ಪರಸ್ಪರ ಫೋನಿನಲ್ಲಿ ಮಾತನಾಡುವುದು ಸಾಮಾನ್ಯವಾಗಿದೆ. ಎಲ್ಲರ ಕೈಯಲ್ಲಿಯೂ ಮೊಬೈಲ್ ಇರುವುದರಿಂದ ಚಿಕ್ಕ ಚಿಕ್ಕ ವಿಷಯಕ್ಕೂ ನಾವು ಕರೆಗಳನ್ನು ಮಾಡಿಕೊಂಡು ಮಾತನಾಡುತ್ತಿರುತ್ತೇವೆ. ಕೆಲವೊಮ್ಮೆ ಕೆಲಸಕ್ಕಾಗಿ, ಕೆಲವೊಮ್ಮೆ ದೂರದಲ್ಲಿರುವವರ ಬಂಧು ಮಿತ್ರರೊಂದಿಗೆ ಅಥವಾ ವ್ಯಾಪಾರಕ್ಕೆ ಸಂಬಂಧಿಸಿದ ವಿಷಯಗಳಿಗೂ ಗಂಟೆಗಟ್ಟಲೆ ಫೋನ್ ನಲ್ಲಿ ಮಾತನಾಡುತ್ತೇವೆ.
ದೀರ್ಘಕಾಲ ಈ ಮೊಬೈಲ್ ಫೋನ್ನಲ್ಲಿ ಮಾತನಾಡಿದ ನಂತರ, ನಿಮ್ಮ ತಲೆ ಮತ್ತು ಕಿವಿಗಳು ಮರಗಟ್ಟಿದ ಹಾಗೆ ಆಗುತ್ತದೆ. ಆಗ ನಾವೂ ಕೂಡ ಸ್ವಲ್ಪ ಹೊತ್ತು ಕಣ್ಣು ಮುಚ್ಚಿ ಸುಮ್ಮನೆ ಕೂರಲು ಬಯಸುತ್ತೇವೆ. ಬಹಳ ಹೊತ್ತಿನ ನಿರಂತರ ಮಾತು ಅಥವಾ ಕೇಳುವಿಕೆಯಿಂದ ಹೀಗಾಯಿತು ಎಂದು ಅನಿಸುವುದು ನಿಜ. ಆದರೆ ಆರೋಗ್ಯದ ದೃಷ್ಟಿಯಿಂದ ಇದರ ಹಿಂದೆ ಬಹಳ ಮುಖ್ಯವಾದ ಕಾರಣವಿದೆ, ದೀರ್ಘಕಾಲ ಫೋನ್ನಲ್ಲಿ ಮಾತನಾಡಿದ ನಂತರ ನಮ್ಮ ರಕ್ತದೊತ್ತಡ ಹೆಚ್ಚಾಗುವ ಸಾಧ್ಯತೆಯಿರುತ್ತದೆ. ನೀವು ದಿನದಲ್ಲಿ 30 ನಿಮಿಷ ಅಥವಾ ಅದಕ್ಕಿಂತ ಹೆಚ್ಚು ಕಾಲ ಫೋನ್ನಲ್ಲಿ ಮಾತನಾಡಿದರೆ, ನೀವು ಅಧಿಕ ರಕ್ತದೊತ್ತಡದಿಂದ ಬಳಲುತ್ತಿರುವ ಸಾಧ್ಯತೆ ಇರುತ್ತದೆ ಎನ್ನುವುದನ್ನು ಮರೆಯಬಾರದು.
