ಎಲ್ಲಾ ದೈಹಿಕ ಕಾರ್ಯಗಳನ್ನು ಸರಿಯಾಗಿ ನಿರ್ವಹಿಸಲು ನಮ್ಮ ದೇಹಕ್ಕೆ ಹಲವಾರು ಜೀವಸತ್ವಗಳು ಮತ್ತು ಪೋಷಕಾಂಶಗಳ ಅಗತ್ಯವಿರುತ್ತದೆ. ಕೆಲವೊಮ್ಮೆ ದೇಹಕ್ಕೆ ಸರಿಯಾಗಿ ಪೋಷಕಾಂಶಗಳು ಸಿಗದಿದ್ದಾಗ ಕೈ ಕಾಲುಗಳಲ್ಲಿ ಆಯಾಸ ಉಂಟಾಗಿ ಜುಮ್ಮೇನಿಸಲು ಪ್ರಾರಂಭವಾಗುತ್ತದೆ. ಇದಕ್ಕೆ ಪ್ರಮುಖವಾಗಿ ಪೋಷಕಾಂಶಗಳ ಕೊರತೆ ಕಾರಣವಾಗಿರುತ್ತದೆ.
ಜೀವಸತ್ವಗಳ ಕೊರತೆಯು, ವ್ಯಕ್ತಿಯಿಂದ ವ್ಯಕ್ತಿಗೆ ಸಣ್ಣ ಅಥವಾ ದೊಡ್ಡ ಆರೋಗ್ಯ ತೊಡಕುಗಳಿಗೆ ಕಾರಣವಾಗಬಹುದು. ವಿಟಮಿನ್ ಬಿ 12 ಯು ಆರೋಗ್ಯಕರ ಕೆಂಪು ರಕ್ತ ಕಣಗಳನ್ನು ರಚಿಸಲು ಅಗತ್ಯವಾದ ವಿಟಮಿನ್ ಆಗಿದೆ. ದೀರ್ಘಕಾಲದ ವಿಟಮಿನ್ ಬಿ 12 ಕೊರತೆಯು ನಿಮ್ಮ ಆರೋಗ್ಯಕ್ಕೆ ಅಪಾಯಕಾರಿ. ಇದು ನರ ಹಾನಿ, ಹೃದಯ ವೈಫಲ್ಯ ಮತ್ತು ಹೊಟ್ಟೆಯ ಕ್ಯಾನ್ಸರ್ನಂತಹ ಅಡ್ಡ ಪರಿಣಾಮಗಳಿಗೆ ಕಾರಣವಾಗಬಹುದು.
ವಿಟಮಿನ್ ಬಿ 12-ಸಂಬಂಧಿತ ನರಗಳ ಹಾನಿಯ ಆರಂಭಿಕ ಚಿಹ್ನೆಯು ಕೈಗಳು ಅಥವಾ ಪಾದಗಳಲ್ಲಿ ಜುಮ್ಮೆನ್ನುವುದರಿಂದ ಪ್ರಾರಂಭವಾಗುತ್ತದೆ. ದೇಹದಲ್ಲಿ ಅಗತ್ಯವಾದ ಪ್ರಮಾಣದ ವಿಟಮಿನ್ ಬಿ 12 ಸಿಗದಿದ್ದಾಗ ನರಗಳ ಹಾನಿ ಸಂಭವಿಸುತ್ತದೆ.
ಹೀಗಾಗಿ ದಿನನಿತ್ಯ ನೀವು ವಿಟಮಿನ್ ಬಿ12 ಸಿಗುವಂತಹ ಆಹಾರವನ್ನು ಸೇವಿಸಬೇಕು.
ವಿಟಮಿನ್ ಬಿ 12 ಕೊರತೆಯನ್ನು ಹೊಂದಿರುವ ವಯಸ್ಕರು ಪ್ರತಿದಿನ ಬಿ 12 ಪೂರಕ ಅಥವಾ ಬಿ 12 ಹೊಂದಿರುವ ಮಲ್ಟಿವಿಟಮಿನ್ ಅನ್ನು ತೆಗೆದುಕೊಳ್ಳಬೇಕಾಗುತ್ತದೆ.
