ಮಲಗಿದ್ದ ವ್ಯಕ್ತಿ ಬೆಳಗ್ಗೆ ಎದ್ದೇಳಲಿಲ್ಲ ಎನ್ನುವ ಅನೇಕ ಪ್ರಕರಣಗಳನ್ನು ನಾವು ಕೇಳಿರುತ್ತೇವೆ. ಹಾಗಿದ್ದರೆ ನಿದ್ದೆಯಲ್ಲಿದ್ದಾಗ ಹಠಾತ್ತನೆ ಸಾವಿನೆಡೆಗೆ ಜಾರುವ ಹಿಂದಿರುವ ಕಾರಣ ಏನು ಎನ್ನುವ ಪ್ರಶ್ನೆ ಮನದಲ್ಲಿ ಮೂಡದೆ ಇರುವುದಿಲ್ಲ.ಅಷ್ಟು ಆರೋಗ್ಯವಂತರಾಗಿದ್ದ, ಸಣ್ಣ ವಯಸ್ಸಿನವರು ಯಾಕೆ ಹಾಗೆ ಹಠಾತ್ ಸಾವನ್ನಪ್ಪುತ್ತಾರೆ? ಅದು ಹೃದಯಾಘಾತವೇ ಅಥವಾ ಹಠಾತ್ ಹೃದಯ ಸ್ತಂಭನವೇ? ಬನ್ನಿ ಅದರ ಬಗ್ಗೆ ನಾವಿಂದು ತಿಳಿದು ಕೊಳ್ಳುವ ಪ್ರಯತ್ನ ಪಡೋಣ.
ಹೃದಯಕ್ಕೆ ರಕ್ತವನ್ನು ಸರಬರಾಜು ಮಾಡುವ ಮೂರು ಪ್ರಧಾನ ಹೃದಯ ರಕ್ತನಾಳ (ಹೃದಯಾಭಿಧಮನಿ)ಗಳಲ್ಲಿ ಯಾವುದಾದರೂ ಒಂದರಲ್ಲಿ ಅಡೆತಡೆ ಉಂಟಾಗಿ, ಇದರಿಂದಾಗಿ ಹೃದಯದ ಸ್ನಾಯುಗಳಲ್ಲಿ ಸ್ವಲ್ಪ ಭಾಗಕ್ಕೆ ರಕ್ತ ಪೂರೈಕೆ ಸರಿಯಾಗಿ ಆಗದ್ದರಿಂದ ಹೃದಯಾಘಾತ ಸಂಭವಿಸುತ್ತದೆ. ರಕ್ತ ಪೂರೈಕೆ ಹಠಾತ್ತನೆ ಕುಸಿಯುವುದರಿಂದ ಹೃದಯ ಬಡಿತ ದುರ್ಬಲವಾಗುತ್ತದೆ. ಹೃದಯ ಸ್ತಂಭನವು ಮಾರಣಾಂತಿಕವಾಗಿದೆ ಆದರೆ ನಿದ್ರೆಯಲ್ಲಿ ಹೃದಯ ಸ್ತಂಭನ ಉಂಟಾದರೆ ಸಾವಿನ ಅಪಾಯವು ಇನ್ನಷ್ಟು ಹೆಚ್ಚಾಗುತ್ತದೆ.
ಹೃದಯಾಘಾತವು ಹೃದಯ ಸ್ನಾಯುವನ್ನು ಪೂರೈಸುವ ರಕ್ತನಾಳವು ಅಡಚಣೆಯಾದಾಗ ಮತ್ತು ಅಂಗಾಂಶವು ಹಾನಿಗೊಳಗಾದಾಗ ಸಂಭವಿಸುತ್ತದೆ. ಇದು ಅಚಾನಕ್ಕಾಗಿ ರಾತ್ರಿ ಮಲಗಿರುವಾಗಲೂ ಸಂಭವಿಸುತ್ತದೆ.
ಮಧುಮೇಹ, ಅಧಿಕ ಬಿಪಿ ಮತ್ತು ಸ್ಥೂಲಕಾಯತೆಯ ಕಾರಣದಿಂದಾಗಿ ಉಂಟಾಗುವ ಹೃದ್ರೋಗವು ವ್ಯಕ್ತಿಯನ್ನು ಬಹಳ ಬೇಗನೇ ಬಲಿಪಶುವಾಗಿಸುತ್ತದೆ. ಕಳೆದ ಕೆಲವು ವರ್ಷಗಳಲ್ಲಿ, ವಿಶೇಷವಾಗಿ ಮಹಿಳೆಯರಲ್ಲಿ ನಿದ್ರೆಯ ಸಮಯದಲ್ಲಿ ಹೃದಯ ಸ್ತಂಭನದ ಪ್ರಕರಣಗಳಲ್ಲಿ ತ್ವರಿತ ಹೆಚ್ಚಳ ಕಂಡುಬಂದಿದೆ.
