ಮಾನ್ಸೂನ್ ಸೀಸನ್ ಬಂತೆಂದರೆ ಪ್ರತಿಯೊಬ್ಬರಿಗೂ ಸಂತೋಷ ತರುತ್ತದೆ, ಆದರೆ ಮಳೆಯಿಂದಾಗಿ ಸಾಲು ಸಾಲು ಸಮಸ್ಯೆಗಳು ಸಹ ಕಾಣಿಸಿಕೊಳ್ಳುತ್ತವೆ. ವೈರಸ್ಗಳು ಮತ್ತು ಬ್ಯಾಕ್ಟೀರಿಯಾಗಳ ಅಪಾಯವು ಈ ಸೀಸನ್ನಲ್ಲಿ ಹೆಚ್ಚಾಗಿರುತ್ತದೆ.
ಮಳೆಗಾಲದಲ್ಲಿ ಸಾಕಷ್ಟು ಸೋಂಕಿನ ಅಪಾಯ ಉಂಟಾಗುವ ಸಾಧ್ಯತೆ ಇರುತ್ತದೆ. ಈ ಸಮಯದಲ್ಲಿ, ನೀವು ನಿಮ್ಮನ್ನು ಆರೋಗ್ಯವಾಗಿಡಲು ಬಯಸಿದರೆ, ಆಹಾರದ ಬಗ್ಗೆ ವಿಶೇಷ ಕಾಳಜಿ ವಹಿಸುವುದು ಉತ್ತಮ. ಇದಕ್ಕಾಗಿ, ಕೆಲವು ಆಹಾರಗಳನ್ನು ಮಳೆಗಾಲದಲ್ಲಿ ಸೇವಿಸಬಾರದು, ಇನ್ನು ಕೆಲವು ಮಳೆಗಾಲಕ್ಕೆ ಹೊಂದಿಕೊಳ್ಳುವಂತಹ ಆಹಾರಗಳನ್ನು ಸೇವಿಸಲು ಹೊಂದಾಣಿಕೆ ಮಾಡಿಕೊಳ್ಳಬೇಕಾಗುತ್ತದೆ. ಅಂತಹ ಮಳೆಗಾಲದ ಆಹಾರಗಳಲ್ಲಿ ಬಿಸಿ ಬಿಸಿ ಸೂಪ್ ಕುಡಿಯುವುದು ಸಾಕಷ್ಟು ಪ್ರಯೋಜನ ನೀಡುತ್ತದೆ.
ಸೂಪ್ ಕುಡಿಯುವುದರಿಂದ ದೊರಕುವ ಪ್ರಯೋಜನಗಳು:
ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತೆ: ಮಳೆಗಾಲದಲ್ಲಿ ಸೋಂಕುಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತೆ. ಇದಕ್ಕೆ ಸೂಪ್ ಕೂಡ ಉತ್ತಮ ಆಯ್ಕೆ.ಮಳೆಗಾಲದಲ್ಲಿ ಸೂಪ್ ಏಕೆ ಕುಡಿಯಬೇಕು?
ದೇಹಕ್ಕೆ ಶಾಖ ನೀಡುತ್ತದೆ.
ಮಳೆಗಾಲದಲ್ಲಿ ಸೂಪ್ ಕುಡಿಯುವುದು ಸಾಕಷ್ಟು ಆರಾಮದಾಯಕವಾಗಿದೆ ಏಕೆಂದರೆ ಇದು ಒಳಗಿನಿಂದ ದೇಹಕ್ಕೆ ಶಾಖವನ್ನು ನೀಡುತ್ತೆ. ಆಹಾರದಲ್ಲಿ ಒಂದು ಬಟ್ಟಲು ಸೂಪ್ ಸೇರಿಸುವುದರಿಂದ ದೇಹದಲ್ಲಿ ಆರೋಗ್ಯಕರ ತಾಪಮಾನ (healthy tempreture) ಕಾಪಾಡಿಕೊಳ್ಳುತ್ತದೆ. ಅದಕ್ಕಾಗಿಯೇ ಹೆಚ್ಚಾಗಿ ಹಿಲ್ ಸ್ಟೇಶನ್ ಗಳಲ್ಲಿ ಸೂಪ್ ಮುಖ್ಯವಾಗಿ ಕುಡಿಯಲಾಗುತ್ತೆ.
ತೂಕ ಇಳಿಸಿಕೊಳ್ಳಲು ಸಹಾಯಕ:
ಸೂಪ್ ಅಧೀಕ ಪೋಷಕಾಂಶಗಳಿಂದ ಕೂಡಿದೆ. ಅಷ್ಟೇ ಅಲ್ಲ ಇದರಲ್ಲಿ ಕ್ಯಾಲೊರಿ ಪ್ರಮಾಣವೂ ಸಾಕಷ್ಟು ಕಡಿಮೆ. ಹಾಗಾಗಿ ಸೂಪ್ ತೂಕ ಇಳಿಸಿಕೊಳ್ಳಲು ಸಹಕರಿಸುತ್ತದೆ.
ದೇಹಕ್ಕೆ ಪ್ರಮುಖ ಪೋಷಕಾಂಶಗಳು ಸಿಗುತ್ತವೆ:
ಸೂಪಿನಲ್ಲಿ ತರಕಾರಿ ಅಥವಾ ಚಿಕನ್ ನ ಜೀವಸತ್ವಗಳು ಇರುತ್ತವೆ. ಸೂಪ್ ಕುಡಿಯುವುದರಿಂದ ಹೊಟ್ಟೆ ತುಂಬಿದ ಅನುಭವವಾಗುತ್ತದೆ. ಇದರಿಂದ ಬೇಗ ಹಸಿವಾಗೋದಿಲ್ಲ. ಒಂದು ಬಟ್ಟಲು ಸೂಪ್ ಖನಿಜಗಳು ಮತ್ತು ಜೀವಸತ್ವಗಳ ಶಕ್ತಿ ಕೇಂದ್ರ. ಅಡುಗೆ ಮಾಡುವಾಗ ತರಕಾರಿ ತಮ್ಮ ಕೆಲವು ಪೋಷಕಾಂಶಗಳನ್ನು ಕಳೆದುಕೊಳ್ಳಬಹುದು. ಸೂಪ್ ತಯಾರಿಸುವಾಗ, ಎಲ್ಲಾ ತರಕಾರಿಗಳ ಪೋಷಕಾಂಶಗಳು ಅವುಗಳಲ್ಲಿ ಕಂಡುಬರುತ್ತವೆ.
ಶೀತದ ವಿರುದ್ಧ ಹೋರಾಡಲು ಸಹಾಯ:
ಮಳೆಗಾಲವು ಶೀತ ಮತ್ತು ಜ್ವರದ ಅಪಾಯವನ್ನು ಹೆಚ್ಚಿಸುತ್ತಿರುತ್ತದೆ, ಹೀಗಿರೋವಾಗ, ಬಿಸಿ ಬಿಸಿ ಸೂಪ್ ಕುಡಿಯೋದ್ರಿಂದ ಶೀತ, ಜ್ವರದ ವಿರುದ್ಧ ಹೋರಾಡಬಹುದು. ತರಕಾರಿ ಸೂಪ್ ಕುಡಿಯೋದ್ರಿಂದ ರೋಗ ನಿರೋದಕ ಶಕ್ತಿ ಹೆಚ್ಚುತ್ತದೆ. ಯಾವುದೇ ರೋಗವು ಬಾರದಂತೆ ಈ ಆಹಾರ ತಡಿಯಬಹುದು.