ನಮಗೆ ಒಂದೊಂದು ಸಂದರ್ಭದಲ್ಲಿ ಸಾಮಾನ್ಯವಾಗಿ ಬೆನ್ನು ನೋವು ಬರುತ್ತದೆ.ಆಗ ನಾವು ನೋವಿನ ಮಾತ್ರೆ ತೆಗೆದುಕೊಂಡು ಸುಮ್ಮನಾಗುತ್ತೇವೆ.
ಆದರೆ ಇದ್ದಕ್ಕಿದ್ದಂತೆ ಕೆಲವೊಂದು ಸಂದರ್ಭಗಳಲ್ಲಿ ಉಂಟಾಗುವ ಬೆನ್ನು ನೋವು ತೀವ್ರ ಸ್ವರೂಪ ಪಡೆದುಕೊಂಡಿರುತ್ತದೆ. ಎಷ್ಟು ದಿನಗಳಾದರೂ ಹೋಗಿರುವುದಿಲ್ಲ. ಇದನ್ನು ಕ್ಯಾನ್ಸರ್ ಎಂದು ಡಾಕ್ಟರ್ ಹೇಳುತ್ತಾರೆ. ಹಾಗಾದರೆ ಬೆನ್ನು ನೋವು ಬಂದರೆ ನಿಜವಾಗಲೂ ಕ್ಯಾನ್ಸರ್ ಇರುತ್ತಾ? ಇದರ ಲಕ್ಷಣಗಳೇನು?
ಕ್ಯಾನ್ಸರ್ ನಿಂದ ಬೆನ್ನು ನೋವು ನಮ್ಮಲ್ಲಿ ತುಂಬಾ ಜನರಿಗೆ ಬರುತ್ತಿರುತ್ತದೆ. ನಾವು ಸಾಮಾನ್ಯವಾಗಿ ನಮಗೆ ಬರುವ ಬೆನ್ನು ನೋವನ್ನು ಮಾಂಸ ಖಂಡಗಳ ತೊಂದರೆಯಿಂದ ಉಂಟಾಗಿದೆ ಅಥವಾ ಸೊಂಟ ಉಳುಕಿದೆ ಎಂದು ತಿಳಿದುಕೊಳ್ಳುತ್ತೇವೆ. ಆದರೆ ಇದು ಕ್ಯಾನ್ಸರ್ ಲಕ್ಷಣವಾಗಿರಬಹುದು ಎಂದು ಕೆಲವೊಂದು ಸಂಶೋಧನೆಗಳು ಮತ್ತು ಆರೋಗ್ಯ ತಜ್ಞರು ಹೇಳುತ್ತಿದ್ದಾರೆ.
ಈ ಕ್ಯಾನ್ಸರ್ ಬಂದರೆ ಬೆನ್ನು ನೋವು ಹೆಚ್ಚಾಗಿ ಕಾಣಿಸಿಕೊಳ್ಳುತ್ತದೆ. ಕ್ಯಾನ್ಸರ್ ರೋಗಿಗಳಲ್ಲಿ ಬೆನ್ನು ನೋವು ಬರುವ ಕಾರಣ ಎಂದರೆ ಅದು ಮೆಟಾಸ್ಟಾಸಿಸ್. ಇಲ್ಲಿ ಕ್ಯಾನ್ಸರ್ ಕಾಯಿಲೆ ಬೆನ್ನಿನ ಭಾಗಕ್ಕೆ ಹರಡಿರುತ್ತದೆ. ಆರೋಗ್ಯ ತಜ್ಞರು ಹೇಳುವ ಹಾಗೆ ಶ್ವಾಸಕೋಶ ಕ್ಯಾನ್ಸರ್, ಸ್ತನ ಕ್ಯಾನ್ಸರ್ ಮತ್ತು ಕರುಳಿನ ಕ್ಯಾನ್ಸರ್ ಯಾರಿಗಾದರೂ ಇದ್ದರೆ ಅದು ನಿಧಾನವಾಗಿ ಬೆನ್ನಿನ ಭಾಗಕ್ಕೆ ಹರಡುತ್ತದೆ ಮತ್ತು ಬೆನ್ನು ಹುರಿಯ ಅಕ್ಕ ಪಕ್ಕ ನೋವು ಬರುತ್ತದೆ.
