ಯಲ್ಲರೂ ಮಳ್ಯಾಗ ಚಹಾ ಮತ್ತ ಮಿರ್ಚಿಭಜಿ ತಿಂದ್ರಿ ಅನ್ಕೋತೇನಿ ಇಲ್ಲಾಂದ್ರ ಮಾಡಕೊಂಡ ತಿನ್ನರಿ. ಕಡಿಕ ಭಜಿ ಮಾಡಕೊಳಿಕ್ಕೆ ಆಗಲಿಲ್ಲಾ ಅಂದ್ರ ಚಾ ಆದ್ರೂ ಕುಡಿರಿ, ಅಷ್ಟ ನಿಮಗೂ ಆರಾಮ ಅನಸ್ತದ. ಇತ್ತಿತ್ತಲಾಗ ಈ ಹುಡಗೋರು ಹುಡಗ್ಯಾರು ಒಬ್ಬರಿಗೆ ಒಬ್ಬರು ಟೈಮ ಕೊಡೋದನ್ನ ಭಾಳ ಕಮ್ಮಿ ಮಾಡ್ಯಾರ ಇದರಿಂದ ಮಾತಿನ್ಯಾಗ ಮುಗಿಯೋ ಹಂತಾ ಕೆಲಸಗೋಳು ಜಗಳಕ್ಕ ಹೋಗಿ ಮುಂದ ಬ್ಯಾರೆ ಆಗೋತನಾ ಹೋಗ್ಲಿಕತ್ತಾವ ಅದಕ್ಕ ಸ್ವಲ್ಪ ಬ್ಯಾರೆದಾವರಿಗೂ ಟೈಮ ಕೊಡ್ರಿ ಇದರಿಂದ ಪ್ರೀತಿ ಹೆಚ್ಚಾಗತ್ತದ ಹೊರತು ನಿಮ್ಮ ಗಂಟೇನು ಖರ್ಚ ಆಗೋದಿಲ್ಲಾ.
ಈಗಿನ ಯುವ ಪ್ರೇಮಿಗೊಳು ಹೆಂಗ್ ಆಗ್ಯಾರ ಅಂದ್ರ ತಮಗ ಟೈಮ್ ಇದ್ದಾಗ ಮುಂದಿನಾವರಿಗೆ ಮೆಸೆಜ್ ಮಾಡಕೋತ ಕೂಡೋದು ಅದೇ ಮುಂದಿನಾವರು ಮೆಸೆಜ್ ಮಾಡಲಿಲ್ಲಾ ಅಂದ್ರ ಅವರ ಮ್ಯಾಲೆ ಇಲ್ಲದ ವಿಚಾರ ಮಾಡಿ ಜಗಳಾ ತಗಿಯೋದು. ಇದು ಯಲ್ಲಾರ ಪ್ರೀತಿನ್ಯಾಗು ನಡಿಯೋದನರಿ ಒಂದ ಮಾತು ತಿಳಕೋರಿ ನೀವು ಮೆಸೆಜ್ ಮಾಡಿದಾಗ ಮುಂದಿನಾವರು ವಾಪಸ್ ಮೆಸೆಜ್ ಮಾಡಬೇಕು ಅಂತ ಏನ್ ಅನಕೋತಿರಿ ಮುಂದಿನಾವರು ಏನ ಯಾವಾಗು ಖಾಲಿನ ಕುತ್ತಿರ್ತಾರ ಅನಕೋಂಡಿರೇನು ? ಒಂದ ವೇಳೆ ಹಂಗ ತಿಳಕೊಂಡಿದ್ರ ಅದು ನಿಮ್ಮ ತಪ್ಪ ಕಲ್ಪನಾ ಅದ.
ಮುಂದಿನಾವರು ಎಷ್ಟ ನಿಮ್ಮನ್ನ ಪ್ರೀತಿ ಮಾಡಬೇಕು ಅಂನತಾರಲಾ ಅದು ನಿಮ್ಮಒಂದ ತಪ್ಪ ಹೆಜ್ಜಿಯಿಂದ ಯಲ್ಲಾ ಹಾಳಾಗಿ ಹೋದಂಗ ಆಗತದ ಅದಕ್ಕ ಮುಂದಿನಾವರ ಮ್ಯಾಲೆ ಪ್ರೀತಿ ಮಾಡ್ರಿ ಆದ್ರ ಹಕ್ಕ ಚಲಾಯಿಸಲಿಕ್ಕೆ ಹೋಗ ಬ್ಯಾಡ್ರಿ. ಪ್ರೀತಿ ನೀವ ಮಾಡಿದಷ್ಟು ಹೆಚ್ಚ ಆಗ್ತದ ಹೊರತಾಗಿ ಕಮ್ಮಿ ಅಂತು ಆಗೋದಿಲ್ಲ ಇದನ್ನ ಮರಿಬ್ಯಾಡ್ರಿ.