ರೋಗಿಗೆ ಮಧುಮೇಹ, ಅಧಿಕ ರಕ್ತದೊತ್ತಡ ಮತ್ತು ಬೊಜ್ಜು ಇದ್ದಾಗ ನಿದ್ರೆಯಲ್ಲಿ ಹೃದಯಾಘಾತವಾಗುವ ಸಾಧ್ಯತೆ ಹೆಚ್ಚು ಎನ್ನುತ್ತಾರೆ ವೈದ್ಯರು. ಅಂತಹ ಪರಿಸ್ಥಿತಿಯಲ್ಲಿ, ರಾತ್ರಿಯಲ್ಲಿ ಬಿಪಿ ಅನೇಕ ಬಾರಿ ಹೆಚ್ಚಾಗುತ್ತದೆ ಮತ್ತು ಹೃದಯದ ಮೇಲೆ ಹೆಚ್ಚಿನ ಒತ್ತಡದಿಂದಾಗಿ, ಹೃದಯದ ಕಾರ್ಯ ಸಾಮರ್ಥ್ಯದ ಮೇಲೆ ಕೆಟ್ಟ ಪರಿಣಾಮ ಉಂಟಾಗುತ್ತದೆ ಹಾಗಾಗಿ ವ್ಯಕ್ತಿಯು ನಿದ್ರೆಯಲ್ಲಿ ಹೃದಯಾಘಾತಕ್ಕೆ ಒಳಗಾಗುತ್ತಾನೆ.
ಹೃದಯ ಸ್ತಂಭನ : ಹೃದಯ ಸ್ತಂಭನವೆಂದರೆ ಹೃದಯವು ಇದ್ದಕ್ಕಿದ್ದಂತೆ ಬಡಿಯುವುದನ್ನು ನಿಲ್ಲಿಸುತ್ತದೆ. ತಕ್ಷಣದ ವೈದ್ಯಕೀಯ ಚಿಕಿತ್ಸೆ ಇಲ್ಲದೆ ಕೆಲವೇ ನಿಮಿಷಗಳಲ್ಲಿ ಸಾವು ಸಂಭವಿಸುತ್ತದೆ. ತುರ್ತು ವೈದ್ಯಕೀಯ ಪ್ರತಿಕ್ರಿಯೆಯು ಸಾಮಾನ್ಯವಾಗಿ ತಡವಾಗಿರುವುದರಿಂದ ನಿದ್ರೆಯ ಸಮಯದಲ್ಲಿ ಸಾವಿನ ಅಪಾಯವು ಹೆಚ್ಚಾಗಿರುತ್ತದೆ.
ಆರ್ಹೆತ್ಮಿಯಾ: ನಿದ್ರೆಯ ಸಮಯದಲ್ಲಿ ಆರ್ಹೆತ್ಮಿಯಾ ಸಾವಿಗೆ ಆಗಾಗ್ಗೆ ಕಾರಣವಾಗಬಹುದು. ಹೃದಯದ ವಿದ್ಯುತ್ ಚಟುವಟಿಕೆಯನ್ನು ಪತ್ತೆಹಚ್ಚಲು ಸಾಧ್ಯವಾಗದಿದ್ದಾಗ ಅಸಿಸ್ಟೋಲ್ ಹೃದಯ ಸ್ತಂಭನದ ಲಯವಾಗಿದೆ. ಹೃತ್ಕರ್ಣದ ಕಂಪನ ಅಥವಾ ಹೃದಯದ ಕಾರ್ಯವನ್ನು ದುರ್ಬಲಗೊಳಿಸಬಹುದು.
