ಮಕ್ಕಳ ಪರಿಪಾಲನೆ ಪ್ರತೀ ಹಂತದಲ್ಲೂ ಪೋಷಕರಿಗೆ ಸವಾಲಗಿರುತ್ತದೆ. ಇನ್ನು ತಮ್ಮ ಮಕ್ಕಳು ಮಾದಕ ವ್ಯಸನದ ದಾಸರಾಗಿದ್ದಾರೆ ಎಂದಾದಲ್ಲಿ ಉಂಟಾಗುವ ಮಾನಸಿಕ ತಳಮಳ, ವಿವರಿಸಲಸಾಧ್ಯ. ಹೆತ್ತವರು, ಹೊಡಿ- ಬಡಿ ಎಂಬ ನಿತ್ಯ ನೀತಿಯನ್ನು ಪರಿಗಣಿಸಿ ಮೊದಲ ಹಂತದಲ್ಲೇ ತಪ್ಪೆಸಗುತ್ತಾರೆ.
ಪೋಷಕರು ಏನು ಮಾಡ ಬಾರದು:
ತಮ್ಮ ಮಕ್ಕಳ ಒಳಗೊಳ್ಳುವಿಕೆ/ ನಂಟು ಮಾದಕ ವ್ಯಸನದಂತಹ ವಿನಾಶಕಾರಿ ಅಂಶದಲ್ಲಿದೆ ಎಂದರೆ, ಹೆತ್ತರು ಮೊದಲು ಯೋಚಿಸುವ ಸ್ಥಳ, ಮಕ್ಕಳನ್ನು ಹಾಸ್ಟೆಲ್ ಕಳುಹಿಸುವುದು. ಹಾಸ್ಟೆಲ್ ಗೆ ಹೋದರೆ ಅಲ್ಲಿರುವ ನಿಯಮಗಳಿಗೆ ಅನುಗುಣವಾಗಿ ತಮ್ಮ ಚಟದಿಂದ ದೂರ ವಾಗುತ್ತಾರೆ ಎಂಬುದು ಪೊಳ್ಳು ನಂಬಿಕೆ. ಹೆತ್ತ ತಂದೆ ತಾಯಿ ಯಿಂದ ಬೇರೆಯಾಗಿ, ಮಕ್ಕಳು ಮತ್ತಷ್ಟು ಸ್ವತಂತ್ರರಾಗುತ್ತಾರೆ. ನಿಮಗೆ ನಿಮ್ಮ ಮಗುವಿನ ವ್ಯಸನದ ಅರಿವಾದ ಕ್ಷಣ, ತ್ವರಿತವಾಗಿ ಪ್ರತಿಕ್ರಯಿಸುವುದರಿಂದ ದೂರವಿರಿ.
ಏನು ಮಾಡಬೇಕು:
ತಮ್ಮ ಮಕ್ಕಳಿಗೆ ನೀಡುವ ಸಮಯವನ್ನು ಕಡ್ಡಾಯವಾಗಿ ಮೀಸಲಿಡಿ. ಒಳ್ಳೆಯ ಅವಕಾಶವನ್ನು ನೋಡಿ, ಸಮಾಧಾನವಾಗಿ ಅವರ ವ್ಯಸನದ ಬಗ್ಗೆ ಮಾತನಾಡಿ. ಇಲ್ಲಿ ಯಾವುದೇ ರೀತಿಯ ಕೋಪ, ಬೈಗುಳ ತಮ್ಮ ಕಡೆಯಿಂದ ಆಗದಂತೆ ನೋಡಿಕೊಳ್ಳಿ. ಒಬ್ಬ ಹಿತೈಷಿಯಾಗಿ ಉಪದೇಶಿಸಿ. ಇಲ್ಲಿ ಮಕ್ಕಳಲ್ಲಿ ಬೇಕಿರುವುದು ಒಬ್ಬ ಒಳ್ಳೆಯ ಸಹಪಾಟಿಯೇ ವಿನಃ ಗದರಿಸುವ ಉಪಾಧ್ಯಾಯರಲ್ಲ.
ಅವರು ವ್ಯಸನಕ್ಕೆ ತುತ್ತಾಗಿರುವ ಕಾರಣವನ್ನು ಕೇಳಿ ಪಡೆದುಕೊಳ್ಳಿ. ಅದಕ್ಕೆ ನಿಮ್ಮ ಪರಿಹಾರವನ್ನು ಸೂಚಿಸಿ. ಪ್ರತೀ ನಿತ್ಯ ಅವರ ಆಗು ಹೋಗುಗಳ ಬಗ್ಗೆ ಗಮನವಿರಲಿ ಆದರೆ ಬಂಧಿಯಂತೆ ಶೋಷಿಸಬೇಡಿ. ಧಾರ್ಮಿಕ ಚಟುವಟಿಕೆಗಳಲ್ಲಿ ಹೆಚ್ಚು ಆಸಕ್ತಿ ತುಂಬಿ. ನಿಮ್ಮ ಮಕ್ಕಳಲ್ಲಿ ಮುಕ್ತವಾಗಿ ಅವರ ವ್ಯಸನ ಮತ್ತು ಅದರ ದುಷ್ಪರಿಣಾಮದ ಬಗ್ಗೆ ಚರ್ಚಿಸಿ. ಇನ್ನು ಹಲವಾರು ವರ್ಷಗಳಿಂದ ನಿಮ್ಮ ಮಕ್ಕಳು ಮಾದಕ ವ್ಯಸನಕ್ಕೆ ತುತ್ತಗಿರುವರಾಗಿದ್ದರೆ, ತ್ವರಿತ ವಾಗಿ ಬದಲಾವನೆ ಬಯಸುವುದು ಕಷ್ಟ. ಆದ್ದರಿಂದ, ವ್ಯಸನ ಮುಕ್ತವಾಗಲು ಅವರನ್ನು ಹಂತ ಹಂತ ವಾಗಿ ಪ್ರೋತ್ಸಾಹಿಸಿ.
ಇವೆಲ್ಲದರೊಂದಿಗೆ ಅವರ ಮಾನಸಿಕ ಆರೋಗ್ಯದ ಕಡೆಗೂ ಗಮನ ನೀಡಿ, ವ್ಯಸನ ಮುಕ್ತರಾಗುವ ಹಾದಿಯಲ್ಲಿ ಕಂಡು ಬರುವ ಎಲ್ಲಾ ಅಡ್ಡ ಪರಿಣಾಮಗಳನ್ನು ಅರಿತು ಅವರ ಹಾದಿಯಲ್ಲಿ ಬೆನ್ನೆಲುಬಾಗಿ. ವಿಜಯದ ಹದಿ ಖಂಡಿತವಾಗಿಯೂ ಕಠಿಣವಾದದ್ದು, ಆದರೆ ಆಸಾಧ್ಯವಲ್ಲ.