ಮಕ್ಕಳಿಗೆ ಚಿಕ್ಕವರಿರುವಾಗ ಹೊಟ್ಟೆಯಲ್ಲಿ ಜಂತು ಹುಳುಗಳು ಆಗುವ ಸಾಧ್ಯತೆ ಹೆಚ್ಚಾಗಿರುತ್ತದೆ. ಮಕ್ಕಳು ಕೆಲವೊಂದು ಸಿಹಿ ಪದಾರ್ಥಗಳನ್ನು, ಚಾಕಲೇಟ್ ಗಳನ್ನು ಆಗಾಗ ಸೇವಿಸುತ್ತಿರುತ್ತಾರೆ. ಹಾಗಾಗಿ ಅವರಿಗೆ ಜಂತು ಹುಳುವಿನ ಸಮಸ್ಯೆ ಉಂಟಾಗಿ ಹೊಟ್ಟೆ ನೋವಿನ ಕಿರಿಕಿರಿ ಉಂಟಾಗುತ್ತಿರುತ್ತದೆ. ಅದರಿಂದ ಅವುಗಳನ್ನು ಹೇಗೆ ನಿವಾರಣೆ ಮಾಡಬಹುದು ಎನ್ನುವ ಬಗ್ಗೆ ಇಲ್ಲಿದೆ ನೋಡಿ ಪರಿಹಾರ.
ಮಕ್ಕಳಲ್ಲಿ ಒಂದಲ್ಲ ಒಂದು ಸಮಸ್ಯೆ ಕಾಡುವುದು ಸಹಜ. ಅದರಲ್ಲೂ ಹೊಟ್ಟೆಗೆ ಸಂಬಂಧಿಸಿದ ಕಿರಿಕಿರಿಗಳು ಹೆಚ್ಚು ಮಕ್ಕಳನ್ನು ಕಾಡುತ್ತವೆ. ಆಗಾಗ ಅಜೀರ್ಣ, ಗ್ಯಾಸ್ಟ್ರಿಕ್ ಸಮಸ್ಯೆ ಸೇರಿದಂತೆ ಹೊಟ್ಟೆಹುಳು ಕೂಡ ಪುಟ್ಟ ಮಕ್ಕಳನ್ನು ಹೆಚ್ಚು ಕಾಡುತ್ತದೆ.ಇದರಿಂದ ಮಕ್ಕಳಲ್ಲಿ ಕಿರಿಕಿರಿ, ಕಿಬ್ಬೊಟ್ಟೆಯ ನೋವು, ಗುದ ತುರಿಕೆ, ಅತಿಸಾರ, ಜ್ವರ, ಒಣ ಕೆಮ್ಮು, ಆಯಾಸ, ಹಲ್ಲುಗಳನ್ನು ಬಿಗಿಗೊಳಿಸುವುದು, ರಕ್ತಹೀನತೆ, ತೂಕ ನಷ್ಟ, ಪದೇ ಪದೇ ತಿನ್ನುವುದು ಇತ್ಯಾದಿ ಲಕ್ಷಣಗಳು ಕಾಣಿಸಿಕೊಳ್ಳುತ್ತಿರುತ್ತದೆ.
ಹಾಗಾದರೆ ಈ ರೀತಿ ಮಕ್ಕಳ ಹೊಟ್ಟೆ ಹುಳುವಿನ ಸಮಸ್ಯೆ ನಿವಾರಣೆಗೆ ಆಯುರ್ವೇದದಲ್ಲಿ ಯಾವೆಲ್ಲಾ ಮದ್ದುಗಳಿವೆ ಎನ್ನುವ ಬಗ್ಗೆ ತಿಳಿಯುವುದಾದರೆ,
ಹೊಟ್ಟೆಯ ಹುಳುವಿನ ಸಮಸ್ಯೆ, ಕಿರಿಕಿರಿಯನ್ನು ನಿವಾರಣೆ ಮಾಡಲು ಕರಿಮೆಣಸಿನ ಕಾಳನ್ನು ಬಳಕೆ ಮಾಡಬಹುದಾಗಿದೆ. ಆದರೆ ಮಕ್ಕಳಿಗೆ ಕಡಿಮೆ ಪ್ರಮಾಣದಲ್ಲಿ ನೀಡಬೇಕು. ಮಲಗುವ ವೇಳೆಗೆ ಅರ್ಧ ಚಮಚ ಜೇನುತುಪ್ಪದೊಂದಿಗೆ ಒಂದು ಚಿಟಿಕೆ ಕರಿಮೆಣಸಿನ ಪುಡಿಯನ್ನು ಮಕ್ಕಳಿಗೆ ನೀಡಿ. ಇದರಿಂದ ಜಂತು ಹುಳುವಿನ ಸಮಸ್ಯೆಯನ್ನು ನಿವಾರಣೆಯಾಗುತ್ತದೆ.
