದೆ.