ಹೀರೋ ಇಲ್ಲ
ಹೀರೋಯಿನ್ ಇಲ್ಲ.
ಹೇಳಿಕೊಳ್ಳುವ ಕಥೆಯೂ ಇಲ್ಲ.
ಯಾವ action scene ಸಾ ಇಲ್ಲ.
ಕೊನೆಯಲ್ಲಿ ಯಾವ ಸಂದೇಶವೂ ಇಲ್ಲ.
ಒಟ್ನಲ್ಲಿ ಮನೋರಂಜನೆಗಂತೂ ಕೊರತೆ ಇಲ್ಲ!
ಇದು ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ ಸಿನಿಮಾದ ಸಣ್ಣ ಝಲಕ್. ಒಂದು ಹಾಸ್ಟೆಲ್ ನಲ್ಲಿ ಒಂದು ರಾತ್ರಿ ನಡೆಯುವ ಘಟನೆಯೇ ಸಿನಿಮಾವಾಗಿ ಮೂಡಿ ಬಂದಿದೆ. ಹಾಸ್ಟೆಲ್ನಲ್ಲಿ ಎಂತೆಂತಾ ವಿದ್ಯಾರ್ಥಿಗಳು ಇರ್ತಾರೆ ಅನ್ನೋದನ್ನು ಸಂದರ್ಭೋಚಿತವಾಗಿ ಪರಿಚಯಿಸಲಾಗಿದೆ.
ಸಣ್ಣದಾಗಿ ಕಥೆ ಹೇಳೋದಾದ್ರೆ, ಹಾಸ್ಟೆಲ್ ನಲ್ಲಿ ವಿದ್ಯಾರ್ಥಿಗಳು. ಮರುದಿನ ಪರೀಕ್ಷೆಗೆ ತಯಾರಾಗ್ತಿದ್ದಾರೆ. ಅಲ್ಲೊಬ್ಬ ವಿದ್ಯಾರ್ಥಿಗೆ ಸಿನಿಮಾ ಹುಚ್ಚು. ಒಂದು ಕಥೆ ತಯಾರಾಗಿದೆ. ಅದ್ನ ಮಾಡ್ಬೇಕು ಅನ್ನೋ ಹಪಾಹಪಿ, ಆದ್ರೆ ಸಹಪಾಠಿಗಳಿಂದ ಸೂಕ್ತ ಪ್ರೋತ್ಸಾಹ ಸಿಗ್ತಿಲ್ಲ. ಸಿನಿಮಾದಲ್ಲಿ ವಾರ್ಡನ್ನೂ ಪಾತ್ರಧಾರಿ. ಅವರನ್ನು ಹೇಗಾದರೂ ಮಾಡಿ ಒಪ್ಪಿಸ್ತಾನೆ ಈ ಫಿಲ್ಮ್ ಮೇಕರ್. ಬಟ್, ಪರೀಕ್ಷೆ ಹಿಂದಿನ ದಿನ ರಾತ್ರಿ ವಾರ್ಡನ್ ಆತ್ಮಹತ್ಯೆ ಮಾಡ್ಕೊಳ್ತಾರೆ. ಸೂಸೈಡ್ ನೋಟ್ ಬೇರೆ ಬರ್ದಿರ್ತಾರೆ. ಈ ವಿಷ್ಯ ಒಬ್ರಿಂದ ಇನ್ನೊಬ್ರಿಗೆ ಹರಿದಾಡಿ, ಹಾಸ್ಟೆಲ್ ನ ಸುಮಾರು 10-15 ಮಂದಿಗೆ ಗೊತ್ತಾಗ್ತದೆ. ಬೆಳಗಾಗುವುದರೊಳಗೆ ಇವ್ರು ಆ ಘಟನೆಯನ್ನು ಮುಚ್ಚಿಹಾಕಲು ಏನೆಲ್ಲಾ ಮಾಡ್ತಾರೆ ಅನ್ನೋದೇ ಚಿತ್ರಕಥೆ.
ಅಜಿತ್ – ಪಾತ್ರಕ್ಕೆ ಸ್ವಲ್ಪ ಜಾಸ್ತಿ ಫೋಕಸ್ ಸಿಕ್ಕರೂ, ಆತನನ್ನು ಹೀರೋ ಅನ್ಲಿಕ್ಕಾಗಲ್ಲ. ಉಳಿದ ಹುಡುಗರಿಗೆಲ್ಲ ಪ್ರಾಮುಖ್ಯತೆ ಕೊಡಲಾಗಿದೆ. ಸ್ಮಿತಾ – ಪಾತ್ರವನ್ನು ಹೀರೋಯಿನ್ ಅನ್ಬೋದಾದ್ರೂ, ಹೆಚ್ಚಿನ ಸಮಯ screen ನಲ್ಲಿ ಅವ್ಳು ಕಾಣಲ್ಲ. ಇವ್ಳನ್ ಬಿಟ್ರೆ, ಇನ್ನಿಬ್ರು ಹುಡ್ಗೀರ್ ಬರ್ತಾರೆ. ಜಾಸ್ತಿ ಹೊತ್ತೇನೂ ಇರಲ್ಲ ಅವ್ರು.
