ರಾಜ್ಯದ ಎಲ್ಲಾ ತೋಟದ ಬೆಳೆಗಾರರಿಗೂ ಉತ್ವಾದಕ ಕಂಪನಿಗಳಿವೆ ಆದರೆ ಭತ್ತದ ಕೃಷಿಕರಿಗೆ ಮಾತ್ರ ಇರುವುದು ಒಂದೇ ಒಂದು ಕಂಪನಿ ಅದು ಕೂಡ ಕಡಿಮೆ ಭತ್ತ ಬೆಳೆಯುವ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಎಂಬುದು ಹೆಮ್ಮೆಯ ವಿಷಯವಾಗಿದೆ.
ರಾಜ್ಯದ ಮೊದಲ ಭತ್ತದ ಕೃಷಿಕರ ಕಂಪನಿ ಸಿರಿಕುರಲ್ನ್ನು 2020ರಲ್ಲಿ ಕಂಪನಿ ಕಾಯ್ದೆಯಡಿ ನೋಂದಾವಣಿ ಮಾಡಿ ಚಟುವಟಿಕೆಯನ್ನು ಪ್ರಾರಂಭಿಸಲಾಗಿದೆ. ಎಕ್ಕಾರು ಸದಾಶಿವ ಶೆಟ್ಟಿಯವರು ಸಿರಿ ಕುರಲ್ ರೈತ ಉತ್ಪಾದಕ ಸಂಸ್ಥೆಯ ಬೆನ್ನೆಲುಬಾಗಿದ್ದಾರೆ. ಮೊದಲ ವರ್ಷ ಶೆಟ್ಟಿಯವರು ಚೇಳ್ಳಾರು ಮಧ್ಯೆ ಆ ಭಾಗದಲ್ಲಿ ಹಡಿಲು ಗದ್ದೆಗಳನ್ನು ಸಿದ್ಧಪಡಿಸಿ ಅಂದಾಜು 25 ಎಕರೆಯಲ್ಲಿ ಭಕ್ತ ಬೆಳೆದಿದ್ದರು. ಮುಂದಿನ ವರ್ಷ ಸುಮಾರು 50 ಎಕರೆಗೆ ವಿಸ್ತರಿಸಿತು. ಮೂರನೇ ವರ್ಷ 50 ಎಕರೆಯಲ್ಲಿಯೇ ಉಳಿಯಿತು.
ಸುತ್ತಮುತ್ತಲಿನ ರೈತರು ಕಂಪನಿಯು ಮಾರ್ಗದರ್ಶನದಿಂದ ನೂರು ಎಕರೆಗೂ ಅಧಿಕ ಭೂಮಿಯಲ್ಲಿ ಭತ್ತದ ಕೃಷಿಗೆ ಪ್ರಾರಂಭವಾಗಿದೆ. ಇನ್ನು ಭವಿಷ್ಯದಲ್ಲಿ ಸಿರಿ ಕುರಲ್ ಬ್ರಾಂಡ್ನಲ್ಲಿ ಮಾರುಕಟ್ಟೆಗೆ ಒದಗಿಸುವ ಯೋಚನೆ ಇದೆ. ರೈತರು ಭತ್ತ ಬೆಳೆಯುವಂತೆ ಮನ ಒಲಿಸುವ ಕೆಲಸವನ್ನು ಸಿರಿಕುರಲ್ ಮಾಡಲಿದೆ. ಎಕ್ಕಾರಿನ ಯುವ ಸಂಘಟನೆಯೊಂದು ಭತ್ತ ಬೆಳೆಯಲು ಉಮೇದು ಮಾಡುವ ರೈತರಿಗೆ ಸಹಾಯಕ್ಕೆ ನಿಂತಿದೆ. ಸಿರಿಕುರಲ್ ರೈತ ಉತ್ವಾದಕ ಸಂಸ್ಥೆ 600ಕ್ಕೂ ಹೆಚ್ಚು ಇದ್ದು, ಎಕ್ಕಾರು ಗ್ರಾಮದಲ್ಲಿ ಕೃಷಿ ಇಲಾಖೆಯ ಹೆಸರಿನಲ್ಲಿ 30 ಸೆನ್ಸ್ ಜಮೀನು ಮಂಜೂರಾಗಿದೆ.