ನಿದ್ರೆಯಲ್ಲಿ ಯಾರಾದರೂ ಹೃದಯ ಸ್ತಂಭನವನ್ನು ಹೊಂದಿದ್ದರೆ, ದೇಹವು ಇದಕ್ಕೂ ಮೊದಲು ಕೆಲವು ಸಂಕೇತಗಳನ್ನು ನೀಡುತ್ತದೆ. ರೋಗಿಯು ಉಸಿರಾಡಲು ಕಷ್ಟಪಡಲು ಪ್ರಾರಂಭಿಸುತ್ತಾನೆ.ಇದ್ದಕ್ಕಿದ್ದಂತೆ ವಿಪರೀತವಾಗಿ ಬೆವರಲು ಪ್ರಾರಂಭಿಸುತ್ತಾನೆ. ರಾತ್ರಿ ಮಲಗುವ ಮುನ್ನ ಎದೆಯಲ್ಲಿ ತೀವ್ರವಾದ ನೋವು ಕಾಣಿಸಿಕೊಳ್ಳುವುದು, ಎಡಗೈ ಮತ್ತು ಎಡ ಭುಜದಲ್ಲಿ ನೋವು, ಒತ್ತಡದ ಭಾವನೆ, ದೇಹದಲ್ಲಿನ ವಿಚಿತ್ರ ರೀತಿಯ ಚಡಪಡಿಕೆ, ನಿದ್ರಾಹೀನತೆ, ಹೆದರಿಕೆ, ಎಡಭಾಗದ ದೇಹದ ಭಾಗಗಳಲ್ಲಿನ ನೋವು ಕೂಡ ಹೃದಯಾಘಾತದ ಲಕ್ಷಣಗಳಾಗಿವೆ.
ಹೃದಯಾಘಾತವನ್ನು ತಡೆಗಟ್ಟಲು, ನಾವು ನಮ್ಮ ಜೀವನಶೈಲಿಯನ್ನು ಮೊದಲು ಸರಿಪಡಿಸಿಕೊಳ್ಳಬೇಕು. ದೈಹಿಕ ವ್ಯಾಯಾಮದ ಕಡೆಗೆ ಗಮನ ಕೊಡಬೇಕು. ದಿನದಲ್ಲಿ ಅರ್ಧ ಗಂಟೆ ಕಡ್ಡಾಯವಾಗಿ ವ್ಯಾಯಾಮಕ್ಕೆ ಮೀಸಲಿಡಬೇಕು. ದೈಹಿಕ ವ್ಯಾಯಾಮ ಮಾಡುವುದರಿಂದ ಬೊಜ್ಜು ಮೈ ಕರಗುವುದು, ಫಿಟ್ನೆಸ್ ಹಾಗೂ ಆರೋಗ್ಯ ಪಡೆಯಬಹುದು. ಪ್ರತಿ ಆರು ತಿಂಗಳಿಗೊಮ್ಮೆ ಅಥವಾ ಮೂರು ತಿಂಗಳಿಗೊಮ್ಮೆ ನಿಮ್ಮ ಹೃದಯದ ಸಂಪೂರ್ಣ ತಪಾಸಣೆ ಮಾಡಿಸಿ ಕೊಳ್ಳಬೇಕು. ಸಮಯಕ್ಕೆ ಸರಿಯಾಗಿ ಚಿಕಿತ್ಸೆ ಮತ್ತು ಔಷಧಿಗಳನ್ನು ತೆಗೆದುಕೊಳ್ಳಬೇಕು. ಜಂಕ್ ಫುಡ್ ನಿಂದ ದೂರವಿರಬೇಕು. ಯಾವುದೇ ಒತ್ತಡ ಮತ್ತು ಆತಂಕಕ್ಕೊಳಗಾಗಬಾರದು. ಒಂದೊಮ್ಮೆ ನಮ್ಮ ಕುಟುಂಬದಲ್ಲಿ ಹೃದಯಾಘಾತದ ಇತಿಹಾಸವಿದ್ದರೆ, ನಾವು ಹೆಚ್ಚಿನ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಬೇಕು. ಹೊತ್ತಿಗೆ ಸರಿಯಾದ ಊಟ, ನಿದ್ದೆ, ಮನಸ್ಸಿಗೆ ಖುಷಿ ನೀಡುವ ಆಟೋಟಗಳು ಇವುಗಳು ಆರೋಗ್ಯಕ್ಕೆ ಅವಶ್ಯಕ. ಕ್ರಿಯಾಶೀಲತೆ ಹವ್ಯಾಸ ರೂಢಿಸಿಕೊಳ್ಳುವುದರಿಂದ ಮನಸ್ಸಿಗೆ ನೆಮ್ಮದಿ, ಆರೋಗ್ಯವೂ ಹೆಚ್ಚುವುದು.