ನೀವು ಮಾಂಸಾಹಾರಿಗಳಾಗಿದ್ದರೆ, ಪ್ರಾಣಿ ಮೂಲಗಳಿಂದ, ಡೈರಿ ಉತ್ಪನ್ನಗಳು, ಮೊಟ್ಟೆಗಳು, ಮೀನು, ಮಾಂಸ ಮತ್ತು ಕೋಳಿ ಸೇವಿಸುವುದರಿಂದ ನಿಮಗೆ ಈ ವಿಟಮಿನ್ ಸಿಗುತ್ತದೆ. ಇನ್ನು ಸಸ್ಯಾಹಾರಿಗಳಿಗೆ ನೀವು B12 ನೊಂದಿಗೆ ಬಲವರ್ಧಿತ ಆಹಾರವನ್ನು ಹುಡುಕುತ್ತಿದ್ದರೆ ಸೊಪ್ಪುಗಳು, ಹಾಲುಗಳು, ಧಾನ್ಯಗಳು, ಕೆಲವು ಸಂಸ್ಕರಿಸಿದ ಆಹಾರಗಳಲ್ಲಿ B12 ದೊರೆಯುತ್ತದೆ.
ವಿಟಮಿನ್ B12 ಪಡೆಯಲು ನಿಮ್ಮ ಪೌಷ್ಟಿಕತಜ್ಞರೊಂದಿಗೆ ಸಮಾಲೋಚಿಸಿದ ನಂತರ ಆಹಾರಗಳನ್ನು ತೆಗೆದುಕೊಳ್ಳಿ. ಕೆಂಪು ರಕ್ತ ಕಣಗಳು ಸಕ್ರಿಯವಾಗಲು ವಿಟಮಿನ್ ಬಿ 12 ಅತ್ಯಗತ್ಯ. ಈ ಕೆಂಪು ರಕ್ತ ಕಣಗಳು ದೇಹದ ಸುತ್ತಲೂ ಆಮ್ಲಜನಕವನ್ನು ಸಾಗಿಸುತ್ತವೆ. ವಿಟಮಿನ್ ಬಿ 12 ಕೊರತೆಯು ರಕ್ತದಲ್ಲಿ ಆಮ್ಲಜನಕವನ್ನು ಸಾಗಿಸುವ ಸಾಮರ್ಥ್ಯದ ಕೊರತೆಯಿಂದಾಗಿ ಆಯಾಸ ಉಂಟಾಗಬಹುದು. ಇದನ್ನು ಮೆಗಾಲೊಬ್ಲಾಸ್ಟಿಕ್ ರಕ್ತಹೀನತೆ ಎಂದು ಕರೆಯಲಾಗುತ್ತದೆ.
ವಿಟಮಿನ್ B12 ಕೊರತೆಯ ಇತರ ರೋಗಲಕ್ಷಣಗಳೆಂದರೆ ಉಸಿರಾಟದ ತೊಂದರೆ, ತಲೆನೋವು, ಅಜೀರ್ಣ, ಹಸಿವಿನ ಕೊರತೆ, ದೃಷ್ಟಿಯಲ್ಲಿ ತೊಂದರೆಗಳು, ದುರ್ಬಲ ಭಾವನೆ, ಅತಿಸಾರ, ಕೆಂಪು ನಾಲಿಗೆ, ನೆನಪಿನ ಶಕ್ತಿಯ ಕೊರತೆಗಳು ಕಾಣಿಸಿಕೊಳ್ಳುತ್ತವೆ.
ಇವೆಲ್ಲ ಕಾರಣದಿಂದಾಗಿ ನಿಮ್ಮ ಕೈಕಾಲಿನಲ್ಲಿ ಜುಮ್ಮೆನಿಸುತ್ತದೆ ಅದಕ್ಕಾಗಿ ನೀವು ಪೌಷ್ಟಿಕಾಂಶ ಇರುವ ಮತ್ತು ವಿಟಮಿನ್ ಬಿ12 ಇರುವ ಜೀವ ಸತ್ವಗಳನ್ನು ಸೇವಿಸುವುದು ತುಂಬಾ ಒಳ್ಳೆಯದು.