ಯಲ್ಲಾರ ಜೀವನದಾಗ ಚೋಲೋ ಮತ್ತ ಕೆಟ್ಟ ಟೈಮ್ ಬಂದೇ ಬರ್ತದ ಯಲ್ಲರೂ ಏನ್ ಬಾಯಾಗ ಬಂಗಾರದ ಚಮಚಾ ಇಟಗೊಂಡ ಹುಟ್ಟಿರುದಿಲ್ಲ ಮತ್ತ ಮನಷ್ಯಾಗ ತ್ರಾಸ ಬರಲಾರ್ದ ಗಿಡಕ್ಕ ಬರ್ತದ ಏನ್ರಿ ಅದಕ್ಕ ನಮ್ಮನ್ನ ಪ್ರೀತಿ ಮಾಡಾವರು ತ್ರಾಸನ್ಯಾಗ ಇದ್ದಾರ ಅಂತ ನಿಮಗ ಗೊತ್ತ ಆತು ಅಂದ್ರ ನಿಮ್ಮ ಕೈಯಿಂದ ಎಷ್ಟ ಆಗ್ತದ ಅಷ್ಟ ಸಹಾಯ ಮಾಡ್ರಿ ಅದು ರೊಕ್ಕಾಇರಬಹುದು ಅಥವಾ ಮತ್ತೊಂದ ಇರಬಹುದು ಮಾಡ್ರಿ. ಅದರಿಂದ ಅವರಿಗೆ ಸಹಾಯ ಆಗ್ತದ ಮತ್ತ ನಿಮ್ಮ ಮ್ಯಾಲೆ ಸ್ವಲ್ಪ ಗೌರವನು ಹೆಚ್ಚ ಆಗ್ತದ. ಹಂಗ ಅಂತ ಆ ಕೊಟ್ಟಿದ್ದ ರೊಕ್ಕಾ ಅವರಿಗೆ ಅಂತ ಬಿಟ್ಟ ಬಿಡಬ್ಯಾಡ್ರಿ ಅವರಿಗೆ ನೆನಪ ಮಾಡಿ ವಾಪಸ್ಸನು ತೊಗೊರಿ.
ಪ್ರೀತಿ ಯಲ್ಲಾ ಕಾಲಕ್ಕೂ ಒಂದೇ ಥರಾ ಇರ್ತದ ಅಂತ ತಿಳಕೋಬ್ಯಾಡ್ರಿ ಅದು ಅವರ ಅವಶ್ಯಕತಾ ಮತ್ತು ನಿಮ್ಮ ಅವಶ್ಯಕತಾ ಮ್ಯಾಲೆ ಡಿಪೆಂಡ್ ಆಗಿರ್ತದ. ಎಲ್ಲಾ ಟೈಮನ್ಯಾಗ ಲೈಲಾ ಮಜನು ಆಗಿ ಇರಲಿಕ್ಕೆ ಆಗೋದಿಲ್ಲಾ, ಭಾಳ ಸಲಾ ಟಾಮ್ & ಜರ್ರಿನೂ ಆಗಬೇಕ ಆಗ್ತದ. ಮುಂದಿನಾವರು ನಿಮ್ಮ ಸಲವಾಗಿ ಬೇಕ್ಕಾದ್ದ ಮಾಡ್ಲಿಕ್ಕ ತಯಾರ ಆಗ್ಯಾರ ಅಂದ್ರ ಅದರ ಅರ್ಥಾ ಅವರಿಗೆ ನಿಮ್ಮನ್ನ ಬಿಟ್ಟು ಬ್ಯಾರೆ ಯಾರು ಇಲ್ಲಾ ಅಂತಲ್ಲ; ಅವರಿಗೆ ನೀವೇಯಲ್ಲಾ ಅಂತ ಅರ್ಥಾ ಮತ್ತ ಈ ಟೈಮ್ ಅದಲಾ ಇದು ಭಾಳ ಕೆಟ್ಟ ಯಾವಾಗ ಯಾರನ್ನ ಹೆಂಗ್ ಬದ್ಲಿ ಮಾಡತದ ಹೇಳಿಕ್ಕ ಬರೋದಿಲ್ಲಾ.ಇದು ಯಾವಾಗ ಬೇಕಾದಾಗ ಕಾಲ ಜಗ್ಗಬಹುದು ಅದಕ್ಕ ಏನ ಮಾಡೋದ ಇದ್ರೂ ಸ್ವಲ್ಪ ವಿಚಾರ ಮಾಡಿ ಮಾಡ್ರಿ ಯಾಕಂದ್ರ ಎಲ್ರ ಕಾಲೇಳಿದತೆ ಕಾಲ!
ಮತ್ತ ಮುಂದಿನವಾರ ಹೊಸ ವಿಚಾರ ತೊಗೊಂಡ ಬರ್ತೇನಿ ಅಲ್ಲಿ ತನಾ ಮಜಾ ಮಾಡ್ರಿ ಮತ್ತ ಬ್ಯಾರೆದಾವ್ರಿಗೂ ಲೇಖನಾ ಓದ್ಲಿಕ್ಕೆ ಹೇಳ್ರಿ
ಮುಂದವರಿತದ………….
Nam bhashe valg lagun understand agtad nodri sir. Superb.
👌🏽👌🏽👌🏽👌🏽👌🏽👌🏽