ವರದಿಗಳು ಹೇಳುವ ಪ್ರಕಾರ ಶ್ವಾಸಕೋಶ ಕ್ಯಾನ್ಸರ್ ಹೊಂದಿರುವ ಶೇಕಡ 25% ಜನರು ತಮಗೆ ಬೆನ್ನು ನೋವು ಇದೆ ಎಂದು ಕಂಪ್ಲೇಂಟ್ ಹೇಳುತ್ತಾರೆ. ಲಂಡನ್ ನ ಪ್ರತಿಷ್ಠಿತ ಕ್ಯಾನ್ಸರ್ ಸಂಶೋಧನಾ ಸಂಸ್ಥೆ ಹೇಳಿರುವ ಪ್ರಕಾರ ಶ್ವಾಸಕೋಶದ ಕ್ಯಾನ್ಸರ್ ಸಾಮಾನ್ಯವಾಗಿ ಮೂಳೆಗಳಿಗೆ ಹರಡಿರುತ್ತದೆ ಹಾಗಾಗಿ ಬೆನ್ನಿನ ಕೆಳಭಾಗ ಅಥವಾ ಸೊಂಟದ ಭಾಗದಲ್ಲಿ ನೋವು ಅತಿಯಾಗಿ ಕಾಣಿಸಿಕೊಳ್ಳುತ್ತದೆ.
ಇದರ ಜೊತೆಗೆ ರಾತ್ರಿಯ ಸಮಯದಲ್ಲಿ ಮೈ ಬೆವರುವುದು, ಜ್ವರ, ಚಳಿ, ಕರುಳಿನ ತೊಂದರೆಗಳು ಮತ್ತು ಇದ್ದಕ್ಕಿದ್ದಂತೆ ತೂಕ ಕಡಿಮೆಯಾಗುವ ಸಾಧ್ಯತೆ ಕೂಡ ಇದರಿಂದ ಸಂಭವಿಸುತ್ತದೆ. ದೇಹದ ತೂಕ ಯಾವ ರೀತಿ ಕಡಿಮೆ ಆಗುತ್ತದೆ ಎಂದರೆ ಯಾವುದೇ ಡಯಟ್ ಅಥವಾ ವ್ಯಾಯಾಮ ಅನುಸರಿಸುವ ಅವಶ್ಯಕತೆಯೇ ಇರುವುದಿಲ್ಲ. ಆದರೂ ತೂಕ ಕಡಿಮೆಯಾಗುತ್ತದೆ.
ಕೇಳಲು ಸರಳವಾದರೂ ತುಂಬಾ ಭಯಾನಕವಾಗಿ ಬೆನ್ನು ನೋವು ಬಂದರೆ ಅದು ತಾತ್ಕಾಲಿಕವಾಗಿರುತ್ತದೆ ಮತ್ತು ಕ್ರಮೇಣವಾಗಿ ಕಡಿಮೆಯಾಗುತ್ತದೆ. ಆದರೆ ಕ್ಯಾನ್ಸರ್ ನಿಂದ ಬರುವ ಬೆನ್ನು ನೋವು ನಿರಂತರವಾಗಿರುತ್ತದೆ ಮತ್ತು ನೀವು ಮಗ್ಗಲು ಬದಲಿಸಿ ಮಲಗಿಕೊಳ್ಳುವುದರಿಂದ ಅಥವಾ ದೈಹಿಕ ಚಲನೆ ಮಾಡುವುದರಿಂದ ಕಡಿಮೆಯಾಗುವುದಿಲ್ಲ. ತೀವ್ರವಾದ ನೋವಿಗಿಂತ ನಿಮಗೆ ಒಂದು ರೀತಿಯ ಅಸಹಜ ಅನುಭವ ಉಂಟಾಗುತ್ತದೆ.
ಈ ಮೇಲೆ ಹೇಳಿರುವ ರೀತಿಯಲ್ಲಿ ರೋಗ ಲಕ್ಷಣಗಳು ಒಂದು ವೇಳೆ ನಿಮಗೆ ಕಂಡುಬಂದಿದ್ದರೆ ತಕ್ಷಣವೇ ವೈದ್ಯರನ್ನು ಸಂಪರ್ಕಿಸುವುದು ಒಳ್ಳೆಯದು. ಏಕೆಂದರೆ ಅವರ ಸರಿಯಾದ ತನಿಖೆಯಿಂದ ನಿಮಗೆ ಬಂದಿರುವ ಬೆನ್ನು ನೋವು ಸಾಧಾರಣ ಬೆನ್ನು ನೋವೇ ಅಥವಾ ಕ್ಯಾನ್ಸರ್ ನಿಂದ ಬಂದಿರುವ ಬೆನ್ನು ನೋವು ಇರಬಹುದಾ ಎಂಬುದನ್ನು ಪತ್ತೆ ಹಚ್ಚುತ್ತಾರೆ ಮತ್ತು ಅದಕ್ಕೆ ತಕ್ಕಂತೆ ಸೂಕ್ತ ಚಿಕಿತ್ಸೆಯನ್ನು ಒದಗಿಸುತ್ತಾರೆ. ಹೀಗಾಗಿ ಸಾಮಾನ್ಯ ಬೆನ್ನು ನೋವಾದರೂ ನೀವು ಅಲಕ್ಷಿಸದೆ ಅದನ್ನು ವೈದ್ಯರ ಬಳಿ ತೋರಿಸಿಕೊಳ್ಳುವುದು ಉತ್ತಮ.