ಇಂಗು ಹೊಟ್ಟೆಯ ಸಮಸ್ಯೆಗಳನ್ನು ಬಗೆಹರಿಸಲು ಸಹಾಯ ಮಾಡುತ್ತದೆ. ಅದು ದೊಡ್ಡವರಿಗೆ ಮಾತ್ರವಲ್ಲ ಮಕ್ಕಳಿಗೂ ಒಳ್ಳೆಯದೆ. ಹೊಟ್ಟೆ ಹುಳುವಿನ ಸಮಸ್ಯೆ ಇದ್ದರೆ ಮಕ್ಕಳಿಗೆ ಇಂಗನ್ನು ನೀಡವುದು ಒಳ್ಳೆಯದು. ಅಡುಗೆ ಮಾಡುವಾಗ ತರಕಾರಿಗಳಲ್ಲಿ ಅರ್ಧ ಚಮಚ ಇಂಗನ್ನು ಸೇರಿಸಬಹುದು. ಅಡುಗೆಯಲ್ಲಿ ಇಂಗನ್ನು ಬಳಕೆ ಮಾಡುವುದರಿಂದ ಆಹಾರದ ರುಚಿಯೂ ಹೆಚ್ಚುತ್ತದೆ.
ಹೊಟ್ಟೆಯ ಕೆಟ್ಟ ಬ್ಯಾಕ್ಟೀರಿಯಾವನ್ನು ತೊಡೆದುಹಾಕುವಲ್ಲಿ ತುಳಸಿ ಎಲೆಗಳು ಸಹಾಯ ಮಾಡುತ್ತವೆ. 3 -4 ತುಳಸಿ ಎಲೆಯ ರಸವನ್ನು ತೆಗೆದುಕೊಂಡು ಆ ರಸದೊಂದಿಗೆ ಅರ್ಧ ಚಮಚ ಜೇನುತುಪ್ಪ ಮತ್ತು 1 ಚಿಟಿಕೆ ಒಣ ಶುಂಠಿ ಪುಡಿಯೊಂದಿಗೆ ಬೆರೆಸಿ ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಮಗುವಿಗೆ ತಿನ್ನಲು ನೀಡಬೇಕು. ಇದರಿಂದ ಹೊಟ್ಟೆಯ ಹುಳದ ಸಮಸ್ಯೆ ನಿವಾರಣೆಯಾಗುತ್ತದೆ.
3 ತುಳಸಿ ಎಲೆಗಳ ರಸ, 1 ಚಿಟಿಕೆ ಇಂಗು, ಅರಿಶಿನ ಮತ್ತು ಕರಿಮೆಣಸು ಅರ್ಧ ಚಮಚ ಶುಂಠಿ ರಸದೊಂದಿಗೆ ಖಾಲಿ ಹೊಟ್ಟೆಯಲ್ಲಿ ಅಥವಾ ಊಟಕ್ಕೆ 1 ಗಂಟೆ ಮೊದಲು ಮಕ್ಕಳಿಗೆ ಸೇವಿಸಲು ಕೊಟ್ಟರು ಕೂಡ ಆದ್ದರಿಂದ ಜಂತು ಹುಳುವಿನ ನಿವಾರಣೆಯಾಗುತ್ತದೆ.
ಮನೆಮದ್ದುಗಳನ್ನೆಲ್ಲ ಕೆಲವೊಮ್ಮೆ ಮಾತ್ರ ಕೊಟ್ಟು ನೋಡಬೇಕು ಕಡಿಮೆಯಾಗದಿದ್ದಲ್ಲಿ ವೈದ್ಯರನ್ನ ಭೇಟಿ ಮಾಡುವುದು ಉತ್ತಮ.