ಅಡುಗೆಗೆ ಈರುಳ್ಳಿ ಹಾಕಿದ್ರೆ ಅಡುಗೆ ರುಚಿ ಹೆಚ್ಚುತ್ತೆ ಎನ್ನುವುದು ಎಲ್ಲರಿಗೂ ಗೊತ್ತೇ ಇದೆ. ಆದ್ರೆ ಈರುಳ್ಳಿ ಹೆಚ್ಚೋದು ಎಷ್ಟು ಕಷ್ಟ ಎನ್ನುವುದು ಅಡುಗೆ ಮಾಡುವವರಿಗೆ ಮಾತ್ರ ಗೊತ್ತಿರುತ್ತದೆ. ಈರುಳ್ಳಿ ಕತ್ತರಿಸುವಾಗ ಕಣ್ಣಲ್ಲಿ ನೀರು ಬರುವುದು ಸಹಜ. ಹಾಗಾಗಿ ಹೆಚ್ಚಿನವರು ಈರುಳ್ಳಿ ಕತ್ತರಿಸುವುದನ್ನು ಇಷ್ಟ ಪಡೋದಿಲ್ಲ.
ಈರುಳ್ಳಿ ಕತ್ತರಿಸುವಾಗ ಕಣ್ಣಲ್ಲಿ ನೀರು ಬರಲು ಈರುಳ್ಳಿಯ ಒಳಗಿರುವ ಕಿಣ್ವಗಳೇ ಕಾರಣ ಎಂದು ಹೇಳಲಾಗುತ್ತದೆ. ಈರುಳ್ಳಿಯನ್ನು ಕತ್ತರಿಸಿದಾಗ, ಅದರೊಳಗೆ ಇರುವ ಈ ಅನಿಲಗಳಲ್ಲಿ ಒಂದು ಹೊರಬರುತ್ತದೆ. ಇದರಿಂದ ಇದನ್ನು ಸೈ ಪ್ರೊಪನೆಥಿಯಲ್ ಆಕ್ಸೈಡ್ ಎಂದು ಕರೆಯಲಾಗುತ್ತದೆ. ಇದು ಮೂಗಿನ ಮೂಲಕ ಕಣ್ಣುಗಳ ಪೊರೆಯನ್ನು ಕೆರಳಿಸುತ್ತದೆ ಮತ್ತು ಕಣ್ಣುಗಳಿಂದ ಕಣ್ಣೀರು ಬರುವ ಹಾಗೆ ಮಾಡುತ್ತದೆ.
ಈರುಳ್ಳಿ ಸಿಪ್ಪೆ ತೆಗೆದ ನಂತರ ಅದನ್ನು ಮಧ್ಯದಿಂದ ಎರಡು ತುಂಡುಗಳಾಗಿ ಕತ್ತರಿಸಿ. ನಂತರ ಅದನ್ನು ನೀರಿನಲ್ಲಿ ಹಾಕಿ ಸ್ವಲ್ಪ ಹೊತ್ತು ಇಡಿ. ನೀವು ಕನಿಷ್ಟ 15 ರಿಂದ 20 ನಿಮಿಷಗಳ ಕಾಲ ನೀರಿನಲ್ಲಿ ಬಿಟ್ಟ ಮೇಲೆ ಈರುಳ್ಳಿಯನ್ನು ಕಟ್ ಮಾಡಿದರು ಕೂಡ ಕಣ್ಣಲ್ಲಿ ನೀರು ಬರುವುದಿಲ್ಲ.
ನೀವು ಆ ನೀರಿಗೆ ಬಿಳಿ ವಿನೆಗರ್ ಅನ್ನು ಕೂಡ ಸೇರಿಸಬಹುದು. ಹೀಗೆ ಮಾಡುವುದರಿಂದ ಈರುಳ್ಳಿಯ ಕಿಣ್ವಗಳು ಬಿಡುಗಡೆಯಾಗುತ್ತವೆ ಮತ್ತು ನಿಮ್ಮ ಕಣ್ಣಿನಿಂದ ನೀರು ಬರುವುದಿಲ್ಲ.
ಈರುಳ್ಳಿ ಕತ್ತರಿಸುವಾಗ ನೀವು ಕನ್ನಡಕವನ್ನು ಬಳಸಬಹುದು. ಕಣ್ಣುಗಳಿಗೆ ಗಾಳಿಯನ್ನು ತಲುಪಲು ಅನುಮತಿಸದಂತಹ ಕನ್ನಡವನ್ನು ಬಳಸಬೇಕು. ಈ ರೀತಿಯಾಗಿ ನೀವು ಈರುಳ್ಳಿ ಕತ್ತರಿಸುವಾಗ ಈರುಳ್ಳಿಯಲ್ಲಿರುವ ಅನಿಲವು ನಿಮ್ಮ ಕಣ್ಣುಗಳನ್ನು ತಲುಪುವುದಿಲ್ಲ.ಆಗ ಕಣ್ಣೀರು ಬರದೇ ಇರುವ ಸಾಧ್ಯತೆ ಇರುತ್ತದೆ.
ಈರುಳ್ಳಿ ಕತ್ತರಿಸುವಾಗ ಕಣ್ಣೀರು ಬರುವುದನ್ನು ತಪ್ಪಿಸಲು ಅದನ್ನು ಕತ್ತರಿಸುವ ಮೊದಲು 20 ರಿಂದ 25 ನಿಮಿಷಗಳ ಕಾಲ ರೆಫ್ರಿಜರೇಟರ್ನಲ್ಲಿ ಇರಿಸಿ. ಹೀಗೆ ಮಾಡುವುದರಿಂದ ಈರುಳ್ಳಿಯಲ್ಲಿರುವ ಕಿಣ್ವದ ಪರಿಣಾಮ ಕಡಿಮೆಯಾಗುತ್ತದೆ ಹಾಗಾಗಿ ಕತ್ತರಿಸುವಾಗ ಕಣ್ಣಿನಿಂದ ನೀರು ಬರುವುದಿಲ್ಲ.
ಈರುಳ್ಳಿ ಸಿಪ್ಪೆಯನ್ನು ಬಿಡಿಸುವಾಗ ಆ ಸಿಪ್ಪೆಯನ್ನು ನಿಮ್ಮ ತಲೆ ಮೇಲೆ ಅಥವಾ ಕಿವಿಯ ಮೇಲೆ ಇಟ್ಟುಕೊಂಡರೆ ಕೂಡ ಕಣ್ಣಿನಿಂದ ನೀರು ಬರುವುದು ತಪ್ಪುತ್ತದೆ.