ಚೀನಾದ ಗುವಾಂಗ್ಝೌನಲ್ಲಿರುವ ಕ್ಸಿಯಾನ್ಹುಯಿ ಕ್ವಿನ್ ಸದರ್ನ್ ಮೆಡಿಕಲ್ ಯೂನಿವರ್ಸಿಟಿಯ ಸಂಶೋಧಕರ ಪ್ರಕಾರ, ಫೋನ್ ಸಂಭಾಷಣೆಯ ಅವಧಿಯು 30 ನಿಮಿಷಗಳಿಗಿಂತ ಹೆಚ್ಚು ಇದ್ದರೆ ಅಪಾಯವು ಹೆಚ್ಚಾಗುತ್ತದೆ ಅಂತೆ. ಸಂಶೋಧನೆಯು ಯುರೋಪಿಯನ್ ಹಾರ್ಟ್ ಜರ್ನಲ್ನಲ್ಲಿ ಪ್ರಕಟವಾಗಿದೆ.
ಪ್ರಸ್ತುತ, ಎಲ್ಲ ಜನ ಸಾಮಾನ್ಯರ ಕೈಯಲ್ಲೂ ಮೊಬೈಲ್ ಫೋನ್ ಇಟ್ಟುಕೊಂಡಿರುತ್ತಾರೆ. ಮೊಬೈಲ್ ಫೋನ್ಗಳಲ್ಲಿ ರೇಡಿಯೋ ಫ್ರೀಕ್ವೆನ್ಸಿ ಶಕ್ತಿಯು ಕಡಿಮೆ ಮಟ್ಟದಲ್ಲಿದೆ. ಇದು ರಕ್ತದೊತ್ತಡದೊಂದಿಗೆ ನೇರ ಸಂಬಂಧವನ್ನು ಹೊಂದಿದೆ ಎಂದು ಸಂಶೋಧನೆ ತೋರಿಸಿದೆ. ಅಧಿಕ ರಕ್ತದೊತ್ತಡದ ಕಾರಣದಿಂದಾಗಿ ಇದು ಅಕಾಲಿಕ ಮರಣಕ್ಕೆ ಕಾರಣವಾಗುವ ಹೃದಯಾಘಾತ ಅಥವಾ ಪಾರ್ಶ್ವವಾಯು ಅಪಾಯವನ್ನು ಹೆಚ್ಚಿಸುತ್ತದೆ. ಈ ಸಂಶೋಧನೆಗಾಗಿ ಸುಮಾರು 14 ಸಾವಿರ ಜನರನ್ನು ಅಧ್ಯಯನ ಮಾಡಲಾಗಿದೆ ಮತ್ತು ಈ ಸಂಶೋಧನೆಯನ್ನು ಹೆಚ್ಚು ನಿಖರವಾಗಿ ಮಾಡಲು ಹೆಚ್ಚಿನ ಅಧ್ಯಯನಗಳು ಅಗತ್ಯವಿದೆ ಎಂದು ಕಿನ್ ಅಭಿಪ್ರಾಯ ವ್ಯಕ್ತಪಡಿಸುತ್ತಾರೆ.
ಈಗ ನೀವು ನೇರವಾಗಿ ಫೋನ್ನಲ್ಲಿ ಮಾತನಾಡುವ ಬದಲು ಹ್ಯಾಂಡ್ಸ್ ಫ್ರೀ ಬಳಸಿದರೆ ರಕ್ತದೊತ್ತಡದ ಸಾಧ್ಯತೆಗಳು ಕಡಿಮೆಯಾಗುತ್ತವೆ ಎಂದು ನೀವು ಭಾವಿಸಬಹುದು, ಆದರೆ ಹ್ಯಾಂಡ್ಸ್ ಫ್ರೀ ಹೆಚ್ಚಿನ ವ್ಯತ್ಯಾಸವನ್ನು ಮಾಡುವುದಿಲ್ಲ ಮತ್ತು ದೇಹವು ಅದೇ ರೀತಿ ಬಳಲುತ್ತದೆ ಎಂದು ಹೇಳಲಿಗುತ್ತದೆ. ಅದಕ್ಕಾಗಿ ನಾವೇ ಆದಷ್ಟು ಫೋನಿನಲ್ಲಿ ಮಾತನಾಡುವುದನ್ನು ಕಡಿಮೆ ಮಾಡುವುದು ಉತ್ತಮ.