ಈ ಸಿನಿಮಾದಲ್ಲಿ ರಿಷಭ್ ಶೆಟ್ಟಿ, ಶೈನ್ ಶೆಟ್ಟಿ, ದಿಗಂತ್, ಪವನ್ ಕುಮಾರ್ ಹಾಗೂ ರಮ್ಯ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ರಿಷಭ್, ಪವನ್, ಶೈನ್ – ಮೂವರೂ ಹಳೇ. ವಿದ್ಯಾರ್ಥಿಗಳ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಅದೂ ಅನಗತ್ಯ ಅನಿಸಿದರೂ, ಸಿನಿಮಾದ ಚಿತ್ರಕಥೆಯಲ್ಲೇ ಅದು ಮುಂದೆ ಸಾಗುತ್ತೆ. ರಮ್ಯಾ ಪಾತ್ರ ಅನಗತ್ಯ ಅಂತನಿಸಿತು. ಸಿನಿಮಾ ಪ್ರಚಾರಕ್ಕೆ ಮಧ್ಯಮಧ್ಯದಲ್ಲಿ ತುರುಕಿಸಲಾಗಿದೆ. ಮತ್ತೊಬ್ಬರು ದಿಗಂತ್, ಅವ್ರ ಪಾತ್ರ ಇಲ್ದಿದ್ರೂ ಸಿನಿಮಾ ನಡೀತಿತ್ತು.
ಹಾಡುಗಳೂ ಕಥೆಯೊಂದಿಗೇ ಸಾಗುತ್ತೆ. ಎರಡು ಗಂಟೆ ಬರೀ ಡೈಲಾಗ್ ಸನ್ನಿವೇಶಗಳು ಬೋರ್ ಹೊಡೆಸಬಾರದು ಅನ್ನೋ ಕಾರಣಕ್ಕೆ ಹಾಡನ್ನು ಹಾಕಲಾದಂತಿದೆ. ಹಾಗಂತ ಅವು ಅನಗತ್ಯ ಅಂತೇನೂ ಅನ್ಸಲ್ಲ. ಕೆಲವು bgm ಗಳು, ಸೌಂಡ್ ಎಫೆಕ್ಟ್ಗಳು ಇಷ್ಟ ಆದ್ವು. ಎಲ್ಲಕ್ಕಿಂತ ಮಿಗಿಲಾಗಿ, ಸಿನಿಮಾ ಎಡಿಟಿಂಗ್ ಬಹಳ ಇಷ್ಟ ಆಯ್ತು. ಹೊಸ ಹೊಸ ಟೆಕ್ನಿಕ್ ಬಳಸಿ, ಈಗಿನ ಯುವಕರಿಗಾಗಿಯೇ ಹೇಳಿ ಮಾಡಿಸಿದ ಹಾಗೆ ಇದೆ, ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ ಸಿನಿಮಾ.
Interval ಗೂ ಹಿಂದಿನ ಸೀನು ಹಾಗೂ interval ಆದ ಕೂಡಲೇ ಬರೋ ಮೊದಲ ಸೀನು ನೋಡುವಾಗ, ಸಿನಿಮಾ ಎಡಿಟಿಂಗ್ ಎಷ್ಟೊಂದು ವ್ಯವಸ್ಥಿತವಾಗಿ ಮಾಡಿದ್ದಾರೆ ಅನ್ನೋ ಕ್ಲಾರಿಟಿ ಸಿಗ್ತದೆ. ಆರಂಭದಿಂದಲೂ editing ಕೈಚಳಕ ಎಷ್ಟೊಂದು professional ಆಗಿದೆ ಅನ್ನೋದು ಕಾಣುತ್ತಲೇ ಇರುತ್ತೆ.
ಅವ್ರ ಟಾರ್ಗೆಟ್ಟು ಹಾಸ್ಟೆಲ್ ವಿದ್ಯಾರ್ಥಿಗಳು ಹಾಗೂ ಹಾಸ್ಟೆಲ್ ನಲ್ಲಿ ಈ ಹಿಂದೆ ಇದ್ದ ಸೀನಿಯರ್ಗಳೇ ಆಗಿದ್ದಾರೆ. ಆದ್ರೂ ಪ್ರತಿಯೊಬ್ಬರೂ ಈ ಸಿನಿಮಾವನ್ನು ನೋಡಬಹುದು. ಹಾಗಂತ, ಮುಂದಿನ ದಿನಗಳಲ್ಲಿ ಹಾಸ್ಟೆಲ್ ಸೇರಲಿರುವ ವಿದ್ಯಾರ್ಥಿಗಳು ಈ ಸಿನಿಮಾ ನೋಡಿ, ಹಾಸ್ಟೆಲ್ ಅಂದ್ರೆ ಹೀಗಿರ್ತದೆ ಅಂತ ಅಂದ್ಕೊಂಡ್ರೆ ಮುಂದೆ ನಿರಾಸೆ ಆಗೋದು ನಿಶ್ಚಿತ.
ಮತ್ತೊಂದು ಹೇಳಲೇಬೇಕಾಗಿರೋ ಸಂಗತಿ ಅಂದ್ರೆ ಈ ಸಿನಿಮಾದ marketing strategy. ಕಳೆದ ಎರಡು ವರ್ಷಗಳಿಂದ ನಿರಂತರವಾಗಿ, ವಿಭಿನ್ನವಾಗಿ ಚಿತ್ರತಂಡ ಪ್ರಚಾರ ಕೆಲಸದಲ್ಲಿ ತೊಡಗಿದ್ದು, ಅಂತಹದ್ದೇ ಕ್ರಿಯೇಟಿವಿಟಿ ತೆರೆ ಮೇಲೆಯೂ ಬಂದಿರುವುದು ನಿಜಕ್ಕೂ ಶ್ಲಾಘನೀಯ.